Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ალიანსი საქართველოსთვის აქტივისტების დაპატიმრებებზე იტყობინება
სივილ ჯორჯია, თბილისი / 17 ივნ.'09 / 17:18

ალიანსმა საქართველოსთვის განაცხადა 17 ივნისს, რომ მისი 10 აქტივისტი დააპატიმრეს ბოლო რამოდენიმე დღის მანძილზე საქართველოს სხვადასხვა რაიონებში ძირითადად იარაღის უკანონო შენახვის ბრალდებით, ხოლო ერთი დაპატიმრება ნარკოტიკებთან დაკავშირებულ ბრალდებას უკავშირდება.  

ალიანსმა, რომელიც ახალ მემარჯვენეებს, რესპუბლიკელებს და ირაკლი ალასანიას გუნდს აერთიანებს, განაცხადა, რომ თბილისის გარდა დაპატიმრებები განხორციელდა გორში, ლანჩხუთში, ჩოხატაურში, ჭიათურაში, ტყიბულში და ადიგენში. რესპუბლიკური პარტიის განცხადებით, დაპატიმრებულების უმეტესობა მისი აქტივისტები არიან.

”ამ ხალხის უკან დგას უამრავი ადამიანი, მათი ოჯახები, მეგობრები, მათი მხარდამჭერები და ნუ იწვევენ ქართულ საზოგადოებას, თორემ მიიღებენ ადეკვატურ პასუხს. ამას ვაცხადებ სრული პასუხისმგებლობით, რომ პასუხი იქნება ძალიან მძიმე და ადეკვატური,”- განაცხადა დღეს თინა ხიდაშელმა რესპუბლიკური პარტიიდან, ”სააკაშვილმა უნდა გააკეთოს არჩევანი როგორც წავა იგი ხელისუფლებიდან: წავა ისე, როგორც წავიდა მისი მასწავლებელი შევარდნაძე თუ წავა ისე, როგორც წავიდნენ დიქტატორები ევროპის სხვადასხვა ქვეყნებში”. 

17 ივნისს გაკეთებულ წერილობით განცხადებაში ალიანსი საქართველოსთვის ლიდერმა ირაკლი ალასანიამ, რომელიც ამჟამად ამერიკის შეერთებულ შტატებში იმყოფება, განაცხადა, რომ 15 ივნისის განხორციელებული ძალადობრივი თავდასხმა მშვიდობიან მომიტინგეებზე და ზურაბ აბაშიძის ცემა პოლიციის მთავარ სამმართველოსთან ”შეფასდა როგორც ტერორი განსხვავებული შეხედულების მქონე პოლიტიკოსების წინააღმდეგ”.

მისი თქმით, ამგვარი ტენდენცია ”იმაზე მიანიშნებს, რომ ხელისუფლებამ შეარჩია 2007 წლის 7 ნოემბრის ძალადობრივი გზა მწვავე პოლიტიკური კრიზისის მოსაგვარებლად”.

”ეს არის გზა გარდაუვალი სამოქალაქო დაპირისპირებისკენ, რომლის პასუხისმგებლობაც მთლიანად მიხეილ სააკაშვილს დაეკისრება,” - განაცხადა ალასანიამ. ”ჩვენ განვიხილავთ ხელისუფლების უამრავ ძალადობრივ ქმედებას, როგორც მათ პასუხს ჩვენ მრავალ მოწოდებაზე დაუყონელივ დაიწყონ დიალოგი არსებული პოლიტიკური კრიზისის მოსაგვარებლად”.

იმავდროულად, კონსერვატორულმა პარტიამ აღნიშნა 17 ივნისს გავრცელებულ განცხადებაში, რომ სულ 9 აპრილიდან დღემდე სისხლის სამართლის წესით პოლიტიკური ნიშნით დაპატიმრებულია 20 ადამიანი, ადმინისტრაციული წესით 10 ადამიანი, განხორციელებულია პოლტიკური თავდასხმა, ცემა და გატაცება ოპოზიციის 120 წარმომადგენლის წინააღმდეგ. თავდასხმის არცერთი ფაქტი არ არის გამოძიებული სამართალდამცავი ორგანოების მიერ, აცხადებენ კონსერვატორები.

 

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15