Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ცესკოს თავმჯდომარეობის პოტენციური კანდიდატები დასახელდა
სივილ ჯორჯია, თბილისი / 11 იან.'10 / 18:30

პრეზიდენტ სააკაშვილთან 11 იანვარს გამართულ შეხვედრაზე არასამთავრობო ორგანიზაციების წარმომადგენლებმა ცენტრალური საარჩევნო კომისიის თავმჯდომარის თანამდებობისთვის ათზე მეტი კანდიდატი წარადგინეს, რომელთაგანაც პრეზიდენტი სამ კანდიდატს შეარჩევს და დღეს ან ხვალ დილით წარუდგენს ცესკოს ოპოზიციურ წევრებს ასარჩევად.

კანონის თანახმად, მთელი ეს პროცესი 11 იანვარს უნდა დასრულებულიყო. თუმცა პრეზიდენტმა სააკაშვილმა პარლამენტს კანონში ცვლილებების შეტანის გზით ვადების გადაწევა სთხოვა.

პრეზიდენტის პრესსპიკერმა მანანა მანჯგალაძემ 11 იანვარს გამართულ ბრიფინგზე განაცხადა, რომ პარლამენტის რიგგარეშე სხდომა 12 იანვარს ჩატარდება, სადაც განიხილავენ პრეზიდენტის მიერ საარჩევნო ვადებთან დაკავშირებით ინიცირებულ ცვლილებას საარჩევნო კოდექსში. 

ინიციატივის თანახმად, ცესკოში წარმოდგენილ 6 ოპოზიციურ პარტიას კანდიდატების თაობაზე კონსულტაციებისათვის დამატებით სამი დღე მიეცემათ, ხოლო საბოლოო გადაწყვეტილების მისაღებად მათ სხდომა უნდა გაიმართონ არაუგვიანეს 14 იანვრისა და სულ მცირე ოთხი ხმით უნდა გამოავლინონ ცესკოს ახალი თავმჯდომარე ფარული კენჭისყრით. 

”თუ ცესკოში წარმოდგენილი ოპოზიციური წევრები ვერ შეძლებენ თავმჯდომარის არჩევას, მაშინ პროცესები უკვე პარლამენტში გადაინაცვლებს,”- განაცხადა მანჯგალაძემ, ”საბოლოოდ, ბოლო ვადა ცესკოს თავმჯდომარის არჩევისთვის არის 21 იანვარი - ეს იმ შემთხვევაში, თუკი კანდიდატი ცესკოში ოთხი ხმის დაგროვებას ვერ შეძლებს”.

პრეზიდენტთან 11 იანვარს გამართულ შეხვედრაზე არასამთავრობო ორგანიზაციების მიერ დასახელებულ პოტენციურ კანდიდატებს შორის არიან: ცესკოს ამჟამინდელი თავმჯდომარე ლევან თარხნიშვილი (რომელიც თავისუფლების ინსტიტუტმა დაასახელა); ილია ჭავჭავაძის სახელობის სახელმწიფო უნივერსიტეტის პროფესორი დავით აფრასიძე; ჟურნალისტი და სატელევიზიო გადაცემის წამყვანი დავით პაიჭაძე; სამართლიანი არჩევნებისა და დემოკრატიის საერთაშორისო საზოგადოების აღმასრულებელი დირექტორი ეკა სირაძე (მის კანდიდატურას ათამდე ორგანიზაცია უჭერს მხარს); საქართველოს ელჩი ევროპის საბჭოში ზურაბ ჭიაბერაშვილი, რომელიც წარსულში უკვე იყო ცესკოს თავმჯდომარე; საკონსტიტუციო სასამართლოს მოსამართლე ოთარ სიჭინავა; კონტროლის პალატის თავმჯდომარე ლევან ბეჟაშვილი; აჭარის უმაღლესი საარჩევნო კომისიის თავმჯდომარე არჩილ მიქელაძე; ილია ჭავჭავაძის სახელმწიფო უნივერსიტეტის ადმინისტრაციის უფროსი სერგო რატიანი; ადვოკატი კახა სოფრომაძე, რომელიც ადრე სამართლიან არჩევნებში მუშაობდა; ზურაბ ხარატიშვილი, ცესკოს იმ ჯგუფის წევრი, რომელიც 2008 წლის არჩევნების დროს პოლიტიკური პარტიების საარჩევნო კამპანიის ფინანსებს უწევდა მონიტორინგს. სიაში ასევე შედიან რამაზ ბედიანიძე; ახალი თაობა - ახალი ინიციატივის ყოფილი წევრი ირაკლი ყიფშიძე და ახალი ეკონომიკური სკოლის ვიცე-პრეზიდენტი გია ჯანდიერი; თუმცა, ამ უკანასკნელს არ გააჩნია საარჩევნო მოხელის სერტიფიკატი, რაც სავალდებულოა ცესკოს თავმჯდომარისთვის.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
10