საქართველოს სტატისტიკის დეპარტამენტის საბოლოო შეფასების თანახმად, პირდაპირმა უცხოურმა ინვესტიციებმა 2008 წელს საქართველოში 1.564 მილიარდი აშშ დოლარი შეადგინა 2007 წელს არსებულ 2.014 მილიარდთან შედარებით.

მარტის ბოლოს სტატისტიკის დეპარტამენტმა ”წინასწარი შეფასებები” გამოაქვეყნა, რომლის თანახმადაც პირდაპირმა უცხოურმა ინვესტიციებმა გასულ წელს 1.293 მილიარდი აშშ დოლარი შეადგინა.

ასევე შეიცვალა უცხოური ინვესტიციების კლება ქვეყნების მიხედვით. არაბეთის გაერთიანებული საამიროები კვლავ ლიდერობს 306.5 მილიონი აშშ დოლარით. მას მოყვება ამერიკის შეერთებული შტატები - 167 მილიონი აშშ დოლარი; თურქეთი - 164.5 მილიონი აშშ დოლარი; გაერთიანებული სამეფო - 148.9 მილიონი აშშ დოლარი; ნიდერლანდები - 135.8 მილიონი აშშ დოლარი.

გასულ წელს 156.8 მილიონი აშშ დოლარის ინვესტიცია ჩაიდო საქართველოში ვირჯინიის კუნძულებზე მდებარე ოფშორული კომპანიების მიერ, იტყობინება სტატისტიკის დეპარტამენტი.

პირდაპირი უცხოური ინვესტიციების უმხსვილესი მიმღები იყო ტრანსპორტის და კომუნიკაციის სფერო - 422.6 მილიონი აშშ დოლარი. 294 მილიონი აშშ დოლარი ჩაიდო ენერგოსექტორში, ხოლო 277.8 მილიონი - უძრავი ქონების ბიზნესში; 207.3 მილიონი აშშ დოლარი - მრეწველობის დარგში და 56.7 მილიონი აშშ დოლარი - სამშენებლო სექტორში; 7.8 მილიონი აშშ დოლარი - სოფლის მეურნეობაში.