Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მედვედევი საქართველოზე მიუთითებს სოჭის ოლიმპიადის საფრთხეებზე საუბრისას
სივილ ჯორჯია, თბილისი / 21 თებ.'11 / 11:37

რუსეთის პრეზიდენტმა დიმიტრი მედვედევმა 2014 წლის სოჭის ოლიმპიური თამაშების წინაშე არსებულ საფრთხეებზე ისაუბრა და ამ კონტექტსში საქართველო მოიხსენია.

"ის ძალები, რომლებიც ხელს შეუშლიან ოლიმპიადის ჩატარებას, უნდა გამოვავლინოთ და პასუხისგებაში მივცეთ, თუ საუბარია ჩვენი ქვეყნის მოქალაქეებზე. თქვენ თავად ყველაფერი გესმით, რომ აქ გარკვეული პრობლემებიც არსებობს, რომლებიც ჩვენს მეზობელს, საქართველოს უკავშირდება. ამიტომ, საგარეო საქმეთა სამინისტროს, სამართალდამცავი ორგანოების, ძალოვანი სტრუქტურების მხრიდან უნდა გაკეთდეს ყველაფერი ის, რაც მომატებულ ყურადღებას მოითხოვს. შესაბამისი წინაღობა უნდა აიგოს ნებისმიერი პროვოკაციების გზაზე,“ – განაცხადა მედვედევმა 18 თებერვალს.

მან ეს განცხადება სოჭში რუსეთის ეროვნული უშიშროების საბჭოს სხდომაზე გააკეთა.

ყარაჩაი–ჩერქეზეთის რესპუბლიკის ფედერალური უშიშროების სამსახურის (FSB) უფროსმა ვალერი ოსტროვეცკიმ განაცხადა 16 დეკემბერს, რომ საქართველო რუსეთთან საზღვრების მახლობლად სიტუაციის დესტაბილიზაციას ცდილობს, რაც, პირველ რიგში, სოჭის ოლიმპიადის ჩაშლისკენაა მიმართული.

ქართველი დეპუტატების ჯგუფმა პარლამენტის საგარეო ურთიერთობათა და დიასპორის საკითხთა კომიტეტებიდან, ასევე ტერიტორიული მთლიანობის აღდგენის საპარლამენტო კომისიიდან ნოემბერში განიხილეს, თუ როგორი უნდა ყოფილიყო საქართველოს პოზიცია სოჭში დაგეგმილ ოლიმპიურ თამაშებთან დაკავშირებით. მართალია, რაიმე ოფიციალური გადაწყვეტილება ჯერ–ჯერობით მიღებული არ არის, მაგრამ იმ შეხვედრის შემდეგ მმართველი პარტიის დეპუტატებმა განაცხადეს, რომ "საჭიროა საერთაშორისო ოლიმპიური კომიტეტი, ეროვნული ოლიმპიური კომიტეტები, საერთაშორისო თანამეგობრობა დაარწმუნონ 2014 წლის ზამთრის ოლიმპიადის სხვა ქვეყანაში გამართვის აუცილებლობაში“.

აფხაზეთის ოკუპაციის ფაქტორის გარდა, დეპუტატმა მმართველი პარტიიდან ნუგზარ წიკლაურმა განაცხადა შეხვედრის შემდეგ, რომ გასათვალისწინებელია ის გარემოება, რომ სოჭის ოლიმპიური თამაშები "იმართება იმ ადგილას, რომელსაც ჩერქეზთა გენოციდის ადგილად მიიჩნევენ“.

"ოლიმპიური ქარტიის შესაბამისად კი, შეუძლებელია ოლიმპიური თამაშების იმ ადგილას გამართვა, სადაც ხალხის გენოციდი განხორციელდა,"– განაცხადა წიკლაურმა.

ასევე ნოემბერში საქართველოს ვიცე–პრემიერმა და სახელმწიფო მინისტრმა ევრო–ატლანტიკური ინტეგრაციის საკითხებში გიორგი ბარამიძემ განაცხადა, რომ პირადად იგი იზიარებს იმ ქართველი დეპუტატების განწყობას, რომლებიც ეწინააღმდეგებიან ზამთრის ოლიმპიური თამაშების ჩატარებას სოჭში.

"მე პირადად სოლიდარობას ვუცხადებ პარლამენტის წევრებს, რადგანაც მესმის მათი განწყობა, მესმის, თუ რატომ ფიქრობენ ისინი, რომ რუსეთი არ იმსახურებს იყოს ოლიმპიური თამაშების მასპინძელი, ვინაიდან ოლიმპიური მოძრაობა რაღაც განსხვავებულია იმისგან, რის დემონსტრირებასაც რუსეთი დღეს ახდენს,“ – განაცხადა ბარამიძემ.

საქართველოს ოფიციალურად სურდა, რომ 2014 წლის ზამთრის ოლიმპიური თამაშებისთვის ბორჯომსა და ბაკურიანში ემასპინძლა. თუმცა, მას შემდეგ რაც მას ამ განაცხადის დაკმაყოფილებაზე უარი უთხრეს, პრეზიდენტმა სააკაშვილმა 2007 წლის თებერვალში განაცხადა, რომ საქართველო სოჭთან დაკავშირებით რუსეთის განაცხადს უჭერდა მხარს.

”ოლიმპიური თამაშები სოჭში ხელს შეუწყობს სამშვიდობო პროცესებს რეგიონში, რომელიც ყოველთვის ასოცირდებოდა კონფლიქტებთან. ამ კუთხით [ოლიმპიური თამაშები] დადებითი სტიმული იქნება რეგიონალური თანამშრომლობისთვის,"- განაცხადა სააკაშვილმა მაშინ.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
45