Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
”იმედის” ჟურნალისტებმა ხელმძღვანელობას საპროტესტო განცხადებით მიმართეს
სივილ ჯორჯია, თბილისი / 5 მაი.'09 / 18:58

ტელეკომპანია ”იმედის” 50-მდე ჟურნალისტმა არხის ხელმძღვანელობას საპროტესტო განცხადებით მიმართა და მათთვის დაწესებული აკრძალვები გააპროტესტა, ასევე მოითხოვა ერთობლივი მექანიზმების შემუშავება, რათა ”იმედს” დაუბრუნდეს საზოგადოების ნდობა.

ამის შესახებ 5 მაისს გაზეთი ”რეზონანსი” იტყობინება და ასევე აქვეყნებს განცხადების სრულს ტექსტს, სადაც ჟურნალისტები აპროტესტებენ არხის საინფორმაციო სამსახურის სარედაქციო პოლიტიკას.

”ვთვლით, რომ ტელეკომპანია ”იმედის” საინფორმაციო სამსახური არაობიექტურად აშუქებს საქართველოში ბოლო დროს განვითარებულ მოვლენებს,”- ნათქვამია განცხადებაში, სადაც კონკრეტულ აკრძალვებზეა საუბარი.

  • კერძოდ, ჟურნალისტები აცხადებენ, რომ 2008 წლის სექტემბერში შედგა თათბირი, სადაც ჟურნალისტებს აუკრძალეს არასაპარლამენტო ოპოზიციის, ექსპერტების გარკვეული ჯგუფის ჩაწერა-გადაღება;
  • აიკრძალა დევნილების პრობლემების გაშუქება იმ მოტივით, რომ ეს თემატიკა ”პრობლემებს” უქმნიდა ხელისუფლებას;
  • აქციების მსვლელობისას ოპერატორებს აეკრძალათ მომიტინგეთა რაოდენობის რეალურად ამსახველი კადრების გადაღება;
  • დაიბლოკა პატრიარქის მოწოდება, რომლის ადრესატებიც ძალოვანი სტრუქტურების წარმომადგენლები იყვნენ; ამ მიზეზით ”იმედის” ორმა ჟურნალისტმა ცოტა ხნის წინ დატოვა ტელეკომპანია.
  • დაიბლოკა სიუჟეტი მთაწმინდის პარკის გახსნასთან დაკავშირებით, სადაც ჟურნალისტს ბადრი პატარკაციშვილის წვლილის შესახებ უნდა ესაუბრა;
  • ჟურნალისტებს დაევალათ სიტყვა ”დევნილის ნაცვლად ”დაზარალებულის, ხოლო ”საკნის” ნაცვლად ”გალიის” გამოყენება;
  • საინფორმაციო სამსახურების დღის მთავარ გამოშვებებში არ გაშუქებულა საპროტესტო აქციების დროს მოქალაქეების ცემის ფაქტები და კომენტარები მათ შესახებ, ”მაშინ როცა ყოველდღიურად შუქდება შსს-ის მიერ მოწოდებული ოპერატიული მასალა, რომელიც მხოლოდ მომიტინგეების დისკრედიტაციას ახდენს”.

ჟურნალისტები მიმართავენ ხელმძღვანელობას თანამშრომლობის წინადადებით, რათა მოიძებნოს გამოსავალი და მოუწოდებენ გადაწყვეტილება 6 მაისის დღის ბოლომდე იქნას მიღებული.

განცხადების ადრესატები არიან ”იმედის” გენერალური დირექტორი ბიძინა ბარათაშვილი და მისი მოადგილე, საინფორმაციო-ანალიტიკური პროგრამები დირექტორი ალექსანდრე ფარულავა.

გაზეთ ”რეზონანსთან” საუბარში ბიძინა ბარათაშვილმა განაცხადა, რომ ის ინფორმირებულია განცხადების შესახებ. ”ჟურნალისტების მხრიდან გამოთქმულია სურვილი ტელევიზიაში გავაჯანსაღოთ სიტუაცია და ჩვენ მზად ვართ ამისთვის,”- განაცხადა ბარათაშვილმა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14