Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
აშშ–ის სენატში ინიცირებული ‘რეზოლუცია ოკუპაციაზე’
სივილ ჯორჯია, თბილისი / 11 დეკ.'10 / 16:03

აშშ–ის დემოკრატმა სენატორმა ნიუ ჰემფშირიდან, ჯინ შაჰინმა მოამზადა რეზოლუციის პროექტი, რომელიც მხარს უჭერს საქართველოს ტერიტორიულ მთლიანობას და აფხაზეთსა და სამხრეთ ოსეთს აღიარებს "რუსეთის ფედერაციის მიერ ოკუპირებულ“ რეგიონებად.

პროექტის სახელწოდებაა ”საქართველოს ტერიტორიული მთლიანობისადმი და საქართველოს საერთაშორისოდ აღიარებულ საზღვრებში არსებული სიტუაციისადმი სენატის დამოკიდებულების გამომხატველი რეზოლუცია”.

სენატორ შაჰინის ვებ–გვერდით თანახმად, პროექტი სენატის საგარეო ურთიერთობათა კომიტეტში 9 დეკემბერს დარეგისტრირდა.

საქართველოს ხელისუფლება "დეოკუპაციის პოლიტიკის“ ფარგლებში აქტიურ ლობირებას უწევს ვაშინგტონსა და დასავლეთის დედაქალაქებში იმ ტიპის რეზოლუციების მიღებას, სადაც აფხაზეთი და ცხინვალის რეგიონი ოკუპირებულად იქნება მოხსენებული.

რეზოლუციის პროექტი, რომელზეც თბილისი იმედოვნებს რომ მომავალი წლის დასაწყისში იქნება მიღებული, ”ადასტურებს შეერთებული შტატების პოლიტიკას, რომელიც მიმართულია საქართველოს სუვერენიტეტის, ტერიტორიული მთლიანობისა და მისი საზღვრების ურღვეობის მხარდაჭერისკენ და აფხაზეთისა და სამხრეთ ოსეთის რუსეთის ფედერაციის მიერ ოკუპირებულ საქართველოს რეგიონებად აღიარებისკენ“.

ის ასევე მოუწოდებს, რუსეთს სრულად შეასრულოს 2008 წლის ცეცხლის შეწყვეტის შესახებ შეთანხმებები და ურჩევს მოსკოვს, ცხინვალსა და სოხუმს "ნება დართონ იძულებით გადაადგილებულ პირებსა და საერთაშორისო სადამკვირვებლო მისიებს დაბრუნდნენ სრულად და ღირსეულად“.

პროექტი ასევე “ადასტურებს, რომ რეგიონში ხანგრძლივი სტაბილურობისკენ მიმავალი გზა სამშვიდობო და გრძელვადიან დიპლომატიურ და პოლიტიკურ დიალოგზე გადის.”

ვიცე–პრემიერმა და სახელმწიფო მინისტრმა ევროატლანტიკური ინტეგრაციის საკითხებში გიორგი ბარამიძემ, რომელიც ამჟამად ვაშინგტონს სტუმრობს, განაცხადა, რომ დოკუმენტს "შეიძლება დავარქვათ ‘ოკუპაციის თაობაზე რეზოლუცია’, რაც გაამყარებს საქართველოს პოზიციებს საქართველოს დეოკუპაციისთვის ბრძოლაში“.

საქართველოს პარლამენტის თავმჯდომარემ დავით ბაქრაძემ განაცხადა, რომ რეზოლუცია იქნება "როგორც პოლიტიკურად, ასევე სამართლებრივად ყველაზე მაღალი ხარისხის გარანტია, რომ ამერიკის შეერთებული შტატების პოლიტიკა და პოზიცია იქნება ძალიან მკაფიოდ განსაზღვრული“ საქართველოსთან და მის ოკუპირებულ ტერიტორიებთან მიმართებაში.

“და ეს პოლიტიკა და პოზიცია იქნება მიმართული მხოლოდ საქართველოს დეოკუპაციისაკენ, მხოლოდ საქართველოს ტერიტორიული მთლიანობის შენარჩუნებისკენ და არანაირი ფორმით ეს პოლიტიკა არ განიცდის სამომავლო ტრანსფორმაციას,“– განაცხადა ბაქრაძემ 10 დეკემბერს.

"ძალიან ბევრი ქვეყნის პარლამენტი და ეროვნული ასამბლეა მიიღებს ასეთ დადგენილებას, რაც, რა თქმა უნდა, რუსეთს თავის მხრივ ჩააყენებს კიდევ უფრო მეტად არაკომფორტულ და მორალურად და პოლიტიკურად რთულ ვითარებაში,“– განაცხადა საპარლამენტო უმრავლესობის ლიდერმა პეტრე ცისკარიშვილმა.

რეზოლუციის ინიციატორი, სენატორი შაჰინი, მის რესპუბლიკელ კოლეგასთან ლინდსი გრემთან ერთად, ატლანტიკურ საბჭოში თანათავმჯდომარეობს საქართველოს საკითხზე მომუშავე სპეციალურ ჯგუფს. ეს ორპარტიული ჯგუფი მოსალოდნელია, რომ მოამზადებს მოხსენებას, რომელიც მოიცავს რეკომენდაციებს საქართველოსადმი აშშ–ის პოლიტიკასთან დაკავშირებით.

10 დეკემბერს ატლანტიკურ საბჭოში გაიმართა არასაჯარო მრგვალი მაგიდა გიორგი ბარამიძის მონაწილეობით, რომლის ფარგლებშიც მან ისაუბრა ნატოს–საქართველოს ურთიერთობებში თბილისის ამჟამინდელ პრიორიტეტებზე.

საქართველოს ნატოში მისწრაფება ბარამიძის ვაშინგტონში ვიზიტის ერთ–ერთი წამყვანი თემა იყო.

“გვინდა ვიცოდეთ აშშ–ის პოზიცია, თუ როგორ გახდება საქართველო ნატოს წევრი. იმიტომ, რომ ჩვენ უკვე სამჯერ მოვისმინეთ ნატოსაგან, რომ საქართველო გახდება ნატოს წევრი და ეს უკვე აღარ არის კითხვის ნიშნის ქვეშ. და ჩვენ გვესაჭიროება აშშ–ის ადმინისტრაციის ძალიან ნათელი პოზიცია ამ თემასთან დაკავშირებით და მივიღეთ სრული მხარდაჭერა,“– განუცხადა ბარამიძემ "რუსთავი 2“–ს. 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
39