Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველოს დელეგაცია ჟენევაში გაემგზავრა
სივილ ჯორჯია, თბილისი / 17 ნოე.'08 / 12:35

საქართველოს დელეგაცია საგარეო საქმეთა მინისტრის მოადგილის გიგა ბოკერიას ხელმძღვანელობით ჟენევაში გაემგზავრა, სადაც 18-19 ნოემბერს საქართველოს კონფლიქტურის რეგიონების უსაფრთხოების საკითხებზე შეხვედრა გაიმართება. 

”ჩვენ გვექნება შესაძლებლობა დავიწყოთ საუბარი იმ ყველაზე მწვავე პრობლემებზე, რომლის გადაჭრის გარეშეც შეუძლებელი იქნება როგორც დევნილების დაბრუნება, ისე პოლიტიკური დიალოგის გამართვა ამ კონფლიქტების მშვიდობიანად მოგვარებისთვის,”- განუცხადა ბოკერიამ ჟურნალისტებს გამგზავრების წინ, ”ეს ყველაფერი შესაძლებელია მხოლოდ დეოკუპაციის შემთხვევაში, მხოლოდ ცეცხლის შეწყვეტის შეთანხმების სრულად შესრულების შემთხვევაში და მხოლოდ რეალური სამშვიდობო ძალებით საოკუპაციო ჯარების ჩანაცვლების შემთხვევაში”.

საქართველოს დელეგაციის ფარგლებში ჟენევაში ასევე გაემგზავრნენ სამხრეთ ოსეთის დროებითი ადმინისტრაციის ხელმძღვანელი დიმიტრი სანაკოევი და აფხაზეთის ლეგიტიმური მთავრობის თავმჯდომარე მალხაზ აქიშბაია.

აქიშბაიას განცხადებით, ყურადღება გამახვილდება გალის რაიონში ადამიანი უფლებათა დარღვევის ფაქტებზე და ასევე კოდორის ხეობაში შექმნილ ვითარებაზე, კერძოდ, ”იქ მყოფი საოკუპაციო ჯარების გაყვანის პროცესის დაწყებაზე, რაც ხელს შეუწყობს დევნილების რეალურ დაბრუნებას”.

სანაკოევის განცხადებით, ჟენევაში განიხილება ევროკავშირის დამკვირვებელთა შემდგომი მუშაობის საკითხები.

”ჩვენ იმედი გვაქვს, რომ ხვალ და ზეგ დავსხდებით და კონკრეტულად ვისაუბრებთ  იმ საკითხებზე,  რომელიც ეხება  ამ რეგიონების უსაფრთხოებას,”- განუცხადა მან ჟურნალისტებს, ”ჩვენ უკვე ვიცით რუსეთმა შესთავაზა  ევროკავშირს  ახალი წინადადებები უსაფრთხოების შესახებ და ალბათ ამ წინადადებების ფარგლებში ვიმუშავებთ”.

მოსკოვი ჟენევაში კონკრეტულ წინადადებებს ჩაიტანს, განაცხადა ცოტა ხნის წინ რუსეთის საგარეო საქმეთა მინისტრის მოადგილემ გრიგორი კარასინმა, რომელიც ჟენევაში რუსეთის დელეგაციას უხელმძღვანელებს.

პირველი შეხვედრა ჟენევაში 15 ოქტომბერს გაიმართა, თუმცა ის ფაქტიურად ჩაიშალა პროცედურული გაუგებრობების გამო, რომელიც უკავშირდებოდა სოხუმისა და ცხინვალის წარმომადგენლების მოთხოვნას სრულუფლებიანი მონაწილის სტატუსით მიეღოთ მონაწილეობა მოლაპარაკებებში. მათი სტატუსი არც 18 ნოემბრის შეხვედრის წინ არის ნათელი. 

სოხუმმა განაცხადა, რომ ის ჟენევაში დელეგაციას დე ფაქტო საგარეო საქმეთა მინისტრის მოადგილის მაქსიმ გვინჯიას ხელმძღვანელობით გააგზავნის. 

ჟენევის პროცესის ორგანიზატორები არიან გაერო, ევროკავშირი და ეუთო, ხოლო მოლაპარაკებებში სრულუფლებიანი დელეგაციების სტატუსით მონაწილეობენ საქართველო, რუსეთი და აშშ. თბილისი თანახმაა სეპარატისტების წარმომადგენლებმა სამუშაო ჯგუფების ფორმატში, მათ შორის დევნილთა დაბრუნების საკითხებზე მიძღვნილ შეხვედრებში მიიღონ მონაწილეობა.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
19