Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ალიანსი საქართველოსთვის ადგილობრივი არჩევნების ტაქტიკაზე მუშაობს
სივილ ჯორჯია, თბილისი / 28 ნოე.'09 / 14:08

ალიანსი საქართველოსთვის გადაწყვეტილებას იმასთან დაკავშირებით მიიღებს თუ არა ალიანსის ლიდერი ირაკლი ალასანია მონაწილეობას თბილისის მერის არჩევნებში მომავალ კვირას ამომრჩევლებთან და სამოქალაქო საზოგადოების წარმომადგენლებთან შეხვედრების შემდეგ გაახმოვანებს, განაცხადა ალიანსის წევრმა ზურაბ აბაშიძემ 27 ნოემბერს.

სამი პარტიისგან შემდგარი ალიანსი საარჩევნო კოდექსში შემოთავაზებული ცვლილების, კერძოდ კი თბილისის მერის ასარჩევად 30%-იანი ბარიერის დაწესების წინააღმდეგია.

კითხვაზე, მიიღებს თუ არა ალიანსი საქართველოსთვის მონაწილეობას არჩევნებში შემოთავაზებული სისტემით, ალიანსის წევრმა ზურაბ აბაშიძემ განაცხადა ტელეკომპანია ”რუსთავი 2”-ის გადაცემაში ”პოზიცია”: ”მომავალ კვირას ჩვენ განვახორციელებთ სერიოზულ შეხვედრებს მოქალაქეებთან, საზოგადოების წარმომადგენლებთან, სამოქალაქო სექტორთან; ჩვენ გავივლით კონსულტაციებს და ამის შედეგად, [საზოგადოების] განწყობებიდან გამომდინარე იქნება გადაწყვეტილებები მიღებული”.

”ჩვენ არ გავურბივართ პასუხისმგებლობას... ყველაფერია შესაძლებელი, ამიტომ დაველოდოთ მომავალ კვირას; თავად ირაკლი ალასანია გააკეთებს ამასთან დაკავშირებით განცხადებას და საზოგადოებისთვის გახდება ნათელი. ჩვენ მზად ვართ ბოლომდე ბრძოლისთვის და ნამდვილად გავიმარჯვებთ,” - დასძინა მან.

საარჩევნო კოდექსში ცვლილებები, რომლის განხილვასაც პარლამენტი მომავალი კვირიდან გეგმავს, ითვალისწინებს 30%-იან ბარიერს დედაქალაქის მერის ასარჩევად, ასევე თბილისის საკრებულოს არჩევის წესს; ცენტრალური საარჩევნო კომისიის თავმჯდომარის დანიშვნის წესს და საარჩევნო დარღვევებზე საჩივრების შეტანის პროცედურებს.

გარდა ამისა, საკრებულო იქნება 50-წევრიანი, რომელშიც 25 პროპორციული წესით და 25 მაჟორიტარი  ერთმანდატიანი ოლქებიდან, ყოველგვარი ბარიერის გარეშე აირჩევა. პროპორციული მანდატების მოსაპოვებლად კი პარტიებს 4%-იანი ბარიერის გადალახვა დასჭირდებათ. 

ამ წინადადებების თანახმად, შეიცვლება ცესკოს თავმჯდომარის არჩევის წესი. კერძოდ, საქართველოს პრეზიდენტი არასამთავრობო ორგანიზაციებთან კონსულტაციის შედეგად შერჩეულ ცესკოს თავმჯდომარის 3 კანდიდატურას წარუდგენს ცენტრალური საარჩევნო კომისიის ოპოზიციურ წევრებს ასარჩევად. თუ ვერცერთი კანდიდატი ვერ მიიღებს ოპოზიციურ ხმათა უმრავლესობას, წარდგენილი 3 კანდიდატურიდან თავმჯდომარეს ირჩევს საქართველოს პარლამენტი. ამასთან, საუბნო საარჩევნო კომისიებში მდივნები იქნებიან ოპოზიციური პარტიებიდან.

ალიანსი საქართველოსთვის იმ სისტემას სთავაზობდა, რომლის მიხედვითაც საუბნო კომისიების ნახევარს მმართველი პარტიის წარმომადგენლები უხელმძღვანელებდნენ, მეორე ნახევარს კი - ოპოზიციის კანდიდატები.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16