Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საჯარო სამართლის იურიდიული პირის სტატუსი ოთხმა რელიგიურმა ჯგუფმა მიიღო
Civil Georgia, Tbilisi / 29 სექ.'11 / 11:13

საჯარო სამართლის იურიდიულ პირად დღემდე ოთხი რელიგიური ჯგუფი დარეგისტრირდა იმ საკანონმდებლო ცვლილების შედეგად, რომლის მიღებასაც ზაფხულში ქართული მართლმადიდებლური ეკლესიის წინამძღოლობით ორდღიანი საპროტესტო დემონსტრაციები მოყვა.

სრულიად საქართველოს მუსლიმთა სამმართველო პირველი რელიგიური ჯგუფი გახდა, რომელიც ივლისში საჯარო სამართლის იურიდიულ პირად დარეგისტრირდა. ეს ჯგუფი პირველად 2011 წლის იანვარში დარეგისტრირდა, როგორც არაკომერციული იურიდიული პირი და რეგისტრაციის ამგვარ ფორმას მკაცრი რეაქცია მოყვა ბაქოში მდებარე კავკასიის მუსლიმთა სამმართველოსგან, რომელსაც თბილისშიც აქვს ოფისი და საქართველოს მუსლიმთა ინტერესებს იცავს. სამმართველოს ხელმძღვანელმა ალაჰშუკურ ფაშაზადემ ახალი ჯგუფის ჩამოყალიბება საქართველოს ხელისუფლების ავანტიურად შეაფასა.

სხვა ჯგუფები, რომლებიც ასევე დარეგისტრირდნენ ახალი საკანონმდებლო ცვლილების ფარგლებში, არიან ლათინ კათოლიკეთა კავკასიის სამოციქულო ადმინისტრაცია; საქართველოში ასირიულ-ქალდეური კათოლიკური თემი და იეზიდთა სასულიერო კრება საქართველოში.

ივლისში საკანონმდებლო ცვლილების მიღებამდე, რელიგიური ჯგუფებს, გარდა საქართველოს მართლმადიდებლური ეკლესიისა, რომლის განსაკუთრებული როლიც აღიარებულია სახელმწიფოსთან 2002 წელს დადებული საკონსტიტუციო შეთანხმებით, კერძო სამართლის არაკომერციულ პირებად შეეძლოთ დარეგისტრირება. თუმცა, რეგისტრაციის ამგვარი ფორმა ზოგიერთი რელიგიური უმცირესობის პროტესტს იწვევდა, რომელთა განცხადებითაც, ეს მათ ოფიციალურ რელიგიებად აღიარების პრივილეგიას ართმევდა.

საკანონმდებლო ცვლილებას საქართველოს მართლმადიდებლური ეკლესიის პროტესტი მოყვა; შედეგად, 9–10 ივლისს, მას შემდეგ, რაც საკანონმდებლო ცვლილებას პრეზიდენტმა სააკაშვილმა მოაწერა ხელი, თბილისის ქუჩებში საპროტესტო დემონსტრაციები გაიმართა. მოგვიანებით, საქართველოს საპატრიარქომ პოზიცია შეარბილა და მოუწოდა ხელისუფლებას რელიგიასთან დაკავშირებულ საკითხებზე გადაწყვეტილების მიღაბისას ეკლესიასთან მჭიდრო კონსულტაციები გამართოს.

ტელეკომპანია „იმედთან“ ინტერვიუში, რომელიც 24 სექტემბერს გადაიცა, პრეზიდენტმა სააკაშვილმა განაცხადა, რომ ამ საკანონმდებლო ცვლილების მიღებით ხელისუფლებამ უთხრა მოქალაქეებს, რომ „ყველანი თანასწორნი ხართ, თანაბრად გვიყვარხართ“.

სააკაშვილმა ასევე განაცხადა, რომ მისი წინამორბედის ედუარდ შევარდნაძისგან განსხვავებით, იგი არ დაემორჩილებოდა ზეწოლას, რომელიც ამ საკითხზე ქუჩის საპროტესტო აქციებიდან მოდიოდა.

მას მხედველობაში ჰქონდა 2003 წლის სექტემბრის მოვლენები, როდესაც საქართველოს მართლმადიდებლური ეკლესიის ჩარევის შედეგად, მათ შორის პარლამენტის წინ საპროტესტო აქციის გამართვის გზით, საქართველოსა და ვატიკანს შორის შეთანხმების ხელმოწერა ჩაიშალა. ეს შეთანხმება საქართველოში რომის კათოლიკური ეკლესიის სამართლებრივ უფლებებს უზრუნველყოფდა. მაშინდელი პრეზიდენტი ედუარდ შევარდნაძე დაემორჩილა ქართული ეკლესიის პოზიციას და ბოლო წუთში შეცვალა ვატიკანთან სახელმწიფოთაშორისი შეთანხმების ხელმოწერის გეგმები. შედეგად, კარდინალ ჟან ლუი პიერ ტორანს, რომელიც იმ დროს ვატიკანის საგარეო საქმეთა მინისტრი იყო და რომელიც თბილისში შეთანხმების ხელმოსაწერად ჩამოვიდა, ცარიელი ხელებით მოუხდა უკან გაბრუნება.

სააკაშვილის თქმით, მაშინ კარდინალმა ჟან ლუი პიერ ტორანმა „წინასწარმეტყველური ფრაზა“ თქვა, რომლის მიხედვითაც, თუ მთავრობას ეშინია ქუჩაში გამოსული 100 კაცის და ვერ აცნობიერებს, რომ ფუნდამენტურ ღირებულებებზეა ლაპარაკი, ამ მთავრობას დიდი დღე არ უწერია. „წინასწარმეტყველურში“ სააკაშვილი 2003 წლის "ვარდების რევოლუციას" გულისხმობდა.

„ამიტომ 100 კი არა, 100 000 რომ გამოსულიყო, მე მაინც ამას გავაკეთებდი“, – განაცხადა სააკაშვილმა, "და ავუხსნიდი ჩემს მოქალაქეებს, რატომ გავაკეთებდი ამას – იმიტომ, რომ მე მინდა ძლიერი საქართველო, საქართველო, რომელიც ეფუძნება ყველა წარმომავლობის ადამიანთა ერთიანობას, თანასწორობას და თანაბარ შანსს“.  

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
42