Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საპროტესტო აქცია პარლამენტის წინ
სივილ ჯორჯია, თბილისი / 25 მაი.'11 / 18:42


პარლამენტის წინ მიმდინარე საპროტესტო აქცია რკინის ღობის მიღმა, რომელიც 
მომიტინგეებმა 25 მაისს რუსთაველის გამზირზე აღმართეს. ფოტო: გურამ მურადოვი/Civil.ge    

მომიტინგეებმა 25 მაისს რუსთაველის გამზირზე, პარლამენტის მდებარე ტერიტორია დაიკავეს და გამზირი ორივე მხარეს რკინის ღობეებით ჩაკეტეს. სწორედ პარლამენტის წინ იგეგმება 26 მაისს საქართველოს დამოუკიდებლობის დღისადმი მიძღვნილი სამხედრო აღლუმის გამართვა. 

სახალხო კრებამ განაცხადა აქციაზე, რომ ისინი მთელი ღამის განმავლობაში დარჩებიან პარლამენტის წინ, რათა ხელისუფლებას სამხედრო აღლუმის ჩატარების საშუალება არ მისცენ.


მომიტინგეების მიერ 25 მაისს რუსთაველის გამზირზე აღმართული რკინის ბარიერი.
ფოტო: გურამ მურადოვი/Civil.ge   

"ვიცდით დღეს აქ, დაახლოებით, 16 თუ 15 საათი, რომ სააკაშვილმა ვერ ჩაიბაროს ეს აღლუმი,“– მიმართა ნინო ბურჯანაძემ პარლამენტის წინ შეკრებილ მომიტინგეებს. “ან ჩვენი სამშობლო 20 და 30 წლის განმავლობაში ვეღარ ეღირსება ვერც დემოკრატიას, ვერც რეალურ თავისუფლებას, ვერც რეალურ განვითარებას, ვერც იმ პრობლემების მოგვარებას, რა პრობლემებიც ჩვენთვის არის მნიშვნელოვანი.

“ჩვენ უნდა გავუძლოთ და რამდენიმე საათი ვიყოთ აქ ფეხმოუცვლელი. ჩვენ უნდა გავათენოთ ეს ღამე,“– განაცხადა მან.     

საქართველოს ხელისუფლების წარმომადგენელთა განცხადებით, დაგეგმილი აღლუმი აუცილებლად ჩატარდება.


მომიტინგეები პარლამენტის წინ, 25 მაისი. ფოტო: გურამ მურადოვი/Civil.ge

"არ გამოვრიცხავთ, რომ მოხდეს დარბევა ამაღამ,“ – განაცხადა სახალხო კრების ერთ–ერთმა წარმომადგენელმა ირაკლი ბათიაშვილმა.

სახალხო კრებას წინასწარ არ გამოუცხადებია გადაწყვეტილება პარლამენტის წინ აქციის გამართვის თაობაზე. თავდაპირველად კოსტავას ქუჩიდან თავისუფლების მოედნისკენ გადანაცვლება და იქ აქციის ჩატარება იგეგმებოდა. თუმცა აქციის მონაწილეებმა, საბოლოო ჯამში, პარლამენტის წინა ტერიტორია დაიკავეს, სადაც აღლუმისთვის საგანგებო სცენა მონტაჟდებოდა.


მომიტინგეები პარლამენტის წინ, 25 მაისი. ფოტო: გურამ მურადოვი/Civil.ge

მომიტინგეების მიერ პარლამენტის მდებარე ტერიტორიის დაკავებიდან, დაახლოებით, საათნახევარში შინაგან საქმეთა სამინისტრომ გამოაქვეყნა ფარულად გადაღებული ვიდეოჩანაწერები, სადაც სავარაუდოდ, საპროტესტო აქციის ზოგიერთი მონაწილე ცდილობს პირების დაყოლიებას ე.წ. "მოლოტოვის კოქტეილების“ გამოყენებაზე.

პარლამენტის ჭიშკარი შიგნიდანაა გამაგრებული რკინის ძელებით იმ შემთხვევისთვის, თუ ხალხი შიგნით შეღწევას შეეცდება.

      

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
8