პრეზიდენტი სააკაშვილი ყირიმში თავის ბელარუს კოლეგას ალექსანდრე ლუკაშენკოს შეხვდა, იტყობინება საქართველოს პრეზიდენტის პრესსამსახური.
ამავე ცნობით, შეხვედრისას განხილული იქნა ორმხრივი პოლიტიკური და ეკონომიკური ურთიერთობები და გამოითქვა "კმაყოფილება იმის გამო, რომ ორ ქვეყანას შორის დიალოგი ღრმავდება და ეს პროცესი შეიმჩნევა არა მარტო პირველ პირებს შორის, არამედ საზოგადოებრივი ჯგუფების, განსაკუთრებით კი ახალგაზრდობისა და ბიზნეს წრეების წარმომადგენლებს შორისაც“.
აღსანიშნავია, რომ იალტაში უკრაინის პრეზიდენტი ვიქტორ იანუკოვიჩი დსთ–ს არაფორმალურ სამიტს მასპინძლობდა, რომელშიც მონაწილეობა მიიღეს რუსეთის, ბელარუსის, აზერბაიჯანის, სომხეთის და ყაზახეთის პრეზიდენტებმა.
საქართველოს პრეზიდენტის პრესსამსახურის ცნობით, სააკაშვილი უკრაინაში ვიზიტის ფარგლებში თავის უკრაინელ კოლეგას ვიქტორ იანუკოვიჩსაც შეხვდა და 60 წლის იუბილე მიულოცა.