Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
აშშ–ის ელჩი ქრისტიან–დემოკრატების ლიდერს შეხვდა
სივილ ჯორჯია, თბილისი / 2 ნოე.'11 / 18:38

აშშ–ის ელჩი საქართველოში ჯონ ბასი 2 ნოემბერს ქრისტიან–დემოკრატიული მოძრაობის ცენტრალურ ოფისს ესტუმრა და პარტიის ლიდერს გიორგი თარგამაძეს შეხვდა.

„ჩვენ ვსაუბრობთ ორ მთავარ თემაზე: პირველი ეს არის მიმდინარე პოლიტიკური პროცესები და როგორ ვაქციოთ დაპირისპირების, რადიკალიზაციის საფრთხე, როგორ გარდავქმნათ შანსად ჩვენი ქვეყნისათვის, რომ გვქონდეს მრავალპარტიული პოლიტიკური სისტემა, არჩევნები სამართლიან გარემოში, რომელიც ქვეყანას წაიყვანს პროგრესისკენ, უფრო მეტად დააახლოვებს დასავლეთს და არ დაგვაბრუნებს წარსულში“, – განაცხადა გიორგი თარგამაძემ შეხვედრის დაწყებამდე.

„ჩვენი ამერიკელი მეგობრები ყოველთვის ცდილობენ ხელი შეუწყონ ჩვენს საზოგადოებაში ისეთ პოლიტიკურ პროცესებს, რომელიც მრავალპარტიულ, მრავალსუბიექტიან პოლიტიკურ სისტემასთან დაგვაახლოვებს, სადაც არ იქნებიან პოლიტიკური მოთამაშეები, რომელთაც ექნებათ სრული ძალაუფლება თავიანთი მეტოქეების და ოპონენტების სრულად გასანადგურებლად“, – დასძინა მან.

ქრისტიან–დემოკრატების ოფისში მისვლამდე, დაახლოებით, ორი კვირით ადრე ჯონ ბასი, თბილისში აკრედიტებულ სხვა უცხოელ დიპლომატებთან ერთად მილიარდელ ქველმოქმედს ბიძინა ივანიშვილს ესტუმრა მის ბიზნეს–ცენტრში. ბევრმა ანალიტიკოსმა მაშინ დიპლომატების მისვლას ივანიშვილთან სიმბოლური ნაბიჯი უწოდა იმ მნიშვნელობის ხაზგასასმელად, რაც ივანიშვილის პერსონას ქართულ პოლიტიკაში გააჩნია.

როდესაც აშშ–ის ელჩს 23 ოქტომბერს საზოგადოებრივი მაუწყებლის გადაცემაში „აქცენტები“ ჰკითხეს ხედავს, თუ არა ის რაიმე დატვირთვას უცხოელი დიპლომატების ქმედებაში, რომ ინდივიდუალური პოლიტიკოსის ოფისში მივიდნენ, ჯონ ბასმა უპასუხა: „ხალხი მიდრეკილია, რომ კონკრეტულ შემთხვევებში ... სიმბოლიზმის ხარისხი ეძებონ; გულწრფელად რომ გითხრათ, ასეთი რამ არ ყოფილა“.

„ჩვენ ძალიან ბევრ განსხვავებულ ადამიანს ვესაუბრებით საზოგადოებაში და ჩვენ მათ ბევრ სხვადასხვა ადგილას ვესაუბრებით“, – დასძინა მან.

იმავე გადაცემაში ჯონ ბასმა გაიმეორა, რომ აშშ არ უჭერს მხარს რომელიმე ინდივიდუალურ პოლიტიკოსს ან პოლიტიკურ პარტიას საქართველოში, არამედ ქართველ ხალხს და ქვეყნის დემოკრატიული ინსტიტუტების გაძლიერებას.

მისი თქმით, ამ კონტექსტში მას და მის კოლეგებს თბილისში აკრედიტებული დიპლომატიური კორპუსიდან აინტერესებდათ პირდაპირ მოესმინათ ივანიშვილისგან მისი შეხედულებების თაობაზე, „ისევე როგორც ამას ვაკეთებთ სხვა ხალხთან საქართველოს პოლიტიკური სპექტრიდან“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
62