Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სერგეი ბაღაფში გარდაიცვალა
სივილ ჯორჯია, თბილისი / 29 მაი.'11 / 15:36


სერგეი ბაღაფში სეპარატისტული აფხაზეთის პრეზიდენტი იყო 2005 წლიდან. 
ფოტო: აფხაზეთის დე ფაქტო მთავრობის ვებ–გვერდი

აფხაზეთის ლიდერი სერგეი ბაღაფში კვირას დილით მოსკოვის საავადმყოფოში გარდაიცვალა მას შემდეგ, რაც ერთი კვირის წინ მარჯვენა ფილტვზე ოპერაციის შემდგომი რეაბილიტაციის პროცესი გაურთულდა, განაცხადა სეპარატისტული რეგიონის ხელისუფლებამ.

62 წლის ბაღაფში მეორე ხუთწლიანი საპრეზიდენტო ვადით 2009 წლის დეკემბერში აირჩიეს.

სეპარატისტული რეგიონის კონსტიტუციის თანახმად, პრეზიდენტის მოვალეობას ვიცე-პრეზიდენტი ალექსანდრე ანქვაბი შეასრულებს; ვადამდელი არჩევნები მომდევნო სამი თვის განმავლობაში უნდა ჩატარდეს.

”ეს აფხაზი ხალხისთვის დიდი დანაკარგია,” - განუცხადა ანქვაბმა ”ინტერფაქსს”. 

ბაღაფშმა ფილტვზე ოპერაცია მოსკოვის საავადმყოფოში 21 მაისს გაიკეთა. აფხაზეთის ოფიციალური პირები აცხადებდნენ, რომ ოპერაციამ წარმატებით ჩაიარა და რომ ბაღაფშის მდგომარეობა ნორმალური იყო. თუმცა, მედიაში ვრცელდებოდა ცნობები, რომ მისი ჯანმრთელობის მდგომარეობა უარესდებოდა; ამ ცნობებს აფხაზი ოფიციალური პირები უარყოფდნენ.

აფხაზეთის პრეზიდენტის ოფიციალურმა წარმომადგენელმა კრისტიან ბჟანიამ განაცხადა 29 მაისს, რომ იგი ბაღაფშს სამი დღის წინ ელაპარაკა და ის უკეთ გრძნობდა თავს.

”თუმცა, ორი დღის წინ მისი მდგომარეობა მოულოდნელად გაუარესდა; მან გონება დაკარგა,” - განაცხადა ბჟანიამ. ”ექიმებმა ყველაფერი გააკეთეს, რაც შეეძლოთ”.

სეპარატისტული აფხაზეთის ოფიციალური პირების განცხადებით, ოპერაციის შემდეგ გაირკვა, რომ ბაღაფშს ავთვისებიანი სიმსივნე ჰქონდა.

სერგეი ბაღაფშს ოთხშაბათს აფხაზეთში დაკრძალავენ.

სამძიმრის წერილში რუსეთის პრეზიდენტმა დიმიტრი მედვედევმა ხაზი გაუსვა ბაღაფშის ”პირად წვლილს [აფხაზეთის] დამოუკიდებლობის გაძლიერებაში”. 

”ბაღაფში რუსეთთან მეგობრობის და პარტნიორობის მტკიცე მხარდამჭერი იყო; იგი დაუღალავად მუშაობდა ჩვენს ქვეყნებს შორის მჭიდრო ორმხრივი ურთიერთობების გაღრმავებაზე,” - განაცხადა მედვედევმა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14