Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი: ”თუ ვინმეს ეკუთვნის ქება, ეს პირველ რიგში უგულავაა”
სივილ ჯორჯია, თბილისი / 9 აპრ.'10 / 16:18

მშენებარე ხიდის, როგორც პრეზიდენტმა უწოდა, ”სიმბოლური გახსნა” რიყეზე. ”რუსთავი 2”-ის კადრი.

პრეზიდენტმა სააკაშვილმა 9 აპრილს განაცხადა, რომ თბილისში მიმდინარე სამშენებლო და სარეკონსტრუქციო სამუშაოებისთვის ”მე ბევრი საქებარი სიტყვა მოვისმინე ჩემს მიმართ, მთავრობის მიმართ”.

”მაგრამ მინდა გითხრათ, რომ თუ ვინმეს ეკუთვნის ქება ეს პირველ რიგში არის თბილისის მერი [გიგი უგულავა],” - განაცხადა სააკაშვილმა.

”ყოველგვარი საარჩევნო კამპანიის კონტექსტის გარეშე - და კიდევ კარგი ჯერ ოფიციალურად კანდიდატები არ არიან დასახელებულები - ყოველგვარი პოლიტიკური კონიუნქტურის გარეშე, მოდით დავიდოთ გულზე ხელი და ჩვენი მთავრობის ყველაზე უფრო მკაცრმა კრიტიკოსმაც, ოღონდ ობიექტურობის მქონემ, თქვას - როდესმე, რომელიმე პერიოდში, თბილისის მრავალსაუკონოვანი ისტორიის [განმავლობაში] გაკეთებულა თუ არა ერთჯერადად ამდენი რამ, რამდენიც შენდება დღეს,”- განაცხადა მან.

სააკაშვილმა ეს განცხადება რიყეზე სიტყვით გამოსვლისას გააკეთა, სადაც მან ფეხით მოსიარულეთა მშენებარე ხიდი მოინახულა და მისი ”სიმბოლური გახსნა” გამოაცხადა. ხიდის არქიტექტორმა მიქელე დე ლუკიმ სიტყვით გამოსვლისას განაცხადა, რომ მან თავდაპირველად ხიდის რამოდენიმე პროექტი შეიმუშავა, რომელთაგან ერთ-ერთი, რომელიც ამჟამად შენდება, პრეზიდენტმა სააკაშვილმა აარჩია.

”როდესმე, რომელიმე პერიოდში საქართველოს ათასწლოვანი ისტორიის მანძილზე აშენებულა თუ არა საქართველოში ამდენი რამ, რამდენიც შენდება ამ წლებში ჩვენი ხელებით, იმ ხალხის ხელებით, რომლებიც დღეს აქ ხართ შეკრებილები,”- მიმართა მან ხიდის მშენებლობაზე მომუშავეებს, რომლებიც სააკაშვილის გამოსვლას ესწრებოდნენ, და მათ ”თანამედროვე საქართველოს აღმშენებლები” უწოდა.

”დრო როცა მეფეებს ერქვათ აღმშენებლები, ძლიერები, დიდები - ეს მნიშვნელოვანი დრო იყო, რა თქმა უნდა ბევრს ნიშნავდა ძველ დროში მეფე - მაგრამ დღეს, დემოკრატიის პირობებში... თითოეული ადამიანი არის შემქმნელიც, მეფეც, პრეზიდენტიც, მერიც, აღმშენებელიც, ბრწყინვალეც და სხვა ტიტულების დამსახურებელი თანამედროვე საქართველოში”, - განაცხადა პრეზიდენტმა.

დღესვე, სააკაშვილმა, თბილისის მერთან ერთად გმირთა მოედანზე მშენებარე ესტაკადაც მოინახულა.

”ეს პროექტი არის მართლაც გარღვევა ამ ქალაქის კომფორტულად ქცევის კუთხით,” - განაცხადა მან.

სააკაშვილის თქმით, იმის გარდა, რომ ესტაკადა და ”მზიურის” პარკზე გამავალი მშენებარე ტრასა საავტომობილო მოძრაობას  56%-ით განტვირთავს, პროექტით თავად ”მზიურის” პარკი ”რვაჯერ დიდდება”.

”თბილისში ჩნდება ისეთივე პარკი, როგორიც არის ცენტრალური პარკი ნიუ-იორკში - ყოველგვარი გაზვიადების გარეშე”, რომელიც, მისი თქმით, ოქტომბერში, ან ნოემბერში გაიხსნება.

”რაც მე ტელევიზიით გინება ვისმინე ამ ესტაკადის... მაინც გავიყვანთ გინდა გვაგინეთ და გინდა გვესროლეთ რამდენიც გინდათ,”- განაცხადა სააკაშვილმა.

”დაწყნარდებიან თვის ბოლოს,” - ღიმილით უთხრა სააკაშვილს საავტომობილო გზების დეპარტამენტის თავმჯდომარემ რამაზ ნიკოლაიშვილმა, ”ამ ესტაკადას ამ თვის ბოლოს ვასრულებთ და უკვე 26-ში [აპრილს] ბეტონის დაგებას ვიწყებთ... და მერე შეგვაქებენ”.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16