Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიცია გმობს ახალაის თავდაცვის მინისტრად დანიშვნას
სივილ ჯორჯია, თბილისი / 28 აგვ.'09 / 15:14

ოპოზიციური პარტიები ბაჩო ახალაიას თავდაცვის მინისტრად დანიშვნას გმობენ.

”ეს არის ყველაზე სახიფათო საკადრო გადაწყვეტილება, რაც კი სააკაშვილს ბოლო 6 წლის მანძილზე მიუღია. ეს ნიშნავს რომ სააკაშვილმა დაასრულა საკუთარი უსაფრთხოების უზრუნველყოფა,”- განუცხადა Civil.ge-ს რესპუბლიკური პარტიის ლიდერმა დავით უსუფაშვილმა 28 აგვისტოს.

”ეს ქმნის ახალი ავანტიურების სერიოზულ საფრთხეს, რაც არის ასევე სახიფათო გზავნილი ყველა საერთაშორისო პარტნიორისთვის და ასევე სამხედრო სფეროში მოღვაწე ადამიანებისთვის,”- აღნიშნა მან.

პარტია საქართველოს გზა პრეზიდენტის ამ საკადრო ცვლილებას კატეგორიულად აპროტესტებს, როგორც” ქართული ჯარის წინააღმდეგ აგრესიას”.

”ხელისუფლება ბოლო წერტილს უსვამს ჩვენი ჯარის დამცირებასა და შეურაცხყოფას და ახალაიას უნიშნავს მინისტრად. ამით სამხედრო უწყება მთლიანად შინაგან სამინისტროსთან ხდება შეზრდილი, რაც ეწინააღმდეგება ჯარის დეპოლიტიზაციის აღიარებულ დემოკრატიულ პრაქტიკას,”- ნათქვამია პარტიის განცხადებაში.

პარტია ასევე მოუწოდებს უცხოელ პარტნიორებს ”და პირველ რიგში ამერიკელებს, როგორც ქართული ჯარის მშენებლობის მთავარ დამფინანსებელს”, ყურადღება გამოიჩინოს ქართულ ჯარში მიმდინარე პროცესების მიმართ.

კონსერვატიული პარტია გამოხატავს რა კატეგორიულ პროტესტს ”ხელისუფლების ყველაზე უფრო რეაქციული, კრიმინალური დაჯგუფების” წარმომადგენლის  თავდაცვის ახალ მინისტრად დანიშვნასთან დაკავშირებით, აღნიშნავს, რომ ეს ”პრაქტიკულად არმიის ნგრევის და კრიმინალიზაციის მიმართულებით გადადგმული ნაბიჯია”.

”საზოგადოებისთვის კარგადაა ცნობილი ბაჩო ახალიას რეპუტაცია – ციხის ბუნტის ამბოხის სისხლიანი ჩახშობის მთავარი ინიციატორი, რომელიც ერთ-ერთ მთავარ როლს ასრულებდა 7 ნოემბრის მშვიდობიანი აქციის დარბევის დროსაც, პატიმრების წამების და არაადამიანური მოპყრობის ორგანიზატორი,”- აღნიშნავენ კონსერვატორები, ”ამ გადაწყვეტილებით სააკაშვილმა გააკეთა არჩევანი – მას ჭირდება არმია, რომელიც დაიცავს რეჟიმს და არა სახელმწიფოს”.

იმავდროულად, გაზეთი ”რეზონანსი” სტატიაში სათაურით ”ახალაია - ფორმალური მინისტრი, მერაბიშვილი - ფორმალური პრეზიდენტი”, წერს, რომ ახალაიას დანიშვნა ”იმას ნიშნავს, რომ ქვეყანაში მთავარი ფიგურა უკვე მერაბიშვილი ხდება. შესაბამისად, დღიდან ყველა ძალოვანი უწყება რეალურად მერაბიშვილს ექვემდებარება”.

ამავე სტატიაში სახალხო დამცველი სოზარ სუბარი აღნიშნავს, რომ “თავდაცვის მინისტრის პოსტზე დამნაშავე დაინიშნა”.

ამასთან, ბაჩო ახალაია, რომელიც დავით სიხარულიძის თავდაცვის მინისტრის პოსტიდან გაშვებმდე მის მოადგილედ მუშაობდა, დღეს სამინისტროში ოფიციალურად იქნა წარდგენილი. ”მოდერნიზება, მშვიდობა და ნატოში ინტეგრაცია - ეს არის ის სამი სიტყვა, რომელიც შემიძლია დღეს ჩვენი სისტემის პრიორიტეტებად გამოვაცხადო,”- განაცხადა მან წარდგენისას.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
28