Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ახალი მემარჯვენეები და რესპუბლიკელები საკუთარი პოზიციის ერთგულები რჩებიან
სივილ ჯორჯია, თბილისი / 24 თებ.'10 / 18:33

ახალი მემარჯვენეები და რესპუბლიკელები აცხადებენ, რომ მათი პოზიცია ზურაბ ნოღაიდელის პარტიასთან თანამშრომლობის დაუშვებლობის შესახებ უცვლელი რჩება მას შემდეგაც, რაც მათი ”ალიანსის” ლიდერი ირაკლი ალასანია დღეს ნოღაიდელთან ერთად გამოჩნდა საზოგადოებრივ შეკრებაზე, სადაც ოპოზიციურ სპექტრს მერობის ერთი კანდიდატის ირგვლივ ერთიანობისკენ მოუწოდეს.

”ჩვენ არ ვაპირებთ ნოღაიდელის მიმართ პოზიციის შეცვლას,”- განუცხადა Civil.ge-ს ფიქრია ჩიხრაძემ ახალი მემარჯვენეებიდან, ”მისი მთავარ პერსონაჟად შემოყვანა ამორალურია, რადგან ნოღაიდელი არის გამზადებული იარლიყი ოპოზიციისთვის, რაც ხელისუფლებისთვის დიდი საჩუქარია”.

ხელისუფლების მიერ ”პრორუსულად” მონათლული ზურაბ ნოღაიდელის ფიგურა და მის მიერ კონსერვატორებთან და ხალხის პარტიასთან ერთად ლობირებული პრაიმერის იდეა შეუთანხმებლობის მიზეზი გახდა ირაკლი ალასანიასა და ალიანსი საქართველოსთვის დანარჩენ სუბიექტებს შორის, რის გამოც ალასანიამ დამოუკიდებლად მოქმედება დაიწყო. ალიანსის თანათავმჯდომარემ სოზარ სუბარმა კომპრომისული ვარიანტის სახით ერთიანი კანდიდატის გამოსავლენად სოციოლოგიური კვლევის ჩატარებისკენ მოუწოდა.  

”თუ პრაიმერისტები უარს იტყვიან თავის გზაზე, დათანხმდებიან სოციოლოგიურ კვლევებს და ამ კვლევებით გამარჯვებული იქნება ალასანია, რა თქმა უნდა, ჩვენ მას [ალასანიას] მხარს დავუჭერთ, მიუხედავად იმ ნაბიჯებისა, რაც მისი მხრიდან გადაიდგა, რადგან კვლავაც ის გვესახება ჩვენ დემოკრატიულ ალტერნატივად,”- განაცხადა ჩიხრაძემ.

თუმცა თინა ხიდაშელმა რესპუბლიკური პარტიიდან Civil.ge-ს განუცხადა, რომ ის ვერც სოციოლოგიური კვლევის აუცილებლობას ვერ ხედავს.

”ფორმულა არის ძალიან მარტივი - გამოვიდნენ ძიძიგური და დავითაშვილი [პრაიმერის მომხრეთა ჯგუფში დასახელებული მერობის კანდიდატები] და მოხსნან თავიანთი კანდიდატურები ირაკლი ალასანიას სასარგებლოდ, რომელიც დღეს გმირად გამოაცხადეს,”- განაცხადა ხიდაშელმა.

მისი თქმით, ალიანსი საქართველოსთვის არ დაშლილა - ”ვნახოთ რა იქნება”.

ფიქრია ჩიხრაძემ კი აღნიშნა, რომ ირაკლი ალასანიას დღევანდელი ქმედებით მისი ალიანსში ”დაბრუნების შანსები იკლებს”.  

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12