Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიცია დიპლომატებს ჯარში მიმდინარე პროცესებზე კონტროლის დაწესებას თხოვს
სივილ ჯორჯია, თბილისი / 2 ივნ.'09 / 18:41

საპროტესტო აქციების ორგანიზატორმა ოპოზიციურმა პარტიებმა 2 ივნისს ერთობლივ განცხადებაში მოუწოდეს საქართველოში აკრედიტებულ დიპლომატებს გააკონტროლონ ქართულ შეიარაღებულ ძალებში შექმნილი ”რთული სიტუაცია”.

”არსებობს ეჭვი, რომ მიმდინარეობს მიზანმიმართული ნგრევა ჯარის, რომლის ჩამოყალიბებაში ბოლო წლების განმავლობაში უზარმაზარი საბიუჯეტო სახსრები და პარტნიორი ქვეყნების სოლიდური დახმარება ჩაიდო,”- ნათქვამია ერთობლივ განცხადებაში, ”მთელი პასუხისმგებლობა ეკისრება პრეზიდენტ სააკაშვილს, რომლისთვისაც ჯარი არა სახელმწიფოებრიობის უმნიშვნელოვანეს ატრიბუტს, არამედ მისი პოლიტიკური მიზნების განხორციელების ინსტრუმენტს წარმოადგენს”.

აღნიშნული განცხადება დღეს თავდაცვის სამინისტროსთან გამართულ პრესკონფერენციაზე ოპოზიციის ლიდერებმა ლევან გაჩეჩილაძემ, სალომე ზურაბიშვილმა, ეკა ბესელიამ, ნინო ბურჯანაძემ, ზურაბ აბაშიძემ, დავით გამყრელიძემ, თინა ხიდაშელმა, ზვიად ძიძიგურმა, კოკა გუნცაძემ და ირაკლი ბათიაშვილმა გაახმოვანეს.

მათი განცხადებით, აგვისტოს ომის შემდეგ ჯარის მიმართ მიზანმიმართული სადამსჯელო ღონისძიებების გატარება დაიწყო, რაც განსაკუთრებით გამოიკვეთა მას  შემდეგ, რაც თავდაცვის მინისტრის მოადგილედ დაინიშნა ”ხელისუფლების ერთ-ერთი ყველაზე დისკრედიტებული წარმომადგენელი – სასჯელაღსრულების დეპარტამენტის ყოფილი ხელმძღვანელი ბაჩო ახალაია”.

”არსებობს საფუძვლიანი ეჭვი, რომ ე. წ. მუხროვანის ამბოხი ხელისუფლებამ მას შემდეგ გაითამაშა, რაც საჯარისო ნაწილების პოლიტიკურ დაპირისპირებაში ჩართვა და საპროტესტოდ ქუჩაში გამოსული საზოგადოების წინააღმდეგ გამოყენება მოინდომა,”- ნათქვამია ერთობლივ განცხადებაში და აქვე ნახსენებია ამბოხის ბრალდებით დაკავებული 32 მოქმედი თუ ყოფილი სამხედრო და ”ე.წ. სპეცოპერაციის დროს” მოკლული გია კრიალაშვილი.

”ვინაიდან, საზოგადოებაში უკიდურესად დაბალია ნდობა სამართალდამცავი და სასამართლო სისტემის მიმართ, ხოლო შეიარაღებულ ძალებზე საპარლამენტო და სამოქალაქო კონტროლი პრაქტიკულად არ ხორციელდება, მოგმართავთ თხოვნით, გამოიყენოთ თქვენს ხელთ არსებული ყველა საშუალება და დააწესოთ კონტროლი და მონიტორინგი ზემოაღნიშული საქმეების გამოძიებასა და საქართველოს შეიარაღებულ ძალებში მიმდინარე შემაშფოთებელ პროცესებზე,”- მიმართავს ოპოზიცია დიპლომატებს.

ოპოზიციამ ასევე გაუსვა ხაზი, რომ მათი მიზანია ჯარის დაცვა და მის მიმართ სოლიდარობის გამოხატვა.  

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2025, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
105