Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ირაკლი ალასანია საგარეო პოლიტიკის პრიორიტეტებზე საუბრობს
სივილ ჯორჯია, თბილისი / 13 ნოე.'08 / 18:53

საქართველოს ელჩმა გაეროში ირაკლი ალასანიამ განაცხადა, რომ თბილისს სამი საგარეო პოლიტიკური პრიორიტეტი უნდა ჰქონდეს - სამხრეთ ოსეთის და აფხაზეთის არ აღიარების საკითხის გააქტიურება, ინტეგრაცია ევროპაში და აფხაზეთში დევნილთა საკუთრების უფლების შენარჩუნების მექანიზმების უზრუნველყოფა.

”ჩვენ უნდა ვიქცეთ ევროპის უსაფრთხოების არქიტექტურის განუყოფელ ნაწილად,” - განაცხადა ალასანიამ გაზეთ ”24 საათთან” ინტერვიუში, რომელიც 13 ნოემბერს გამოქვეყნდა. 

”ამავე დროს, ჩვენმა დასავლეთელმა მოკავშირეებმა უნდა დაინახონ, რომ საქართველო ყალიბდება ჭეშმარიტად დემოკრატიულ ქვეყნად. ის დეკლარირებული მიზნები, რაც საქართველოს პრეზიდენტმა ნიუ-იორკში გაეროს გენერალური ასამბლეის დებატებზე გაახმოვანა, პრაქტიკულად უნდა იყოს შესრულებული,” - განაცხადა მან.

”სასიცოცხლოდ მნიშვნელოვანია ქვეყანაში გადაწყვეტილების მიღების ინსტიტუციონალური სისტემის შექმნა, რომელიც გამორიცხავს ერთპიროვნული გადაწყვეტილების მიღებას და შეამცირებს პროვოკაციებში საქართველოს ჩათრევის საფრთხეს,” - დასძინა მან.

ალასანიამ ასევე განაცხადა, რომ მიუხედავად იმისა, რომ საქართველო საერთაშორისო მხარდაჭერით სარგებლობს აფხაზეთის და სამხრეთ ოსეთის არ აღიარებასთან დაკავშირებით, ქართულ დიპლომატიას მოუწევს სერიოზული მუშაობის ჩატარება არ აღიარების ამ ტენდენციის შესანარჩუნებლად. 

მან ასევე განაცხადა, რომ თბილისს უფრო აქტიურად უნდა ემოქმედა აფხაზურ მხარესთან პირდაპირ მოლაპარაკებებში ჩართვის კუთხით.

”ვფიქრობ, რომ აფხაზურ მხარესთან შესაძლებელი იყო პირდაპირი დიალოგის გაღრმავება, რაც აუცილებლად შეამცირებდა სამხედრო დაპირისპირების განახლების საფრთხეს,” - განაცხადა მან, ”ბოლო წლებში მრავალი შესაძლებლობა იქნა ხელიდან გაშვებული როგორც აფხაზური, ასევე ქართული მხრიდან. ბუნებრივია, იყო ხელისშემშლელი გარემოებები, მათ შორის მთავარი - რუსეთის მხრიდან ორგანიზებული პროვოკაციების წყება, მაგრამ, ჩემი აზრით, მეტი წინდახედულება და ძალისხმევა უნდა დაგვეთმო შუამავლების გარეშე პირდაპირი მოლაპარაკებებისთვის”.

მისი თქმით, ბოლო დროს აფხაზეთში ”ძალიან სახიფათო ტენდენცია” გაჩნდა ”დევნილების კერძო საკუთრების ლეგალური შესყიდვის სახით”.

”უკვე გამოჩნდნენ პირები, ორგანიზაციები, რომლებიც ცდილობენ, საკმაოდ სოლიდური თანხების სანაცვლოდ, დევნილებთან პირდაპირი მოლაპარაკების ფორმით, [აფხაზეთის] საკურორტო ზონებში კერძო საკუთრება შეისყიდონ,” - განაცხადა ალასანიამ, ”ჩემი აზრით, ამის აღსაკვეთად ძალიან მნიშვნელოვანია, სახელმწიფომ შეიმუშავოს რეალური პროგრამა, რომ დევნილები არ დავაყენოთ ასეთი საშინელი მორალური არჩევანის წინაშე და ამავე დროს, მოვახერხოთ მათი საკუთრების უფლების შენარჩუნება [აფხაზეთში]”.

 

 

 

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
18