Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
გალის სოფლის ადმინისტრაციის უფროსი მოკლეს
სივილ ჯორჯია, თბილისი / 4 ივნ.'10 / 19:55

დიმიტრი კაცია, გალის რაიონის სოფელ რეპის ადმინისტრაციის უფროსი, 3 ივნისს საღამოს უცნობმა პირებმა მანქანაში ჩაცხრილეს სოფელ პრიმორსკიდან რეპის გზაზე; იგი სასიკვდილო ჭრილობებისგან გარდაიცვალა, იტყობინება ”აფსნიპრესი” 4 ივნისს.

”სავარაუდოდ, მანქანას სამი პირი ესროდა,”- განაცხადა სეპარატისტული აფხაზეთის შს მინისტრმა ოთარ ხეციამ, ”კაცია თავში მოხვედრილი ტყვიით გარდაიცვალა”.

ეს უკვე მეორე მკვლელობაა გალის რაიონში ბოლო ერთი კვირის მანძილზე. 1 ივნისს აფხაზი მებაჟეების ავტომანქანას ცეცხლი გაუხსნეს, რის შედეგადაც ერთი მებაჟე დაიღუპა და ორი დაიჭრა. 

სეპარატისტული აფხაზეთის პრეზიდენტმა სერგეი ბაღაფშმა განაცხადა, რომ ამ ინციდენტების უკან შესაძლოა თბილისი იდგეს.

”ამ დანაშაულების ხელწერა საკმაოდ ნაცნობია. ქართული კვალი საკმაოდ ცხადია,”- განუცხადა მან დღეს უშიშროების საბჭოს წევრებს და სამართალდამცავებს გალში ვითარების ზედმიწევნითი მონიტორინგის მიზნით ერთობლივი გეგმით მოქმედება დაავალა.

მან ასევე საგანგებოდ გაუსვა ხაზი, რომ საქმე ეხება გალის რაიონს, სადაც დევნილობიდან დაბრუნებული ქართველები ცხოვრობენ.

”საჭიროა მკაფიოდ განვაცდახოთ, თუ ქართული მხარე არ შეწყვეტს დივერსიულ მოღვაწეობას, ჩვენ იძულებული ვიქნებით მივიღოთ ადეკვატური ზომები. ტერაქტის ორგანიზატორებს უნდა ესმოდეთ, რომ ლოკალურ დესტაბილიზაციას შეუძლია გამოიწვიოს დაძაბულობა  ისედაც არცთუ იოლ ვითარებაში რეგიონში, სადაც დაბრუნდნენ დევნილები,”- განაცხადა ბაღაფშმა.

იმავდროულად, ქართულმა ტელეკომპანიებმა, აფხაზ მებაჟეებზე თავდასხმის ინციდენტის მსგავსად, განაცხადეს, რომ უკანასკნელი ინციდენტიც იყო აფხაზ სეპარატისტებსა და რუს სამხედროებს შორის დაპირისპირების შედეგი, რაც ადგილობრივი ქართველი მოსახლეობიდან ამოღებული ფულის გაყოფისას უთანხმოებას მოჰყვა.

”რუსთავი 2”-მა და საზოგადოებრივმა მაუწყებელმა ასევე გაუშვეს დევნილობაში აფხაზეთის მთავრობის წარმომადგენლის თორნიკე კილანავას კომენტარი, სადაც ის ამბობს, რომ დიმიტრი კაცია ”ქართველების წინააღმდეგ განსაკუთრებული სისასტიკით გამოირჩეოდა, ის ხელმძღვანელობდა რამოდენიმე სადამსჯელო ღონისძიებას ადგილობრივი მოსახლეობის მიმართ და ადგილობრივი მოსახლეობის დაშინებას და დატერორებას”.

გალთან დაკავშირებით 4 ივნისს გავრცელებულ კიდევ ერთ ცნობაში, ქართულმა ტელეკომპანიები იუწყებოდნენ, რომ ერთი კვირის წინ თავს დაესხნენ ქართულ ოჯახს სოფელ ოტობაიაში. საზოგადოებრივი მაუწყებლის ცნობით, ”თავდამსხმელები თანხას ითხოვდნენ, რომელიც ოჯახს არ გააჩნდა. ბოროტმოქმედები 3 საათის განმავლობაში არასრულწლოვანი შვილიშვილის თვალწინ აწამებდნენ ცოლ-ქმარს”. ამავე ცნობით, დაზარალებულები ზუგდიდში მხოლოდ ერთი კვირის შემდეგ იქნენ გადმოყვანილი, რადგან ”რუსი ოკუპანტები მათ საზღვრის გადმოკვეთის საშუალებას არ აძლევდნენ”.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
49