Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ნოღაიდელმა ოპოზიციური პარტია შექმნა
სივილ ჯორჯია, თბილისი / 3 დეკ.'08 / 18:53

ყოფილმა პრემიერ-მინისტრმა ზურაბ ნოღაიდელმა, რომელმაც აგვისტოს ომის შემდეგ ღიად გააკრიტიკა ხელისუფლება, დღეს ახალი ოპოზიციური პარტიის -  ”მოძრაობა სამართლიანი საქართველოსთვის” შექმნის შესახებ გააკეთა განცხადება.

პარტიის საორგანიზაციო კომიტეტის წევრები არიან ზურაბ ნოღაიდელი, დეპუტატი პეტრე მამრაძე, რომელმაც ცოტა ხნის წინ დატოვა საპარლამენტო უმრავლესობა; ყოფილი დეპუტატები შოთა გვენეტაძე და ედუარდ სურმანიძე, ასევე ლევან როინიშვილი და კობა აბულაძე. ახალი პარტიის დამფუძნებელი ყრილობა გაზაფხულზე იგეგმება.

ზურაბ ნოღაიდელმა დღეს გამართულ პრესკონფერენციაზე განაცხადა, რომ მიუხედავად იმისა, რომ ოპოზიციური პარტიების დიდი ნაწილი ვადამდელი არჩევნების ჩატარებას ითხოვენ გაზაფხულზე ან შემოდგომაზე,  ხელისუფლება არ აპირებს ძალაუფლების დათმობას ვადის გასვლის შემდეგაც კი.

ახალი პარტია აცხადებს, რომ მისი ამბიციაა თავიდან იქნეს აცილებული ხელისუფლების ”არასწორი მართვით” გამოწვეული ”გარდაუვალი” პოლიტიკური და ეკონომიკური კრიზისი.

”ამ არასწორი მართვის შედეგია ის, რომ აგვისტოში საქართველოს ხელისუფლება მარტივ და უხეშ პროვოკაციას წამოეგო და დღეს ჩვენი ერი იმკის ამ შეცდომის, პირდაპირ რომ ვთქვათ, ამ ავანტიურის, ტრაგიკულ შედეგებს,”- ნათქვამია ახლადდაფუძნებული პარტიის პრესრელიზში.

პარტია აცხადებს, რომ მისი მიზანია აფხაზებთან და ოსებთან შერიგება და დიალოგის დაწყება რუსეთთან, ”რაოდენ რთულიც არ უნდა იყოს ეს დღეს, ვინაიდან ეს აუცილებელია ჩვენი სახელმწიფოებრიობის შენარჩუნებისათვის”.

დღესვე ახალი პარტიის ერთ-ერთმა ლიდერმა პეტრე მამრაძემ განაცხადა, რომ ზურაბ ნოღაიდელი ისევ მთავრობაში რომ ყოფილიყო ”დიდი ალბათობით” აგვისტოს ომი თავიდან იქნებოდა აცილებული, ”იმიტომ რომ პრეზიდენტის გვერდით იქნებოდა ადამიანი, ვინც ძალიან მტკიცედ იტყოდა, რომ ამის გაკეთება არ შეიძლება”.

ზურაბ ნოღაიდელი პრემიერის პოსტიდან შარშან 7 ნოემბრის მოვლენების შემდეგ წავიდა. შემდეგ იგი ცნობილი ფეხბურთელის კახა კალაძის ბიზნესს ჩაუდგა სათავეში, თუმცა მან აგვისტოს ომის შემდეგ ისევ პოლიტიკაში დაბრუნება გადაწყვიტა.

მმართველი პარტიის წარმომადგენლები ნოღაიდელის ამ ნაბიჯს სკეპტიკურად აფასებენ.

”შესაძლოა ის აღმოჩნდა არა ისეთი წარმატებული ბიზნესმენი, როგორც პრემიერ-მინისტრი და ამ წარუმატებლობამ მას უბიძგა ოპოზიციურ პოლიტიკაში, თუმცა ეჭვი მაქვს, რომ აქაც მას წარმატების დიდი შანსი არ ექნება,”- განუცხადა დეპუტატმა მმართველი პარტიიდან გივი თარგამაძემ ”რუსთავი 2”-ს. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
26