Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პოლიციის თქმით, EPA-ს ფოტოკორესპონტენდი 'დიდი სტაჟის მქონე აგენტია'
სივილ ჯორჯია, თბილისი / 11 ივლ.'11 / 18:53


ქართველი ჟურნალისტები შინაგან საქმეთა სამინისტროს გამჭირვალე შენობის წინ 11 ივლისს მინისტრთან, ვანო მერაბიშვილთან შეხვედრის და დაპატიმრებული ფოტოგრაფების საქმის გასაჯაროების მოთხოვნით შეიკრიბნენ. ფოტო: გურამ მურადოვი/Civil.ge

ზურაბ ქურციკიძე, ფრანკფურტში განთავსებული European Pressphoto Agency-ის (EPA) დაპატიმრებული ფოტოკორესპონდენტი, "დიდი სტაჟის მქონე აგენტია“, რომელმაც სახელმწიფო სტრუქტურებში მომუშავე კიდევ ორი ფოტოგრაფი გადაიბირა, რათა კონფიდენციალური ინფორმაცია მოეპოვებინა, განაცხადა შსს–ს საინფორმაციო და ანალიტიკური დეპარტამენტის ხელმძღვანელმა შოთა უტიაშვილმა.

რუსულ გაზეთ "კომერსანტთან“ ინტერვიუში, რომელიც 11 ივლისს გამოქვეყნდა, უტიაშვილმა განაცხადა, რომ საქმე კონფიდენციალურ ინფორმაციას შეიცავს და ამიტომ ის გრიფით "საიდუმლო“ დარჩება.

"ასეთ საქმეებზე ძალიან ცოტა ინფორმაციაა. არავინ არასდროს არ გაამხელს ასეთი დოკუმენტების შინაარსს. ალბათ, გამოძიებაც და სასამართლოც საიდუმლო გრიფით გაიმართება, რადგანაც საქმე სახელმწიფო საიდუმლოების შემცველ ინფორმაციას ეხება“, – განაცხადა უტიაშვილმა.

11 ივლისს ქართველი ჟურნალისტების ჯგუფი შსს–ს შენობის წინ შეიკრიბა, რათა შს მინისტრთან ვანო მერაბიშვილთან შეხვედრა და დაკავებული ფოტოგრაფების საქმეზე საიდუმლო გრიფის მოხსნა მოეთხოვათ. ფოტოგრაფების დაკავების საქმემ ჟურნალისტების შეშფოთება გამოიწვია და მათ წინააღმდეგ წაყენებული ბრალდებების საფუძვლიანობის მიმართ ეჭვები აღძრა. 

ირაკლი გედენიძე პრეზიდენტ სააკაშვილის პირადი ფოტოგრაფი იყო, ხოლო გიორგი აბდალაძე არაერთ მედია ორგანიზაციასთან, მათ შორის დასავლურ სააგენტოებთან, თანამშრომლობდა და ასევე საქართველოს საგარეო საქმეთა სამინისტროს ფოტოგრაფიც იყო.

უტიაშვილმა განაცხადა, რომ ორივე დაკავებული „სახელმწიფო მოხელეები“ იყვნენ და ამიტომ მათი "ფოტოჟურნალისტებად“ მოხსენიება საჭირო არ არის. 

მისი თქმით, როგორც სახელმწიფო მოხელეებს, მათ არ ჰქონდათ უფლება რაიმე მასალა, მათ შორის ფოტოები გადაეცათ ვინმესთვის, გარდა შესაბამისი სახელმწიფო სტრუქტურების პრესსამსახურებისა. უტიაშვილმა ასევე განაცხადა, რომ ეს ორი ფოტოგრაფი ამ წესს არღვევდა და ფოტოებს ზურაბ ქურციკიძეს გადასცემდა, რის შედეგადაც ქურციკიძემ ისინი "ანკესზე“ წამოაგო და მოგვიანებით აიძულა  კონფიდენციალური ინფორმაცია მიეწოდებინათ.

შსს–სთვის მიცემულ ვიდეოჩვენებაში გედენიძე აცხადებს, რომ მან უარი თქვა ქურციკიძესთან თანამშრომლობაზე მას შემდეგ, რაც ამ უკანასკნელმა სთხოვა მას არა მხოლოდ პროტოკოლით გათვალისწინებული ფოტოები, არამედ კონფიდენციალური ინფორმაციაც მიეწოდებინა. "მან [ქურციკიძემ] ფოტოებზე გადახდილ თანხებზე მოწერილი ხელი შემახსენა და მითხრა, რომ ამ ინფორმაციას და ხელმოწერას გამოიყენებდა ჩემს საწინააღმდეგოდ“, – განაცხადა გედენიძემ. მისი მეუღლე, ასევე ფოტოგრაფი ნათია გედენიძე სამ დანარჩენ ფოტოგრაფთან ერთად დააპატიმრეს, თუმცა მოგვიანებით გირაოს სანაცვლოდ გაათავისუფლეს.

