Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ეროვნული უშიშროების საბჭომ საზღვრის გახსნაზე იმსჯელა
სივილ ჯორჯია, თბილისი / 14 ნოე.'09 / 12:58

პრეზიდენტმა სააკაშვილმა, მთავრობის წევრებმა და რამოდენიმე ოპოზიციური პარტიის წარმომადგენელმა 13 ნოემბერს ეროვნული უშიშროების საბჭოს სხდომაზე ყაზბეგი-ზემო ლარსის სასაზღვრო-გამშვები პუნქტის გახსნის საკითხი განიხილეს.

”ახლა ჩვენ გვქონდა მოლაპარაკებები ერევანში რუსების მონაწილეობით ამ სასაზღვრო პუნქტის გახსნის თაობაზე,” - განაცხადა სააკაშვილმა სხდომის დაწყებისას გაკეთებულ განცხადებაში, რომელიც ტელევიზიით გადაიცა. ”გამოითქვა გარკვეულ საფრთხეებთან დაკავშირებული მოსაზრებები პარლამენტში; ჩვენს ხელთ არსებულ ინფორმაციას გაგაცნობთ და შემდეგ თქვენ გააკეთეთ დასკვნები”. 

შეხვედრის შემდეგ ეროვნული უშიშროების საბჭოს მდივანმა ეკა ტყეშელაშვილმა განაცახდა, რომ იმ შემთხვევაში, თუ წარმატებულად განვითარდება მოლაპარაკებები საზღვრის გახსნაზე და საზღვარი გაიხსნება, ”ეს მხოლოდ პოზიტიური იქნება ჩვენთვის და ჩვენი მეზობლისთვის [სომხეთისთვის] და არავითარ შემთხვევაში არ შეექმნება საფრთხე ჩვენი ქვეყნის უსაფრთხოებას”.

პრეზიდენტი სააკაშვილი სხდომის გახსნისას მიესალმა ოპოზიციური პოლიტიკოსების მონაწილეობას უშიშროების საბჭოს სხდომაში და განაცხადა, რომ ეს იყო თანამშრომლობის მაგალითი ხელისუფლებასა და ოპოზიციას შორის, მათ შორის მათთან, ვინც რამოდენიმე თვის წინ ”სტაფილოებს მესროდა” - მას მხედველობაში ჰქონდა ქუჩის საპროტესტო აქციები, როდესაც ოპოზიციური პარტიები პრეზიდენტის რეზიდენციის პიკეტირებას ახორციელებდნენ და როდესაც ოპოზიციურმა აქტივისტებმა ეზოში სტაფილოები და კომბოსტოები გადაისროლეს.

”მთავარია, რომ ჩვენ ერთად ვმუშაობთ. ჩვენ სტაფილოების პოლიტიკიდან სერიოზულ პოლიტიკაზე გადავდივართ,” - განაცხადა პრეზიდენტმა სხდომაზე, რომელსაც ასევე ესწრებოდა კონსტანტინე გამსახურდია, რომლის პარტია თავისუფლება ასევე მონაწილეობდა საპროტესტო აქციებში.

არასაპარლამენტო ოპოზიციიდან სხდომას მხოლოდ ტრადიციონალისტების ლიდერი აკაკი ასათიანი და მრეწველთა ლიდერი ზურაბ ტყემალაძე ესწრებოდნენ. 

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
9