Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ადვოკატი: ქურციკიძეს საპროცესო შეთანხმება სურს
სივილ ჯორჯია, თბილისი / 21 ივლ.'11 / 18:00

ზურაბ ქურციკიძემ, European Pressphoto Agency-ის (EPA) ფოტოკორესპონდენტმა, დღევანდელი ხელახალი დაკითხვის დროს პროკურატურას საპროცესო შეთანხმების დადება შესთავაზა, განუცხადა ქურციკიძის ერთ–ერთმა ადვოკატმა, ნინო ანდრიაშვილმა Сivil.ge–ს.

„საპროცესო შეთანხმება არ გაფორმებულა, უბრალოდ ქურციკიძის მხრიდან იყო  შეთავაზება საპროცესო შეთანხმების დადების. არანაირი წინაპირობა არ ყოფილა. ეს მოხდა ხელახალი დაკითხვის დროს, რაც გამოძიების მხრიდან დამატებითი კითხვების გაჩენამ განაპირობა,“ – განაცხადა  ანდრიაშვილმა.

”პროკურატურის მხრიდან პასუხი იყო, რომ განიხილავენ ამ განცხადებას და პასუხს მოგვიანებით განაცხადებენ“, – დასძინა მან.

ალბათობა, რომ ჯაშუშობის ბრალდებით დაკავებული ფოტოგრაფების საქმე სექტემბერში დაგეგმილ სასამართლომდე საპროცესო შეთანხმებით დასრულდება, მას შემდეგ გაიზარდა, რაც ცნობილი გახდა, რომ სამივე ფოტოგრაფმა, რომლებიც წინასწარ პატიმრობაში იმყოფებიან, აღიარებითი ჩვენებების მიცემაზე თანხმობა განაცხადა.

ყველა დაკავებული ფოტოგრაფის მიმართ საპროცესო შეთანხმების გაფორმების შემთხვევაში - საქართველოს სისხლის სამართლის მართლმსაჯულების სისტემაში ძალზედ გავრცელებული პრაქტიკა, რომელიც ხშირად უფლებადამცველების კრიტიკის საგანია - საქმის არსებითი განხილვა სასამართლოზე აღარ შედგება.

21 ივლისს თავიანთ კლიენტს ასევე შეხვდნენ გიორგი აბდალაძის ადვოკატები. ერთ–ერთმა ადვოკატმა, ეკა ბესელიამ განაცხადა, რომ მისი კლიენტი კვლავ დაკითხეს გამომძიებლებმა, რათა აბდალაძის მიერ აღიარებით ჩვენებაში ფაქტების შესახებ დაშვებული  უზუსტობები გაესწორებინათ. ბესელიას თქმით, ერთ–ერთი ასეთი უზუსტობა უკავშირდებოდა ოსების მიერ მისი დაკავების თარიღს. თავდაპირველად, აბდალაძემ განაცხადა, რომ იგი მაშინ გადაიბირა რუსულმა დაზვერვამ, როდესაც იგი 2002 წელს ცხინვალში ჰყავდათ დაკავებული; თუმცა, რეალურად, იგი ცხინვალში 2000 წელს ჰყავდათ დაკავებული.    

ბესელიამ განაცხადა, რომ აბდალაძის არცერთმა ადვოკატმა დაკითხვის ოქმს ხელი არ მოაწერა იმ მოტივით, რომ მათ მიაჩნიათ, რომ მათი კლიენტი „ფსიქოლოგიური ზეწოლის“ ქვეშ იმყოფება. 

ასევე 21 ივლისს, ადვოკატმა შალვა შავგულიძემ განაცხადა, რომ იგი ქურციკიძის ოჯახმა და European Pressphoto Agency-იმ დაიქირავა რათა ქურციკიძის ინტერესები დაიცვას. 21 ივლისს შავგულიძემ განუცხადა ჟურნალისტებს, რომ მას თავის კლიენტთან სურდა შეხვედრა, თუმცა ვერ მოახერხა, რაშიც მან ციხის ადმინისტრაცია დაადანაშაულა. მოგვიანებით, ქურციკიძის ადვოკატმა ნინო ანდრიაშვილმა განაცხადა, რომ ქურციკიძემ თავად არ ისურვა რომ მისი ადვოკატი შავგულიძე ყოფილიყო. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
48