Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
შეწყალების კომისია ორმა დეპუტატმა პროტესტის ნიშნად დატოვა
სივილ ჯორჯია, თბილისი / 13 მარ.'09 / 16:19

დეპუტატებმა საპარლამენტო უმცირესობიდან გიორგი ცაგარეიშვილმა და რომან მარსაგიშვილმა პატიმართა შეწყალების კომისია პროტესტის ნიშნად დატოვეს, რადგან, მათი თქმით,  სანდრო გირგვლიანის მკვლელობაში მსჯავრდებულების შეწყალება მათი გვერდის ავლით განხორციელდა.

დეპუტატებმა ეს გადაწყვეტილება მას შემდეგ მიიღეს, რაც სასჯელაღსრულების მინისტრმა დიმიტრი შაშკინმა 12 მარტს დაადასტურა გირგვლიანის მკვლელობაში მსჯავრდებული შსს-ის ოთხი ოფიცრისათვის სასჯელის განახევრების ფაქტი იმ შეწყალების შედეგად, რომელიც პრეზიდენტმა 24 ნოემბერს განახორციელა. მინისტრის თქმით, ამ პირებს ჯერ საპატიმროები არ დაუტოვებიათ. შაშკინმა ასევე განაცხადა, რომ ეს შეწყალება საპარლამენტო ოპოზიციასთან შეთანხმებით განხორციელდა.

საპარლამენტო ოპოზიცია ანტიკრიზისული საბჭოს მეშვეობით აქტიურად იყო ჩართული შეწყალებისა და ამნისტიის ბოლო დროს განხორციელებულ პროცესებში. საბჭოს თავმჯდომარეს, დეპუტატ გია თორთლაძეს არაერთხელ წარმოუჩენია ეს პროცესი, როგორც ანტიკრიზისული საბჭოს წარმატებული საქმიანობის შედეგი.

”საპარლამენტო ოპოზიციას არანაირი შეხება არ აქვს იმ აქტთან, რომელიც განხორციელდა ამ ადამიანების მიმართ,”-  განაცხადა თორთლაძემ დღევანდელ ბრიფინგზე.

დეპუტატმა ცაგარეიშვილმა დღეს გამართულ პრესკონფერენციაზე განაცხადა, რომ მან, როგორც შეწყალების კომისიის წევრმა, არაფერი იცოდა გირგვლიანის მკვლელობაში მსჯავრდებულების შეწყალების თაობაზე, რადგან, მისი თქმით, პრეზიდენტს გააჩნია ექსკლუზიური უფლებამოსილება ამ კომისიის გვერდის ავლით შეიწყალოს პატიმრები.

”ახლა ვხვდები რატომ არ გადმოგვეცა  ჩვენ შეწყალების კომისიის გვერდის ავლით შეწყალებულთა სია,”- განაცხადა 13 მარტს ცაგარეიშვილმა. იგი ნოემბერში აცხადებდა, რომ ”არცერთი მკვლელი შეწყალებული არ არის”.

შეწყალების კომისიის თავმჯდომარემ ელენე თევდორაძემ ასევე განაცხადა, რომ მანაც არაფერი იცოდა ამ შეწყალების თაობაზე და ამის შესახებ მხოლოდ 12 მარტს შეიტყო. ”ძალიან მოულოდნელი იყო ჩემთვის ეს ამბავი,”- განაცხადა მან.

ამავე კომისიის წევრმა, დეპუტატმა საპარლამენტო უმრავლესობიდან მურთაზ ზოდელავამ განაცხადა, რომ ამ ოთხი მსჯავრდებულის შეწყალება იყო ომის შემდგომ პერიოდში სამხედრო წოდების მქონე მსჯავრდებულების მიმართ ლიბერალური მიდგომის ნაწილი, თუმცა ”ყველაზე მკაცრი მიდგომა იყო მათთან [გირგვლიანის მკვლელობაში მსჯავრდებულებთან] მიმართებაში”.  იმავდროულად, მან განაცხადა, რომ შეწყალების კომისიას ამ პირებზე არ უმსჯელია.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15