Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიციური ’პრაიმერის’ წესები
სივილ ჯორჯია, თბილისი / 27 ნოე.'09 / 15:49

ადგილობრივი თვითმმართველობის არჩევნებისთვის ოპოზიციური წინასწარი არჩევნები, ე.წ. პრაიმერი 31 მარტს ჩატარდება.

ამის შესახებ საუბარია პროექტში, რომელიც წინასწარ არჩევნების წესებზე მომუშავე ჯგუფმა მოამზადა. პროექტის შემუშავებაში, რომელიც კონსერვატიული პარტიის ვებ-გვერდზე გამოქვეყნდა, ოპოზიციური პარტიების გარდა მონაწილეობდნენ ასევე აშშ რესპუბლიკური ინსტიტუტი (IRI), სამართლიანი არჩევნებისა და დემოკრატიის საერთაშორისო საზოგადოება (ISFED), საერთაშორისო ფონდი საარჩევნო სისტემებისთვის (IFES).

წესებს საარჩევნო ადმინისტრაციის შექმნის, კენჭისყრის დღის პროცედურების, ხმის დათვლის, დავების განხილვის და სხვა საკითხების შესახებ პრაიმერში მონაწილეობის მსურველმა ოპოზიციურმა ძალებმა 1 დეკემბრამდე უნდა მოაწერონ ხელი.

ამ დრომდე ოპოზიციიდან თბილისის მერობის კანდიდატებად დასახლდნენ ირაკლი ალასანია, ალიანსი საქართველოსთვის ლიდერი; კონსერვატიული პარტიის თავმჯდომარე ზვიად ძიძიგური და ხალხის პარტიის ლიდერი კობა დავითაშვილი. საპარლამენტო ოპოზიციიდან ქრისტიან-დემოკრატებმა ასევე გააკეთეს საჯარო განაცხადი, რომ აპირებენ კანდიდატურის დასახელებას. თუმცა ზვიად ძიძიგურისა და კობა დავითაშვილის გარდა, გაურკვეველია მიიღებენ თუ არა მონაწილეობას სხვა ოპოზიციური კანდიდატები პრაიმერში, რომელიც ცოტა ხნის წინ ალასანიამ შეაფასა, როგორც ”სწორი იდეა”.

პრაიმერის წესების პროექტის თანახმად, წინასწარი არჩევნებისთვის შეიქმნება ცენტრალური, საოლქო და საუბნო დამოუკიდებელი კომისიები.

თბილისის პრაიმერში ამომრჩევლები მერობისა და მაჟორიტარი დეპუტატობის კანდიდატებს შეარჩევენ; გამარჯვებულად ჩაითვლება კანდიდატი, რომელიც დააგროვებს 50% +1 ხმას; დამარცხებულები კი აღიარებენ წინასწარი არჩევნების შედეგებს.

იმავდროულად, გათვალისწინებულია 1-28 მარტის ჩათვლით სატელეფონო გამოკითხვის მექანიზმიც, რომლის დროსაც აბონენტმა უნდა უპასუხოს სამ შეკითხვას: აპირებს თუ არა არჩევნებში მონაწილეობას; ხელისუფლების კანდიდატს დაუჭერს მხარს თუ ოპოზიციისას; და რომელ ოპოზიციურ კანდიდატს დაუჭერს მხარს (ჩამონათვალის მიხედვით).

დებულების პროექტის თანახმად,  პრაიმერის საფუძველზე ადგილობრივი არჩევნებისთვის იქმნება ოპოზიციის ერთიანი საარჩევნო ბლოკი.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
10