Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ქართველი ოლიმპიელები ვანკუვერში რჩებიან
სივილ ჯორჯია, თბილისი / 13 თებ.'10 / 07:37

ქუმარიტაშვილის ციგა, გადაღებული ტრაგედიის შემდეგ. 21 წლის ოლიმპიელი ციგიდან მაშინ გადმოვარდა, როდესაც ფინიშამდე ბოლო მოსახვევს გადიოდა. ფოტო: მაიკლ სონი/AP

ტრაგიკულად დაღუპული 21 წლის ქართველი მოციგავის, ნოდარ ქუმარიტაშვილის ხსოვნის ნიშნად, საქართველოს დელეგაცია ვანკუვერის ოლიმპიადის გახსნის ცერემონიაზე შავი სამკლაურებით გამოვიდა, ხოლო ეროვნულ დროშაზე შავი ლენტი ეკეთა. 

უშუალოდ ოლიმპიადის გახსნის ცერემონიის დაწყების წინ, სტადიონის დიდ ტაბლოზე გამოჩნდა წარწერა: ”ამ საღამოს ცერემონია ეძღვნება ქართველი ოლიმპიელი ათლეტის, ნოდარ ქუმარიტაშვილის სხსოვნას.”

შავი სამკლაურები ეკეთათ რამოდენიმე ქვეყნის გუნდსაც, მათ შორის ხორვატიის და ჩეხეთის.

ტრაგედია 12 თებერვალს, ვანკუვერის ზამთრის ოლიმპიადის გახსნამდე რამოდენიმე საათით ადრე მოხდა (გახსნა თბილისის დროით, 13 თებერვალს, დილის 6 საათზე დაიწყო). ახალგაზრდა სპორტსმენი, ვარჯიშისას, ციგიდან მაშინ გადმოვარდა, როდესაც ის ტრასის ბოლო მოსახვევს გადიოდა. როგორც იტყობინებიან, ამ დროს მისი სიჩქარე დაახლოებით 150 კმ/სთ-მდე იყო. 

ეს ტრასა, სადაც ტრაგედია მოხდა, მსოფლიოში ყველაზე სწრაფ და რთულ ტრასად ითვლება.

ტრაგედიის შემდეგ საქართველოს დელეგაცია მსჯელობდა თუ როგორ მოქცეულიყვნენ, მიეღოთ თუ არა მონაწილეობა გახსნის ცერემონიაში. 

გახსნამდე ცოტა ხნით ადრე ვანკუვერში მყოფმა კულტურისა და სპორტის მინისტრმა ნიკა რურუამ პრესკონფერენცია მოიწვია, სადაც განაცხადა, რომ ქართველი ათლეტები გავიდოდნენ გახსნის ცერემონიაზე და შეჯიბრებებშიც მიიღებდნენ მონაწილეობას, რითაც პატივს მიაგებდნენ დაღუპული თანაგუნდელის ხსოვნას.

”ჩვენმა ათლეტებმა გადაწყვიტეს, რომ ოლიმპიადის სულისკვეთების ერთგულები დარჩნენ; ისინი გააგრძელებენ შეჯიბრში მონაწილეობას, რითაც დაღუპული მეგობრის ხსოვნას მიაგებენ პატივს,” - განაცხადა ვანკუვერში გამართულ პრესკონფერენციაზე ნიკა რურუამ, იტყობინება სააგენტო Reuters-ი.

გახსნის ცერემონიალზე მსვლელობისა და ეროვნული დროშის გამოტანის შემდეგ, საქართველოს დელეგაცია საზეიმო ღონისძიებების დასრულებას აღარ დალოდებია და მალევე დატოვა სტადიონი.

ვანკუვერში მყოფმა აშშ-ის ვიცე-პრეზიდენტმა ჯო ბაიდენმა, ამერიკელ ათლეტებთან შეხვედრისას, მომხდარის გამო სამძიმარი გამოუცხადა საქართველოს, იტყობინება Associated Press-ი.

პრესკონფერენციაზე საუბრისას, ნიკა რურუამ კატეგორიულად უარყო ყოველგვარი ვარაუდი იმის შესახებ, რომ ქუმარიტაშვილი გამოუცდელი მოციგავე იყო. მან ასეთ ვარაუდებს ”უსამართლო და უსაფუძვლო” უწოდა.

”მსოფლიო რეიტინგში ის 44-ე ადგილზე იყო; ხოლო გუშიდელი ვარჯიშის დროს მან მე-11 პოზიცია დაიკავა,” - განაცხადა რურუამ.

აღსანიშნავია, რომ ამ ტრასაზე ინციდენტს არა ერთხელ ქონია ადგილი - თუმცა ფატალური არც ერთი მათგანი ამ დრომდე არ ყოფილა. ბრიტანელმა მოციგავემ ადამ როზენმა, რომელმაც ამავე ტრასაზე ოქტომბერში მძიმე ტრამვა მიიღო, განაცხადა, რომ ეს ”ძალიან სწრაფი ტრასაა.” ”ზოგიერთ მონაკვეთზე უაღრესად დიდი სიზუსტე გმართებს, წინააღმდეგ შემთხვევაში უბედურება გემუქრება,” - განაცხადა მან.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15