საქართველო, რომელსაც ავღანეთში უკვე ყავს 950 კაციანი სამხედრო კონტიგენტით, მზადაა დამატებითი ძალები გააგზავნოს, განაცხადა პრეზიდენტმა სააკაშვილმა 6 თებერვალს მიუნხენის უსაფრთხოების კონფერენციაზე გამოსვლისას.

"ჩვენი შევთავაზეთ, რომ გავაგზავნოთ უფრო მეტი ძალები და მომდევნო თვეებში მეტი სამხედრო წამოვა საქართველოდან და ჩვენ გვსურს განვიხილოთ ჩვენი წვლილის ზრდა რათა დავეხმაროთ ავღანელ ხალხს მდგრადი მშვიდობის დამყარებაში, რათა ტერორისტებს აღარ ჰქონდეს  ამ ქვეყნის საკუთარ ბაზად გამოყენების შესაძლებლობა,“– განაცხადა მან.

სააკაშვილის თქმით, საქართველომ უკვე შესთავაზა ავღანეთის პრეზიდენტს ჰამიდ კარზაის, რომ თბილისი მზადაა გააგზავნოს ექსპერტები რომლებიც პოლიციისა და ეკონომიკური რეფორმების გატარებაში დაეხმარებიან, ასევე არტილერიის სპეციალისტები.

“საქართველოს, რომლის მოსახლეობაც სულ 4. 7 მილიონს შეადგენს და რომლის ტერიტორია ჯერ კიდევ ნაწილობრივ ოკუპირებულია, ასეთი ძალისხმევა ხაზს უსვამს ჩვენს როლს, ვიყოთ საერთაშორისო უსაფრთხოების არა მარტო მომხმარებელი არამედ მიმწოდებლები,“– განაცხადა მან.

გასულ ნოემბერს საქართველომ განაცხადა, რომ მზად არის ავღანეთის შეიარაღებული ძალების გასაწრვთნელად 20 სამხედრო ინსტრუქტორის გააგზავნოს.