Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პრეზიდენტმა ცესკოს თავმჯდომარეობის კანდიდატები წარადგინა
სივილ ჯორჯია, თბილისი / 12 იან.'10 / 18:11

პრეზიდენტმა სააკაშვილმა ცენტრალურ საარჩევნო კომისიაში წარადგინა თავმჯდომარეობის სამი კანდიდატი - ლევან თარხნიშვილი, ცესკოს თავმჯდომარის მოვალეობის შემსრულებელი; ზურაბ ხარატიშვილი; და ოთარ სიჭინავა.

ხარატიშვილი, საზოგადოებრივი მაუწყებლის სამეურვეო საბჭოს წევრია და ასევე ცესკოს იმ ჯგუფის წევრიც იყო, რომელიც 2008 წლის არჩევნების დროს პოლიტიკური პარტიების საარჩევნო კამპანიის ფინანსებს უწევდა მონიტორინგს; ხოლო ოთარ სიჭინავა საკონსტიტუციო სასამართლოს მოსამართლეა.

ამ სამი კანდიდატიდან ცესკოს ექვსმა ოპოზიციურმა წევრმა არაუგვიანეს 14 იანვრისა უნდა აირჩიოს ერთი თავმჯდომარედ. თუკი ვერცერთი მათგანი ფარული კენჭისყრისას ოთხ ხმას ვერ დააგროვებს, მაშინ პროცესი პარლამენტში გადაინაცვლებს და 21 დეკემბრამდე დეპუტატები აირჩევენ წარდგენილი სამი კანდიდატიდან ერთს თავმჯდომარედ.

კენჭისყრაში მონაწილეობის უფლება აქვთ ცესკოში შემდეგი პარტიების დანიშნულ წევრებს: რესპუბლიკელები, კონსერვატორები, ლეიბორისტები, მრეწველები, ქრისტიან-დემოკრატები და ჩვენ თვითონ.

კანდიდატები პრეზიდენტს 8 იანვრისთვის უნდა წარედგინა, თუმცა ვადის დარღვევის გამო, ახალი ვადების დაწესება მოუხდა პარლამენტს.

სამი კანდიდატი პრეზიდენტმა 11 იანვარს ბათუმში არასამთავრობო ორგანიზაციებთან გამართულ კონსულტაციებზე დასახელებული ათზე მეტი პრეტენდენტიდან შეარჩია. დასახელებულ კანდიდატებს შორის იყო ასევე სამართლიანი არჩევნებისა და დემოკრატიის საერთაშორისო საზოგადოების აღმასრულებელი დირექტორი ეკა სირაძე, რომელსაც  ათამდე ორგანიზაცია უჭერდა მხარს.

ბათუმის შეხვედრაზე ლევან თარხნიშვილი თავისუფლების ინსტიტუტმა; ოთარ სიჭინავა - ახალი თაობა-ახალი ინიციატივამ; ხოლო ზურაბ ხარატიშვილი - ფონდმა ალპემ დაასახელა. 

რესპუბლიკელმა თინა ხიდაშელმა მწვავედ გააკრიტიკა პრეზიდენტის არჩევანი, განსაკუთრებით კი თარხნიშვილის წარდგენა. მისი თქმით, რესპუბლიკელების წარმომადგენელი ცესკოში არცერთ კანდიდატს არ დაუჭერს მხარს. ქრისტიან-დემოკრატებმა განაცხადეს, რომ მათი წარმომადგენელი მხარს არ დაუჭერს თარხნიშვილს, ხოლო დანარჩენ კანდიდატებთან დაკავშირებით გადაწყვეტილებას მას შემდეგ მიიღებს, რაც მათთან შეხვედრებს გამართავს.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16