Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
აშშ-საქართველოს ქარტია ბაზების განლაგებას არ გულისხმობს - ბაქრაძე
სივილ ჯორჯია, თბილისი / 8 იან.'09 / 17:46

აშშ-საქართველოს სტრატეგიული პარტნიორობის შესახებ ქარტია, რომელიც ვაშინგტონში ხვალ გაფორმდება, არ მოიცავს დებულებას საქართველოში ამერიკული სამხედრო ბაზების განთავსების თაობაზე, განაცხადა პარლამენტის თავმჯდომარემ დავით ბაქრაძემ 8 იანვარს.

”დოკუმენტი არანაირი ფორმით არ გულისხმობს ამერიკული ბაზების განლაგებას საქართველოს ტერიტორიაზე და ჩვენი ამოცანაა გავაძლიეროთ ქართული არმია და საქართველო დაიცვას ქართულმა არმიამ და არა რომელიმე სხვა ქვეყნის ჯარმა ან ბაზამ, რომელიც აქ იქნება განლაგებული,”- განაცხადა ბაქრაძემ.

მისი თქმით, დოკუმენტში საუბარი იქნება იმაზე, რომ აშშ გააგრძელებს საქართველოს დახმარებას თავდაცვისუნარიანობის განმტკიცების კუთხით.

”ეს გულისხმობს დახმარებას ქართული არმიის გაწრთვნის, მომზადების და შეიარაღების სფეროში,”- აღნიშნა მან.

პარლამენტის თავმჯდომარემ ეს განცხადება მას შემდეგ გააკეთა, რაც დღეს ლეიბორისტულმა პარტიამ სააკაშვილის ადმინისტრაციას ამერიკული ბაზების საქართველოში განთავსების მცდელობაში დასდო ბრალი. 

”მიხეილ სააკაშვილი ინტენსიურ მოლაპარაკებებს ეწევა ბუშის ადმინისტრაციის კონკრეტულ ჯგუფებთან და სთავაზობს ამერიკელ პარტნიორებს საქართველოს ტერიტორიაზე 90 წლის ვადით ამერიკული სამხედრო ბაზების განთავსებისათვის,”- განაცხადა ლეიბორისტმა ნესტან კირთაძემ პრესკონფერენციზე 8 იანვარს, ”საუბარია ათაოსობით ჰექტარი მიწის გამოყოფაზე ყოველგვარი საიჯარო გადასახადების გარეშე”.

მისი თქმით, ლეიბორისტული პარტია ”აფრთხილებს ბუშის ადმინისტრაციას, ასევე ახალ ადმინისტრაციას”, რათა არ გადააქციონ საქართველო და კავკასია ”მეგასახელმწიფოებს შორის ღია სამხედრო აგრესიის ეპიცენტრად”.

ამ განცხადებას ”ფანტაზიის შედეგი” უწოდა პარლამენტის ვიცე-სპიკერმა მიხეილ მაჭავარიანმა.

”არ ვიცი საიდან აქვთ [ლეიბორისტებს] ეს ინფორმაცია [ვენესუელას პრეზიდენტ] ჰუგო ჩავესისგან თუ სხვა რომელიმე პოლიტიკური ფიგურისგან,”- განაცხადა მან. ”მაგრამ მე ვიცი რაზეც არის ეს ხელშეკრულება - ეს არის დამატებითი გარანტია საქართველოსთვის პოლიტიკური, სამხედრო, ეკონომიკური... რათა ჩვენი მოქალაქეები იყვნენ უფრო მეტად დაცული, ვიდრე ეს იყო აგვისტოს თვემდე”.

აშშ-ში უკვე გაემგზავრა ქართული დელეგაცია საგარეო საქმეთა მინისტრის გრიგოლ ვაშაძის ხელმძღვანელობით, რომელიც აშშ-ის სახელმწიფო მდივანთან კონდოლიზა რაისთან ერთად ხელს მოაწერს ორ ქვეყანას შორის სტრატეგიული თანამშრომლობის ქარტიას. 

დოკუმენტის ტექსტი ჯერ-ჯერობით უცნობია, თუმცა ის აშშ-ის სახელმწიფო დეპარტამენტის განცხადებით, ანალოგიური იქნება იმ ქარტიისა, რომელიც აშშ-მ დეკემბერში უკრაინასთან გააფორმა.

იმავდროულად, ვაშინგტონში იმყოფება საქართველოს თავდაცვის მინისტრი დავით სიხარულიძე, რომელიც დღეს აშშ-ის თავდაცვის მდივანთან რობერტ გეითსთან გამართავს შეხვედრას, იუწყება აშშ-ის თავდაცვის დეპარტამენტი.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14