Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საპროტესტო აქციის მონაწილეები თავისუფლების მოედნისკენ დაიძრნენ
სივილ ჯორჯია, თბილისი / 25 მაი.'11 / 14:42


ნინო ბურჯანაძე 25 მაისს აქციის მონაწილეებს სიტყვით მიმართავს. 
ფოტო:გურამ მურადოვი/Civil.ge

სახალხო კრების მხარდამჭერები თავისუფლების მოედნისკენ დაიძრნენ საზოგადოებრივი მაუწყებლის მიმდებარე ტერიტორიიდან, სადაც აქცია ბოლო ხუთი დღის განმავლობაში იმართებოდა.

"დემოკრატიული მოძრაობის" ლიდერმა ნინო ბურჯანაძემ განაცხადა, რომ თუ თავისუფლების მოედანზე დღის 3 საათისთვის საკმარისი ხალხი არ შეიკრიბება, სახალხო კრება თავის ბრძოლის მეთოდებს შეცვლის.

"ჩვენ არ ვართ ადამიანები, რომლებიც ან სახელმწიფო გადატრიალებას ან პუჩს მოაწყობენ", - განუცხადა მან ჟურნალისტებს, "მე მგონი ჩვენგან ამას არც არავინ ელოდა“.

მისი თქმით, აქციის უშედეგოდ დასრულების შემთხვევაში, იგი ამას „ქართველი ხალხის“ და „პირადად მისი, როგორც მოქალაქის მარცხად“ ჩათვლის.

„პოლიტიკურად ჩვენ ნამდვილად არ დავმარცხებულვართ,“ – განუცხადა ნინო ბურჯანაძემ ჟურნალისტებს, "ჩვენ ვართ პოლიტიკურად გამარჯვებული იმიტომ, რომ ჩვენ დავადასტურეთ – სახალხო კრებამ, რომ ჩვენ ვართ ძალა, რომელიც არ ვიტყუებით, ჩვენ ვართ ძალა, რომელმაც ყველაფერი გავაკეთეთ შესაძლებელი და შეუძლებელი იმისათვის, რომ დიქტატორული რეჟიმის პირობებში ადამიანებისათვის მიგვეცა პროტესტის გამოხატვის შესაძლებლობა“.

ნინო ბურჯანაძის თქმით, ყველაფერი არის დამოკიდებული ხალხის აქტიურობაზე. 


მომიტინგეები კოსტავას გამზირზე 25 მაისს. ფოტო:გურამ მურადოვი/Civil.ge

"ჩვენ ყოველთვის ვამბობდით, რომ ძალა არის ხალხში... არ ვაპირებთ არც ერთი ნაბიჯის უკან გადადგმას, მაგრამ არც ნინო ბურჯანაძეა კიტოვანი და იოსელიანი და არც ირაკლი ბათიაშვილი. ხალხი იქნება, იქნება გამარჯვება“, – განაცხადა მან.

მისი თქმით, ძნელია ახლა "რაიმეს პროგნოზირება“, მაშინ როცა ზოგიერთი ტელევიზიებით აცხადებენ თითქოს აქცია იშლება,  მიდის მოსახლეობის "დატერორება“ და ასევე "ამას ხელი შეუწყო სააკაშვილთან  შეკრულმა ოპოზიციამ კიწმარიშვილი, ოქრუაშვილის და სამწუხაროდ, სუბარის ჩათვლით“. 

მან აქციაზე გამოსვლისას ოპოზიციური პარტიები საპროტესტო აქციებთან მიმართებაში პასიურობის გამო გააკრიტიკა. 

"მე დიდი იმედი მაქვს, რომ ძალიან ბევრი მოქალაქე შემოგვიერთდება და ძალიან ბევრნი ვიქნებით დღეს, მიუხედავად იმისა, რომ  სამარცხვინოდ, ამ წუთებამდე, ყოველ შემთხვევაში ქართულმა ოპოზიციურმა სპექტრმა არ გამოგიცხადათ თქვენ არანაირი თანადგომა, არცერთმა, სამწუხაროდ ხმა არ აიმაღლა იმ დაჭერებზე, იმ თავპირის მტვრევაზე, იმ დაყაჩაღებებზე ადამიანებისა, რაც ხდებოდა ამ დღეების განმავლობაში,“– განუცხადა მან აქციაზე შეკრებილ მომიტინგეებს.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
39