Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ფინანსური პოლიციის აღდგენა იგეგმება
სივილ ჯორჯია, თბილისი / 21 სექ.'09 / 18:04

პარლამენტში შესულია კანონპროექტი, რომელიც ფინანსური პოლიციის, როგორც საქვეუწყებო დაწესებულების, აღდგენას ითვალისწინებს.

ფინანსური პოლიცია, ხელისუფლების ოპონენტების კრიტიკის მუდმივი სამიზნე იყო, როგორც ”ბიზნესის რეკეტის” საშუალება. ეს სტრუქტურა 2007 წელს გაუქმდა და შედარებით შეკვეცილი უფლებამოსილებებით ფინანსთა სამინისტროს შემოსავლების სამსახურში გაერთიანდა საბაჟო და საგადასახადო სამსახურებთან ერთად.

ახალი კანონპროექტის მიხედვით, სადაც ფინანსური პოლიცია ”ფინანსთა სამინისტროს საგამოძიებო სამსახურად” იწოდება, ამ სტრუქტურის ხელახლა შექმნას განაპირობებს საფინანსო-ეკონომიკური დანაშაულის წინააღმდეგ ქმედებების უფრო ეფექტურად წარმართვის აუცილებლობა.

პროექტის მიხედვით, ახალი სამსახურის უფროსს ნიშნავს და თანამდებობიდან ათავისუფლებს პრეზიდენტი ფინანსთა მინისტრის პრემიერ-მინისტრთან შეთანხმებული წარდგინების საფუძველზე. ამდენად, სამსახურის უფროსი ანგარიშვალდებულია პრეზიდენტისა და ფინანსთა მინისტრის წინაშე.

2007 წლამდე მოქმედი ფინანსური პოლიციაც, რომელსაც შექმნის დღიდანვე დავით კეზერაშვილი ხელმძღვანელობდა, უშუალოდ პრეზიდენტს დაქვემდებარებული სტრუქტურა იყო და მისი რეორგანიზაცია სააკაშვილის ინიციატივით განხორციელდა სახელმწიფოსა და მეწარმეს შორის "ფინანსური ურთიერთობების დეკრიმინალიზაციის” მოტივით.

კანონპროექტის მიხედვით, საგამოძიებო სამსახურს, მათ შორის მისი სპეცდანიშნულების რაზმის თანამშრომლებს,  კანონით დადგენილი წესით უფლება აქვთ გამოიყენონ ფიზიკური იძულება, სპეციალური საშუალებები და ცეცხლსასროლი იარაღი; სამსახური ასევე უფლებამოსილია ჩაატაროს ექსპერტიზა; ამასთან, კანონპროექტის მიხედვით, ”თუ დაყოვნება საფრთხეს უქმნის ადამიანის ჯანმრთელობასა და სიცოცხლეს”, სამსახურს შეეძლება ”დაუბრკოლებლად შევიდეს” საცხოვრებელ ბინებში და ორგანიზაციათა შენობა-ნაგებობებში დანაშაულის აღსაკვეთად ან პირის დასაკავებლად; ამასთან სამსახური უფლებამოსილია მოაწყოს შემოწმების პროცედურები დასახლებულ პუნქტებში, მაგისტრალებზე და ტერიტორიულ წყლებში.

კანონპროექტის განმარტებით ბარათში ნათქვამია, რომ საგამოძიებო სამსახურის საქმიანობა ემყარება ”პიროვნების პატივისა და ღირსების დაცვის, ჰუმანიზმის” პრინციპებს.

კანონპროექტით ასევე განსაზღვრულია კონსპირაციულ თანამშრომელთა ქსელის შექმნა აღნიშნული სამსახურის დახმარების მიზნით.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
29