Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ჯაშუშობის ბრალდებით დაკავებული მაისაიას თქმით, მას 20 პირის აგენტებად გამოცხადებას თხოვენ
სივილ ჯორჯია, თბილისი / 15 სექ.'09 / 17:34

ჯაშუშობის ბრალდებით დაკავებული ყოფილი დიპლომატის და სამხედრო ექსპერტის ვახტანგ მაისაიას ინტერესების დამცველთა განცხადებით, ამ უკანასკნელს სამართალდამცავები ”არაოფიციალურ დაკითხვებზე” ცნობილი პოლიტიკოსებისა და ხელისუფლების მაღალჩინოსნების, ექსპერტებისა და უცხოელი დიპლომატების წინააღმდეგ ჩვენების მიცემას აიძულებენ.

”ადამიანის უფლებათა ცენტრის” ვებ-გვერდზე 15 სექტემბერს გამოქვეყნებულ ჟურნალისტურ გამოძიებაში ნათქვამია, რომ მაისაიამ გადასცა 20 პირის სია, რომელთა სამშობლოს ღალატში დადანაშაულებას სთხოვენ, მათ შორის არიან: კახა ლომაია, საქართველოს ელჩი გაეროში; გელა ბეჟუაშვილი, საგარეო დაზვერვის უფროსი; დავით ნაირაშვილი, საქართველოს შეიარაღებული ძალების გაერთიანებული შტაბის უფროსის მოადგილე;  გიორგი მანჯგალაძე, საგარეო საქმეთა მინისტრის ყოფილი მოადგილე; ასევე ექსპერტები: თორნიკე შარაშენიძე; ლევან ცუცქირიძე;  უცხოელი დიპლომატები: რობერტ კენეტი, აშშ მისიის ხელმძღვანელის მოადგილე; იენ ლენტი და რობ ფულერი, დიდი ბრიტანეთის მისიის დიპლომატები; ბოგდან უდრისტე, ეუთოს მისიიდან.

თუმცა, როგორც სტატიაშია აღნიშნულია, მაისაიამ იმ პირობებში, როცა მას კონტრდაზვერვის დეპარტამენტის უფროსის მოადგილე 20 წლიანი პატიმრობით ემუქრებოდა, უარი განაცხადა მათ დადანაშაულებაზე, რადგან ”დასახელებული პიროვნებების შესახებ მსგავსი ინფორმაცია არ გააჩნია”.

თავად მაისაია, რომელიც  2004-2008 წლებში ნატოში საქართველოს დიპლომატიურ მისიაში მსახურობდა მრჩევლად, 5 მაისს დააკავეს და მას რუსეთის სასარგებლოდ  ჯაშუშობაში დასდეს ბრალი.

პრეზიდენტმა სააკაშვილმა მისი დაკავებიდან მეორე დღეს, 6 მაისს განაცხადა, რომ  მაისაიამ უზარმაზარი ზიანი მიაყენა ქვეყნის უსაფრთხოებას. ”ის გადასცემდა [აგვისტოს ომის დროს] საქართველოს ჯარის პოზიციებს, რათა მოწინააღმდეგეს ეპოვა ჩვენი ნაწილები და უკეთესად დაებომბა,” - განაცხადა სააკაშვილმა. ეს განცხადება საზოგადოებრივმა ჯგუფებმა გააკრიტიკეს, როგორც უდანაშაულობის პრეზუმპციის დარღვევა.

”ადამიანის უფლებათა ცენტრის” ვებ-გვერდზე გამოქვეყნებულ საგამოძიებო სტატიაში ნათქვამია, რომ ვახტანგ მაისაია იმ ფსიქოლოგიურ ზეწოლასა და ფიზიკური შეურაცხყოფის მუქარაზე მიუთითებს, რომლის გავლენითაც მან აღიარებითი ჩვენება მისცა სამართალდამცავებს.

”ტელეკამერა ჩართეს. წინ მონიტორი დამიდგეს და სიტყვასიტყვით წამაკითხეს მასზე წინასწარ დაწერილი ტექსტი. არავითარი კონკრეტული სამხილი არ წარმოუდგენიათ. ზეპირი საუბრებით შემოიფარგლნენ. გამომძიებელმა მითხრა, რომ ის პირები, რომლებთანაც ქვეყნის ფარგლებს გარეთ წლების განმავლობაში ვთანამშრომლობდი, რუსეთის ჯაშუშები აღმოჩნდნენ და თავიანთი ქვეყნის სამართალდამცავების მიერ დაკავებულები არიან,”- ნათქვამია სტატიაში მაისაიას სიტყვებზე დაყრდნობით იმ აღიარებით ჩვენებასთან დაკავშირებით, რომლის კადრებიც შსს-მ ქართული ტელეკომპანიების მეშვეობით მაისში გაავრცელა.

მაისაიას საქმე, მისი ადვოკატის განცხადებით, უკვე გადაცემულია სასამართლოში, თუმცა ჯერ პროცესი დანიშნული არ არის.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11