Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
აქციის მონაწილეებმა საზოგადოებრივ მაუწყებელთან გადაინაცვლეს
სივილ ჯორჯია, თბილისი / 21 მაი.'11 / 19:20


აქცია თავისუფლების მოედანზე, 21 მაისი. ფოტო: გურამ მურადოვი/Civil.ge

სახალხო კრების ლიდერებმა თავისუფლების მოედანზე შეკრებილ აქციის ათასობით მონაწილეს საზოგადოებრივი მაუწყებლის შენობისკენ მსვლელობისკენ მოუწოდეს მას შემდეგ, რაც მიტინგზე გამოსვლები დაასრულეს.

“მივდივართ ტელევიზიისაკენ, რომელიც ხალხს ეკუთვნის,“– მიმართა კრების ერთ–ერთმა ლიდერმა ირაკლი ბათიაშვილმა აქციის მონაწილეებს, რის შემდეგაც მომიტინგეები კოსტავას ქუჩისკენ გაემართნენ. 

დემოკრატიული–მოძრაობა ერთიანი საქართველოს ლიდერმა ნინო ბურჯანაძემ განაცხადა, რომ სახალხო კრება საზოგადოებრივი მაუწყებლისაგან ითხოვს დაუთმოს ეთერი ლიდერებს, რათა 20 საათიან გამოშვებაში პირველი არხის ეთერით მიმართონ საზოგადოებას. მისი თქმით, ეს საჭიროა, რათა მთელმა ქვეყანამ გაიგოს მიმდინარე პროტესტის შესახებ. ტელეკომპანია "მაესტროსთან" ერთად მიტინგს პირდაპირ ეთერში საზოგადოებრივი მაუწყებლის მეორე არხიც გადასცემდა. 

ბურჯანაძის თქმით, მომდევნო გეგმებს აქციის მონაწილეებს თანდათანობით გააცნობენ. 

იმავდროულად, ბათუმში მიმდინარეობს სახალხო კრების პარალელური აქცია.

საზოგადოებრივი მაუწყებლისკენ მანიფესტაციის დაწყებამდე, აქციის ორგანიზატორებმა წაიკითხეს მიმართვა საერთაშორისო თანამეგობრობისადმი, სადაც აღნიშნულია, რომ "მსოფლიომ თვალი არ უნდა დახუჭოს იმაზე, რომ ჩვენს ქვეყანაში სააკაშვილმა ყალბი და ფასადური დემოკრატია შექმნა“ და "გათელილია მოქალაქის ყველა კონსტიტუციური უფლება".

"ჩვენ ვიბრძვით დემოკრატიული და თავისუფალი არჩევნებისთვის და სრული პასუხისმგებლობით ვაცხადებთ, რომ მხოლოდ სააკაშვილის რეჟიმის შეცვლის შემდეგ არის შესაძლებელი ჩვენს ქვეყანაში თავისუფალი და დემოკრატიული არჩევნების ჩატარება,“– ნათქვამია მიმართვაში, სადაც ასევე ხაზგასმულია, რომ "ხალხს დარჩა ერთადერთი გზა გამოიყენოს მისთვის კონსტიტუციის მე-5 მუხლით გარანტირენული და მინიჭებული უფლება - თავისი ძალაუფლება განახორციელოს პირდაპირი და უშუალო დემოკრატიის სხვა ფორმების გამოყენებით“.

მომიტინგეებს ასევე მიმართა ბურჯანაძემ და განაცხადა, რომ "გადამწვეტ ბრძოლაში" არ აპირებენ "უკან დახევას".

“ჩვენ დარწმუნებული ვართ, რომ რამდენიმე საათში კიდევ მეტნი ვიქნებით. ეს ბრძოლა მარტივი არ არის. ჩვენ დარწმუნებული ვართ, რომ რამდენიმე ეტაპიანი ბრძოლა, რომელიც მოკლე დროში უნდა დამთავრდეს, უფრო მეტი თანამემამულეთი გაივსება,“– განაცხადა მან, “მოგიწოდებთ მთელ საქართველოს, ვისაც არ მოგწონთ ეს რეჟიმი, ვისაც გინდათ ჩვენი კონსტიტუციური უფლებების აღდგენა, დაგვიდექით გვერდით. ჩვენ უკან დახევას არ ვაპირებთ და აუცილებლად გავიმარჯვებთ“.

მან ასევე განაცხადა, რომ ხელისუფლებამ ბოლო დღეების განმავლობაში განახორციელა "ტერორი" სახალხო კრების მხარდამჭერების წინააღმდეგ, რათა მათ აქციებში მონაწილეობა არ მიეღოთ.

მისი თქმით, "პირველი, ვინც დაისჯება, იქნება სწორედ ეს ხელისუფლება, ის ათეული კაცი, ვინ დაატერორა ქვეყანა", რათა შემდეგმა ხელისუფლებამ "შიშით და მოკრძალებით შეხედოს ხალხს".  

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
37