Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მოსკოვი ჟენევის ფორმატის ”ახალ სიტუაციასთან” ადაპტირების საჭიროებაზე საუბრობს
სივილ ჯორჯია, თბილისი / 29 ივნ.'09 / 19:16

რუსეთის საგარეო საქმეთა სამინისტრო აცხადებს, რომ სამხრეთ კავკასიაში შექმნილი ”ახალი სიტუაცია საჭიროებს სერიოზული გააზრებას, მათ შორის ჟენევის დისკუსიების ფორმატთან და პერსპექტივასთან დაკავშირებით”.

საგარეო უწყების 29 ივნისის განცხადებაში, სადაც 1 ივლისს ჟენევის შეხვედრების მე-6 რაუნდზეა საუბარი, ნათქვამია, რომ მოსკოვმა ამ საკითხზე უკვე გაიარა კონსულტაციები სოხუმისა და ცხინვალის, ასევე ევროკავშირის წარმომადგენლებთან.

განცხადებაში ასევე ნათქვამია, რომ რუსეთის მცდელობის მიუხედავად შენარჩუნებულიყო ეუთოსა და გაეროს საველე მისიები, ”დასავლელი პარტნიორები და საქართველო ყველაფერს აკეთებენ საერთაშორისო დამკვირვებლების მუშაობის დასასრულებლად ამ რეგიონში”. რუსეთმა ორივე მისიის გაგრძელებას ვეტო დაადო.

ამასთან, რუსეთის საგარეო უწყება აცხადებს, რომ სიტუაცია ფეთქებადსაშიშია. მისი მტკიცებით, ქართული ძალები ადმინისტრაციულ საზღვრებთან ახლოს მანევრირებენ.

”საქართველოში შიდა პოლიტიკური არასტაბილურობის შენარჩუნების, მისი მოსახლეობის სოციალურ–ეკონომიკური მდგომარეობის შემდგომი გაუარესების ფონზე ამან შეიძლება დაძაბულობის ახალი აფეთქება გამოიწვიოს,”- აცხადებს ოფიციალური მოსკოვი.

”ასეთ პირობებში კიდევ უფრო მეტ მნიშვნელობას იძენს ძალის არ გამოყენების თაობაზე იურიდიულად სავალდებულო დოკუმენტების გაფორმების საჭიროება საქართველოსა და აფხაზეთისა და სამხრეთ ოსეთის რესპუბლიკებს შორის,”- ნათქვამია განცხადებაში, ”მსოფლიო თანამეგობრობას უნდა ჰქონდეს მყარი გარანტიები იმისა, რომ სამხრეთ კავკასიის რეგიონში არ განმეორდება შარშანდელი აგვისტოს საშინელი ტრაგედია”.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
8