ის რომ გედენიძე და აბდალაძე, საერთაშორისო საინფორმაციო სააგენტოებთან თანამშრომლობდნენ და ფოტოებს აწვდიდნენ, არასოდეს დაფარული არ ყოფილა, მითუმეტეს პრეზიდენტის ან საგარეო საქმეთა სამინისტროს პრესსამსახურებისთვის. ინტერნეტში ამ ფოტოკორესპონდენტების უამრავი ფოტომასალა მოიპოვება, რომლებზეც ავტორების გრაფაში მითითებულია: “AFP Photo/Pool/Irakli Gedenidze” ან “Irakli Gedenidze/Pool via Reuters” და “George Abdaladze/AP”.

აბდალაძის საქმიანობა საგარეო საქმეთა სამინისტროში და მისთვის სამინისტროს კონფიდენციალურ ინფორმაციაზე ხელმისაწვდომობა ის მთავარი თემები იყო, რაზეც პასუხები საგარეო საქმეთა მინისტრის მოადგილისგან ნინო კალანდაძისგან დღევანდელ ტრადიციულ ბრიფინზე მოითხოვეს.

ნინო კალანდაძემ განაცხადა 11 ივლისს, რომ აბდალაძე საგარეო უწყებაში 2009 წლიდან მუშაობდა ხელშეკრულებით და იგი არ იყო შტატიანი თანამშრომელი. თუმცა, მან ასევე განაცხადა, რომ მიუხედავად ამისა, იგი საგარეო საქმეთა სამინისტროს სრულფასოვან თანამშრომლად ითვლება. კალანდაძის თქმით, სხვა თანამშრომლების მსგავსად, აბდალაძისთვის შესაძლოა ხელმისაწვდომი ყოფილიყო სამინისტროში არსებული კონფიდენციალური ინფორმაცია.

კალანდაძემ თავი აარიდა პასუხის გაცემას კითხვაზე, ქურციკიძის წინააღმდეგ წაყენებული ჯაშუშობის ბრალდება ნიშნავდა თუ არა იმას, რომ საქართველო მიიჩნევს, რომ სააგენტო EPA რუსულ დაზვერვაზე მუშაობს. მისი თქმით, მას არ გააჩნია უფლებამოსილება გამოძიების დეტალებზე ისაუბროს.

კითხვაზე, თუ როგორ გახდა კონფიდენციალური ინფორმაცია ფოტოგრაფებისთვის ხელმისაწვდომი, შოთა უტიაშვილმა უპასუხა "კომერსანტს“: "კიდევ ერთხელ გახსენებთ, რომ ისინი არა ჟურნალისტები, არამედ სახელმწიფო მოხელეები იყვნენ, და ამიტომაც, მათთვის ხელმისაწვდომი იყო ამგვარი ინფორმაცია. თუმცა, გამოძიება ყველაფერს გაარკვევს, თუ როგორ მიიღეს მათ ეს ინფორმაცია. გედენიძე პრეზიდენტის პირადი ფოტოგრაფი იყო. იგი თავისი სამუშაო დროის ნახევარს პრეზიდენტთან ატარებდა“, – განაცხადა უტიაშვილმა.

„ეს ისტორია ჩვენ სულაც არ გვახარებს. ჩვენთვის არანაირი აზრი არ აქვს იმას, რომ თავი შევირცხვინოთ და არაფრის გულისთვის ჩავსვათ პრეზიდენტის ფოტოგრაფი. ქურციკიძე დიდი სტაჟის მქონე აგენტია. მან ის ორი გადაიბირა“, – განაცხადა უტიაშვილმა.

იმავე ინტერვიუში, რუსეთზე მომუშავე სავარაუდო ჯაშუშების დაკავების წინა საქმეებზე საუბრისას უტიაშვილმა განაცხადა, რომ ხელისუფლების მიერ ჯაშუშების ისტორიების "გაპიარების“ მიზანია დაანახონ ყველას საქართველოში, რომ "ამგვარი თამაშები ძალიან სარისკოა“ და "თუ ანკესზე წამოგაგეს“ უმჯობესია, რომ „პოლიციას მიმართო და ყველაფერი უთხრა“.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16