Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ვენეციის კომისიის მთავარი რეკომენდაციები საკონსტიტუციო ცვლილებებზე
სივილ ჯორჯია, თბილისი / 17 სექ.'10 / 20:17

ახალ საკონსტიტუციო მოდელში მთავრობისთვის უნდობლობის გამოცხადების საკითხის შეცვლა ვენეციის კომისიის მთავარი რეკომენდაციაა, განაცხადა კომისიის დელეგაციამ, რომელიც თბილისს 16–17 სექტემბერს სტუმრობდა. 

ვენეციის კომისიამ პროექტთან დაკავშირებით წინასწარი არაოფიციალური მოსაზრებები ივლისში წარმოადგინა და მოსალოდნელი იყო, რომ საბოლოო დასკვნა მიმდინარე კვირაში იქნებოდა მიღებული. თუმცა იმის გამო, რომ პროექტმა კიდევ განიცადა შესწორებები, კომისიამ საბოლოო რეკომენდაციების მიღება ერთი თვით, 15–16 ოქტომბერს დაგეგმილი სხდომისთვის გადადო, რათა პროექტის შესწორებული ვარიანტის ექსპერტიზის  შესაძლებლობა მიეცეს.

ამასობაში, საქართველოს პარლამენტი მიმდინარე თვეში აპირებს საკონსტიტუციო ცვლილებების განხილვის დაწყებას და როგორც ჩანს, პირველი მოსმენით მიიღებს კიდეც მანამ, სანამ ვენეციის კომისია თავის საბოლოო დასკვნას დადებს.

ვენეციის კომისიის დელეგაციას ხელისუფლების წარმომადგენლებმა განუცხადეს, რომ იმ შემთხვევაშიც, თუ ვენეციის კომისიის საბოლოო რეკომენდაციების გამოქვეყნებამდე, კანონპროექტი პირველი მოსმენით იქნება მიღებული, მასში ცვლილებების შეტანა ამ რეკომენდაციების მიხედვით მაინც შესაძლებელი იქნება მეორე მოსმენისათვის.

პარლამენტის რეგლამენტის თანახმად, კონსტიტუციური კანონი სამი მოსმენით მიიღება.  კანონპროექტის პირველი მოსმენისას განიხილება მისი ზოგადი პრინციპები და ძირითადი დებულებები, მეორე მოსმენით  მუხლობრივად იხილება კანონპროექტი და მასში იმგვარი შინაარსობრივი ცვლილებები შედის, რაც პრინციპებს არ ცვლის; ხოლო მესამე მოსმენისას მასში შესაძლებელია მხოლოდ რედაქციული ხასიათის ცვლილებების შეტანა.

თბილისში ვიზიტის შემაჯამებელ პრესკონფერენციაზე, 17 სექტემბერს დელეგაციის წევრებმა ხაზი გაუსვეს იმ მთავარ საკითხებს, რომლებიც რეკომენდაციების სახითაა ასახული კომისიის წინასწარ დასკვნებში. დელეგაციის წარმომადგენლის განცხადებით, მიუხედავად იმისა, რომ შემოთავაზებული ცვლილებები „მნიშვნელოვანი ნაბიჯია სწორი მიმართულებით“, განსაკუთრებით 2004 წელს მიღებულ სადავო შესწორებებთან შედარებით, გარკვეული პრობლემები კვლავ რჩება.

“ყველაზე მნიშვნელოვანი პრობლემები, ჩვენი თვალსაზრისით, ალბათ არის მთავრობის ფორმირებასთან და მისთვის უნდობლობის გამოცხადებასთან დაკავშირებული საკითხები,“– განაცხადა თომას მარკერტმა ვენეციის კომისიის მდივანმა.

ვენეციის კომისიის თანახმად, პარლამენტის როლის გაზრდა, ძირითადად, იმ ფაქტითაა განპირობებული, რომ ქვეყნის ყველაზე ძლიერ ფიგურას – პრემიერ–მინისტრს, საკანონმდებლო ორგანო აირჩევს. 

მაგრამ, როგორც მარკერტმა აღნიშნა, პროექტის ცენტრალური საკითხია ძლიერი აღმასრულებელი მთავრობის შექმნა, რადგან "ეს პროექტის ავტორთა რწმენაა, რომ საქართველოს ამ პერიოდში ასეთი ძლიერი მთავრობა სჭირდება“.

მთავრობისათვის უნდობლობის გამოცხადების წესის შეცვლა გააძლიერებს მთავრობის ანგარიშვალდებულებას პარლამენტის წინაშე, განაცხადა მან. "ეს ერთ–ერთი ჩვენი მთავარი რეკომენდაციაა,“– დასძინა მან.

თავის წინასწარ მოსაზრებებში კომისიამ განაცხადა, რომ მთავრობის უფლებამოსილების გაზრდის მიუხედავად, პრეზიდენტი კვლავ "ინარჩუნებს მნიშვნელოვან ძალაუფლებას“ ისეთ საკითხებში, როგორიცაა საერთაშორისო ურთიერთობები, შეიარაღებული ძალები და საგანგებო სიტუაციები, ასევე იმ ვითარებაში, როდესაც მთავრობა პარლამენტის მხრიდან უნდობლობის გამოცხადების წინაშე დგას.

კომისიის აზრით, არსებობს რისკი იმისა, რომ წარმოიშვას ისეთი ვითარება, როდესაც პრეზიდენტი შეიძლება კონფლიქტში შევიდეს ხელისუფლების სხვა შტოებთან. კომისიის თქმით, ასეთი სიტუაციის არსებობის შესაძლებლობას ისიც აძლიერებს, რომ პრეზიდენტი პირდაპირი წესით არჩეული პირი იქნება, რაც მის პოლიტიკურ წონას ზრდის.

პრეზიდენტმა სააკაშვილმა რამოდენიმეჯერ საჯაროდ განაცხადა, რომ ის  ახალ მოდელში პრეზიდენტისთვის გათვალისწინებული უფლებების შეზღუდვის კატეგორიული წინააღმდეგია.

“საკონსტიტუციო რეფორმის პროცესი ნებისმიერ ქვეყანაში იმავდროულად არის პოლიტიკური პროცესიც და ასევე ნორმალურია, რომ პოლიტიკური მოსაზრებები ექსპერტების რჩევებს გადაწონის,“– განაცხადა ვენეციის კომისიის მდივანმა.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
36