Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ალასანია: ”არჩევნები შედგა, წინ საპარლამენტო არჩევნებია”
სივილ ჯორჯია, თბილისი / 31 მაი.'10 / 18:59

მიუხედავად ”ძალიან დიდი ნაკლოვანებებისა, არჩევნები შედგა, თბილისმა არჩევანი გააკეთა,” განაცხადა 31 მაისს ირაკლი ალასანიამ და მისი მთავარი ოპონენტის, გიგი უგულავას მხარდამჭერებს იმედების გამართლება უსურვა.

ირაკლი ალასანია წინასწარი ოფიციალური შედეგებით ხმათა 19%-ით მეორე ადგილზეა თბილისის მერის პირდაპირ არჩევნებში, მმართველი პარტიის კანდიდატის და მოქმედი მერის გიგი უგულავას 55%-იანი შედეგის შემდეგ.

”ჩვენ ხალხმა გამოგვკვეთა როგორც ერთ-ერთი მთავარი და უალტერნატივო ძალა,”- განაცხადა ალასანიამ 31 მაისს ”ალიანსის” აქტივისტებთან გამართულ შეხვედრაზე. ”თქვენი ხმები მე მაძლევს იმის სრულ განცდას, რომ ჩვენი ერთობლივი ბრძოლა გაგრძელდება დიდ წარმატებამდე... სწორედ ამ მხარდაჭერით მოტივირებულები ვაგრძელებთ ბრძოლას ახალი გამარჯვებებისთვის. ჩვენი ქვეყნის დემოკრატიული განვითარების საქმეში შევიტანთ ჩვენს წვლილს, ჩვენ ბრძოლას გავაგრძელებთ, რომ საარჩევნო სისტემა უფრო გამჭვირვალე გავხადოთ”.

ალასანიას თქმით, მისი პოლიტიკური ძალა ახლა მთავარ აქცენტს საპარლამენტო არჩევნებზე გააკეთებს, რომელიც 2012 წელს არის დაგეგმილი - მორიგ საპრეზიდენტო არჩევნებამდე ერთი წლით ადრე

”მთავარი გამოცდა ჯერ კიდევ წინ გველოდება საპარლამენტო არჩევნების სახით,”- განაცხადა მან, ”ჩვენ მხარდამჭერებს მოვუწოდებ, რომ ერთ მუშტად შევიკრათ, რათა ამ გამარჯვებისთვის მზად ვიყოთ”.

მისი შეფასებით, შექმნიდან ერთი წლის თავზე მისმა პოლიტიკურმა ძალამ ”დიდი გამოცდილება” მიიღო.

”ჩვენ ამ ბრძოლაში შევედით იმ პირობებში, როდესაც ხელისუფლება და მმართველი პარტია წინასაარჩევნოდ უპრეცედენტოდ იყენებდა ადმინისტრაციულ რესურსებს, ძალიან დიდ ფინანსურ შესაძლებლობებს, მაგრამ ჩვენ ხალხმა  თავისი გადაწყვეტილებით დაგვამკვიდრა, რომ ვართ ყველაზე ძლიერი, ყველაზე შეურიგებელი და რაც მთავარია, ხაზი მინდა გაუსვა, დამოუკიდებელი პოლიტიკური ერთობა,”- განაცხადა ”ალიანსის” ლიდერმა. 

”აი ეს შედეგი ამ არჩევნების, ჩვენ ყველამ ერთად უნდა დავაფასოთ,”- განაგრძო მან, ”თითოეული ხმა, რომელიც ჩვენ მივიღეთ ამ არჩევნების პროცესში მეტყველებს იმაზე, რომ ჩვენი საზოგადოება უშიშარია, ჩვენი საზოგადოება რეალურად ითხოვს ცვლილებებს და უნდა, რომ ჩვენთან ერთად, წამყვან პოლიტიკურ ძალასთან ერთად გავაგრძელოთ საქართველოს დემოკრატიული განვითარება”.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
28