Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
"რვიანის" რამოდენიმე პარტია ძალადობის ესკალაციის წინააღმდეგ მოუწოდებს
სივილ ჯორჯია, თბილისი / 22 მაი.'11 / 14:40

რამოდენიმე ოპოზიციურმა პარტიამ, რომლებიც საარჩევნო რეფორმის ირგვლივ გაერთიანებული რვა ოპოზიციური პარტიის ჯგუფში შედიან და მიმდინარე საპროტესტო აქციებში მონაწილეობას არ იღებენ, დაგმეს "ძალადობა“ ხელისუფლების მხრიდან და ვითარების შემდგომი ესკალაციის წინააღმდეგ გააფრთხილეს.

რესპუბლიკური პარტია მოუწოდებს პოლიტიკურ ძალებს და მოქალაქეებს არ აყვნენ "ხელისუფლების პროვოკაციას" და მის მიერ ხელშეწყობილ ძალადობის ესკალაციაში არ ჩაერთონ.  

"აშკარაა, რომ პოლიტიკურად და მორალურად გაკოტრებულმა ხელისუფლებამ სახალხო კრების აქციები უკვე მიიჩნია წარუმატებლად და თავისი მიზნების მისაღწევად ცდილობს პროცესში სხვა ოპოზიციური ძალების ჩათრევასაც,“– განაცხადა რესპუბლიკურმა პარტიამ.

"მივმართავთ საქართველოს მოქალაქეებს და პოლიტიკურ ძალებს, არ აყვნენ ხელისუფლების პროვოკაციას და არ ჩაერთონ ძალადობის ესკალაციაში, რაც ქვეყნისათვის სავალალო შედეგებით დასრულდება,“– ნათქვამია განცხადებაში.

ახალი მემარჯვენეების წარმომადგენელმა მამუკა კაციტაძემ, რომელიც რესპუბლიკელების მსგავსად იმ რვა პოლიტიკური პარტიის ჯგუფს წარმოადგენს, რომელიც საარჩევნო გარემოს გაუმჯობესების მოთხოვნით გამოდის, განაცხადა, რომ მისი პარტიის "სტრატეგიული პოზიცია“, რომ რევოლუციურ გამოსვლებში არ მიიღოს მონაწილეობა, "გადახედვას არ ექვემდებარება“.

"ამ პროტესტის გამომწვევი არის ხელისუფლება და სწორედ მასზეა პასუხისმგებლობა, რომ დღეს აქციები იმართება, თუმცა ეს პასუხისმგებლობისგან პოლიტიკურ პარტიებს და მოქალაქეებს არ ათავისუფლებს. მთავარია, რომ პოლიტიკური პროცესები არავითარ შემთხვევაში არ უნდა განვითარდეს ძალადობრივი გზით,“– აცხადებს კაციტაძე პარტიის ვებ–გვერდზე გამოქვეყნებულ კომენტარში.

21 მაისს სახალხო კრების მიერ ხელისუფლების შესაცვლელად დაწყებულ აქციას ქართული პარტია შეუერთდა მას შემდეგ, რაც 22 მაისს პოლიციასა და აქციის მონაწილეებს შორის შეტაკებები მოხდა.

იმავდროულად, ირაკლი ალასანიას პარტია, ჩვენი საქართველო–თავისუფალი დემოკრატები 22 მაისს გავრცელებულ განცხადებაში გმობს“ ხელისუფლების მხრიდან ძალადობას“, რომელმაც "აჩვენა, რომ ხელისუფლებამ ვერ გამოიტანა შესაბამისი დასკვნები 2007 წლის ნოემბრის მოვლენებიდან“. “თავისუფალი დემოკრატები“ მოუწოდებენ მთავრობას "ქვეყანა კიდევ ერთხელ არ დააყენოს სამოქალაქო დაპირისპირების ზღვარზე“.

"ყოველგვარი პროვოკაციისა და შემთხვევითობის თავიდან ასაცილებლად, თავისუფალი დემოკრატები მოვითხოვთ, აეკრძალოს პოლიციას აქციის პერიმეტრზე სამოქალაქო ტანსაცმელში და განმასხვავებელი ნიშნების გარეშე ყოფნა და გადაადგილება,"– ნათქვამია "თავისუფალი დემოკრატების" განცხადებაში.  

ქრისტიან–დემოკრატებმა, საპარლამენტო უმცირესობის ლიდერმა პარტიამ 22 მაისს გავრცელებულ განცხადებაში შექმნილი ვითარება შეაფასა, როგორც "ფეთქებადსაშიში“, რომელშიც „ნებისმიერმა არარაციონალურმა მოქმედებამ შესაძლოა სიტუაციის უკიდურესი დაძაბვა და გართულება გამოიწვიოს“. 

ამასთან, ქრისტიან–დემოკრატები მოუწოდებენ ხელისუფლებას გადახედონ 26 მაისს სამხედრო აღლუმის ჩატარების მიზანშეწონილობას.

“ქრისტიან-დემოკრატები ვგმობთ ძალადობას ვისი მხრიდანაც არ უნდა მოდიოდეს ის და მოვუწოდებთ სამართალდამცავ სტრუქტურებს, რომ დაიცვან მოქალაქეთათვის კონსტიტუციით გათვალისწინებული სიტყვის, გამოხატვის თავისუფლება და უზრუნველყონ მანიფესტანტების უსაფრთხოება,“– ნათქვამია განცხადებაში.
 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
51