Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სადამკვირვებლო ორგანიზაციები საარჩევნო მოლაპარაკებების გამჭვირვალობისკენ მოუწოდებენ
სივილ ჯორჯია, თბილისი / 10 მაი.'11 / 13:02

ოთხი ადგილობრივი არასამთავრობო ორგანიზაცია მოუწოდებს საარჩევნო რეფორმაზე ინდივიდუალურ კონსულტაციებში ჩართულ პოლიტიკურ ძალებს უზრუნველყონ პროცესის "მაქსიმალური“ გამჭვირვალობა და მასში ადგილობრივი და საერთაშორისო ექსპერტების "ჩართულობა“.

ამასთან, ერთობლივ განცხადებაში  საერთაშორისო გამჭვირვალობა – საქართველო, სამართლიანი არჩევნებისა და დემოკრატიის საერთაშორისო საზოგადოება, საქართველოს ახალგაზრდა იურისტთა ასოციაცია, ახალი თაობა – ახალი ინიციატივა მიესალმებიან მმართველი პარტიისა და რვა ოპოზიციური პარტიის ინიციატივას კონსულტაციების განახლების შესახებ.

"თუმცა ვფიქრობთ, რომ კონსულტაციების დახურულ ფორმატში გადატანა ვერ უზრუნველყოფს მის გამჭვირვალობას.  მოლაპარაკებების ფორმატის შეცვლამ, რის შედეგადაც პროცესში არასამთავრობო და საერთაშორისო ორგანიზაციები ვეღარ მიიღებენ მონაწილეობას, შესაძლოა მის მიმართ საზოგადოებაში ნდობის ხარისხი შეამციროს,“– ნათქვამია 10 მაისს გავრცელებულ ერთობლივ განცხადებაში.

ოთხი ორგანიზაცია, რომლებმაც გასულ კვირას საკუთარი რეკომენდაციები წარმოადგინეს საარჩევნო გარემოს გაუმჯობესების თაობაზე, ასევე მოუწოდებს მხარეებს, რათა რეგულარულად მოახდინონ საზოგადოების ინფორმირება მოლაპარაკებების შესახებ და „მოლაპარაკებების პროცესში იყვნენ კონსტრუქციულნი  და შედეგზე ორიენტირებულნი, რაც ხელს შეუწყობს კონსულტაციების დროულ და შედეგიან დასრულებას“.

“მიგვაჩნია, რომ აღნიშნულ მოლაპარაკებებში ფართო საზოგადოების ჩართულობა პოლიტიკურ პროცესების  დემოკრატიულად წარმართვის მნიშვნელოვანი წინაპირობა იქნება და საქართველოში მაღალი პოლიტიკური კულტურის დანერგვას შეუწყობს ხელს,“– ნათქვამია ოთხი ორგანიზაციის განცხადებაში, რომელსაც ასევე უერთდება „გეოპოლიტიკური კვლევების საერთაშორისო ცენტრი“.

ადგილობრივი და საერთაშორისო ორგანიზაციები დამკვირვებლის სტატუსით იყვნენ ჩართულები იმ ინტერპარტიული ჯგუფის მუშაობაში, რომელმაც  საარჩევნო სისტემის რეფორმაზე მოლაპარაკებები 2010 წლის ნოემბრიდან დაიწყო, საარჩევნო სისტემების საერთაშორისო ფონდის (IFES) მხარდაჭერით. ამ ფორმატში ბოლო შეხვედრა 9 მარტს გაიმართა. მას შემდეგ სამუშაო ჯგუფის ფარგლებში მოლაპარაკებები შეწყდა. ოპოზიციური რვიანი მმართველ პარტიას ადანაშაულებდა საარჩევნო რეფორმაზე მიუღებელი წინადადებების შემოთავაზებაში, ხოლო ეს უკანასკნელი ოპოზიციურ რვიანს "ულტიმატუმების“ წაყენებაში და მოლაპარაკებების ფორმატის ჩაშლაში.

მას შემდეგ რაც მმართველმა პარტიამ განაცხადა, რომ ის საარჩევნო კოდექსზე მომუშავე ჯგუფში ჩართულ "ინდივიდუალურ პარტიებთან“ გამართავდა ცალ–ცალკე კონსულტაციებს, „ოპოზიციური რვიანი“ დათანხმდა ამ შემოთავაზებას იმ პირობით, რომ მოლაპარაკებების პროცესში კვლავ ერთიანი პოზიციით გამოვიდოდა. გასულ კვირას ორივე მხარემ დაადასტურა, რომ ინდივიდუალურ რეჟიმში მოლაპარაკებების დასაწყებად მათ პირველი შეხვედრა გამართეს.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
52