Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი ეკონომიკის სახელმწიფო სტიმულირებაზე საუბრობს
სივილ ჯორჯია, თბილისი / 9 იან.'09 / 20:24

”ერთი წლის წინ ბევრად უფრო ადვილი ცხოვრება გვქონდა”, თუმცა ვითარება გაართულა მსოფლიო ეკონომიკურმა კრიზისმა და ახლა საქართველოს ხელისუფლება მიმართავს ზომებს, რომ ”ამ ეკონომიკურმა კატასტოფამ” საქართველოში ვერ შემოაღწიოს სრული მასშტაბით, განუცხადა 9 იანვარს მთავრობის წევრებს პრეზიდენტმა სააკაშვილმა სხდომაზე, რომელიც პირდაპირ ეთერში გადაიცემოდა.

”ერთი წლის წინ ბევრად უფრო ადვილი ცხოვრება გვქონდა იმ გაგებით, რომ საქართველო იყო მიმზიდველი ქვეყანა, მსოფლიოში იყო ბევრი იაფი და თავისუფალი ფული და ინვესტორები გამგელებულები ეძებდნენ სად შეიძლებოდა ამ ფულის დაბანდება. ახლა სიტუაციაა რადიკალურად შეცვლილი; ინვესტორი, როგორც ჯიში, მსოფლიოში თითქმის მთლიანად გამქრალია... ყველა დიდი კომპანია თვითონ ფიქრობს, როგორმე გადარჩეს  და აღარ ფიქრობს არსად ინვესტირებას,”- განაცხადა მან.

”ამ სიტუაციაში ჩვენი მდგომარეობა ერთის მხრივ მძიმდება საერთო ფონით, მეორეს მხრივ ჩვენ უნდა მოვნახოთ გამოსავლები იმისათვის, რომ მოვახდინოთ ეკონომიკის სტიმულირება,”- განაგრძო პრეზიდენტმა, ”ამ სიტუაციაში ერთადერთი სწორი გამოსავალი და რეცეპტი ეს არის ინვესტირება სახელმწიფოს მიერ ეკონომიკაში”. 

შემდეგ პრეზიდენტმა თხოვა მთავრობის წევრებს ჩამოეთვალათ 2009 წელს დაგეგმილი სახელმწიფო პროექტები, რომელიც 2.2 მლრდ ლარიან სახელმწიფო სტიმულირების პაკეტს შეადგენს.

ფინანსთა მინისტრმა ნიკა გილაურმა განაცხადა, რომ მიმდინარე თვიდან სახელმწიფო აპირებს 1 მლრდ ლარამდე ღირებულების ინფრასტრუქტურულ პროექტებზე ტენდერების გამოცხადებას. მისი თქმით, ეს 2.2 მლრდ ლარის ოდენობით მთლიანი პაკეტის ნაწილია.

”ჩვენ მოვუწოდებთ ქართულ კომპანიებს აქტიურად მიიღონ მონაწილეობა ამ ტენდერებში,”- განაცხადა გილაურმა, ”გვინდა მოვიზიდოთ მაქსიმალურად ქართული კომპანიები”.

მისი თქმით,  1 მლრდ ლარიდან დაახლოებით, 700 მლნ ლარი დარჩება ქართულ ეკონომიკაში, დანარჩენი კი სავარაუდოდ, იმპორტირებული მასალების შეძენაზე დაიხარჯება.

მან ასევე განუცხადა პრეზიდენტს, რომ 25-30 ათასი სამუშაო ადგილის შექმნაა მოსალოდნელი სახელმწიფო პროექტების ამოქმედების შედეგად.

საგზაო დეპარტამენტის ხელმძღვანელმა რამაზ ნიკოლეიშვილმა განუცხადა პრეზიდენტს, რომ წელს მთლიანობაში გზების მშენებლობა-რეაბილიტაციაზე 521 მლნ ლარის დახარჯვა იგეგმება.

აჭარის მთავრობის თავმჯდომარემ ლევან ვარშალომიძემ, რომელიც მთავრობის სხდომაზე ვიდეო-ჩართვის გზით მონაწილეობდა, განუცხადა პრეზიდენტს, რომ აჭარის ბიუჯეტიდან 120 მლნ ლარის ინვესტირება განხორციელდება სხვადასხვა ინფრასტრუქტურულ პროექტებში.

მთავრობის წევრების მიერ მიწოდებულ ამ ციფრებს პრეზიდენტი სხდომის განმავლობაში დაფაზე წერდა.

”მთელი საქართველო, მიუხედავად მსოფლიო კრიზისისა, ჩვენ უნდა გადავაქციოთ ერთ დიდ სამშენებლო მოედნად და მაშინ ჩვენი ეკონომიკა აიცილებს იმ ფართომასშტაბიან კრიზისს, რომელიც არის უნგრეთში, ლატვიაში, თურქეთში, რუსეთში და ბევრ სხვა ქვეყანაში,”- განაცხადა სააკაშვილმა.

მისი თქმით, მთავარია სახელმწიფო იყოს ”პროაქტიული” და ”ინიციატივით აღჭურვილი”, რაც კერძო სექტორსაც დაუბრუნებს ”ეკონომიკურ ოპტიმიზმს”.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11