Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
შუამავლები ჟენევის მოლაპარაკების მესამე რაუნდის შესახებ
სივილ ჯორჯია, თბილისი / 18 დეკ.'08 / 20:29

მხარეებმა პროგრესს მიაღწიეს ჟენევის მოლაპარაკებების დროს შეთანხმდნენ რა ადგილზე უსაფრთხოებასთან დაკავშირებული ინციდენტების აღკვეთის მექანიზმებზე, განაცხადეს შუამავლებმა 18 დეკემბერს საერთაშორისო მოლაპარაკებების მესამე რაუნდის შემდეგ.

თუმცა, გარკვეული უთანხმოებები ამ საკითხზე კვლავ რჩება, რომელსაც მხარეები 17-18 თებერვალს დაგეგმილ მომდევნო რაუნდზე მოაგვარებენ.

”განხილვები დადებითი სულისკვეთებით წარიმართა,” - განაცხადა ეუთოს მოქმედი თავმჯდომარის სპეციალურმა წარმომადგენელმა ჰეიკი ტალვიტიემ მოლაპარაკებების შემდეგ. ”მონაწილეები შეთანხმდნენ პრაქტიკულ და ტექნიკურ საკითხებზე, რათა მიაღწიონ პროგრესს კონკრეტულ პუნქტებზე, რაც საბოლოოდ ხალხს მოუტანს სარგებელს”.

ტალვიტიე, ევროკავშირის და გაეროს სპეციალურ წარმომადგენლებთან, პიერ მორელთან და იოჰან ვერბეკესთან, ერთად ჟენევის მოლაპარაკებების თანათავმჯდომარეა. მოლაპარაკებებში მონაწილეობენ საქართველოს, რუსეთის და აშშ-ს, ასევე სეპარატისტული რეგიონების წარმომადგენლები.

”მონაწილეები შეთანხმდნენ კონკრეტული მექანიზმების უმეტეს დეტალებზე, რაც დაეხმარება დავების და ინციდენტების მოგვარებას ადგილზე. თანათავმჯდომარეები იმუშავებენ სხვა მონაწილეებთან ერთად, რათა მოაგვარონ დარჩენილი უთანხმოებები და მიაღწიონ შეთანხმებას მომავალი შეხვედრის დროს,” - განაცხადა ეუთომ პრეს-რელიზში.

მოლაპარაკებების წინა რაუნდის მსგავსად, 17-18 დეკემბრის შეხვედრა გაიმართა ორი არაფორმალური სამუშაო ჯგუფის ფარგლებში. ოფიციალური პლენარული სხდომა არ გამართულა. 

მოლაპარაკებები ორი დამოუკიდებელი სამუშაო ჯგუფის ფარგლებში - ერთი უსაფრთხოების და სტაბილურობის, ხოლო მეორე - დევნილთა დაბრუნების საკითხებზე მუშაობს - საშუალებას აძლევს მონაწილეებს ერთმანეთს ე.წ. ინდივიდუალურ ფორმატში შეხვდნენ, ანუ შეხვედრა იმ სუბიექტების იდენტიფიკაციის გარეშე, რომელთაც მომლაპარაკებლები წარმოადგენდნენ. ამ გზით შესაძლებელია სტატუსთან დაკავშირებული უთანხმოების თავიდან აცილება, რაც ძირითადად სეპარატისტული რეგიონების წარმომადგენლებს ეხებათ.  

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12