Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ინტერნეტ შეტევამ ქართველ ბლოგერზე, Twitter-ზეც იმოქმედა
სივილ ჯორჯია, თბილისი / 7 აგვ.'09 / 16:19

ქართველი ბლოგერი ნიკით ”Cyxymu” კარგად კოორდინირებული, მსხვილმასშტაბიანი DDoS-ის ტიპის კიბერ-შეტევის სამიზნე გახდა, რომლიც დროსაც რამოდენიმე საათით შეჩერებული იყო მიკრო-ბლოგინგის საიტი Twitter-ი და რომელმაც ასევე გავლენა იქონია Google-ის, LiveJournal-ისა და Facebook-ის სერვისებზე.

DDoS-ის ტიპის შეტევის დროს ხდება სამიზნე ვებგვერდის ხელოვნურად გადატვირთვა, ისე რომ საიტზე შეღწევა მსურველთათვის შეუძლებელი ხდება.

”ეს იყო რამოდენიმე მიმართულებიდან ერთდროულად განხორციელებული შეტევა, რომლის მიზანიც მისი [Cyxymu-ის] ხმის ჩახშობა იყო,” - განუცხადა Facebook-ის უსაფრთხოების საკითხებში მთავარმა პასუხისმგებელმა პირმა, მაქს კელიმ, CNET News-ს, რომელიც ტექნოლოგიური სიახლეების ერთ-ერთი წამყვანი ვებგვერდია.

ერთ კონკრეტულ მომხმარებელზე ონლაინ შეტევამ, რომელსაც აქვს თავისი ვებგვერდები Twitter-ზე, Facebook-ზე,  LiveJournal-ზე, Google Blogger-ზე და YouTube-ზე, ხუთშაბათს რამოდენიმე საათით Twitter-ი მიუწვდომელი გახადა და ასევე გავლენა იქონია Facebook,  LiveJournal და Google-ის სერვისებზე, თუმცა არა ისეთი სერიოზული როგორიც Twitter-ზე.

”ისინი, ვინც ამ შეტევის კოორდინაციას ახდენენ, კრიმინალები, მიზანმიმართულად აკეთებენ ამას და დიდ რესურსებსაც იყენებენ,” - განაცხადა კელიმ.

თუმცა კელიმ არ ისურვა ესაუბრა იმაზე თუ ვინ შეიძლება იდგეს ამ შეტევის უკან, იტყობინება CNET News-ი. 

”Cyxymu”-ის რუსულენოვანი ბლოგი LiveJournal-ზე დღეს კვლავ გათიშული იყო, თუმცა Google-ის საძიებო სისტემის ე.წ. ’cache’-ის ოფციით შესაძლებელია ამ გვერდის ნახვა, სადაც მისი ავტორი 6 აგვისტოს საღამოს წერდა: ”აშკარაა, რომ ეს არის სპეციალური შეტევა ჩემზე ან ქართველებზე”.

”ასობით სპამს ვიღებ ჩემ ელექტრონულ ფოსტაზე... სპამი ჩემი ელექტრონული ფოსტიდანაც იგზავნება და ეპატიჟება ხალხს ჩემ ბლოგზე შემოვიდნენ,” - ნათქვამია ”Cyxymu”-ის მიერ 6 აგვისტოს საღამოს დადებულ ჩანაწერში.

ხოლო Twitter-ის ვებგვერდზე ”Cyxymu” წერს, რომ იგი შეტევის სამიზნე გახდა და ბოდიშს იხდის შექმნილი უხერხულობისთვის.

აღნიშნული DDoS შეტევა აგვისტოს ომის წლისთავის წინ მოხდა.

ამავე ტიპის კარგად კოორდინირებული შეტევა საქართველოს ხელისუფლების და რამოდენიმე ქართულ საინფორმაციო ვებგვერდების წინააღმდეგ (მათ შორის Civil.Ge-ც იყო) შარშან, აგვისტოს ომის დროსაც მოხდა. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15