Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი პოლიტიკოსებზე, რომლებიც „მისტირიან ვასალის მდგომარეობას“
სივილ ჯორჯია, თბილისი / 16 ნოე.'11 / 20:00

პრეზიდენტმა სააკაშვილმა განაცხადა, ქვეყანა დამოუკიდებლობისათვის „დიდ ბრძოლაში“ იმყოფება და „ნურავინ ნუ იტყვის, რომ საქართველომ წააგო რაიმე ომი“.

მართალია არ დაუსახელებია, თუმცა მიხეილ სააკაშვილს, სავარაუდოდ, მხედველობაში ჰქონდა ბიძინა ივანიშვილის მიერ აგვისტოს ომთან დაკავშირებით გაკეთებული განცხადება. „მსოფლიოში ყველამ ყველაფერი კარგად იცის. მხოლოდ საქართველოს მოსახლეობის შეცდომაში შეყვანას ცდილობენ და სააკაშვილი, დაახლოებით, ასე გადმოგვცემს: ომი დაიწყო რუსეთმა და გაიმარჯვა საქართველომ“, – განაცხადა ივანიშვილმა 1 ნოემბერს გამართულ პრესკონფერენციაზე.

“საქართველო მანამდე იქნება წელში გამართული, მანამდე არ იქნება წაგებული, მანამდე იბრძოლებს გამარჯვებისთვის, სანამ ეს ჟინი გვაქვს, სანამ ხელები არ ჩამოგვიშვია, სანამ არ დავნებებულვართ, სანამ არ მოგვიწერია არაფერზე ხელი და სანამ გვჯერა, რომ ჩვენი ქვეყანა საბოლოოდ გამთლიანდება,“– განაცხადა მიხეილ სააკაშვილმა 16 ნოემბერს ყვარელში ახალი წყალსაცავის, რომელსაც „ილიას ტბა“ დაერქვა, გახსნის ცერემონიაზე. 

მისი თქმით, მიუხედავად იმისა, რომ ილია ჭავჭავაძის ეპოქაში საქართველო არ იყო თავისუფალი და „აქ იდგნენ რუსი ჟანდარმები, რუსი სოლდატები, რუსი ჩაფრები ზუსტად ისე, როგორც დგანან დღეს აფხაზეთში და პატარა ქალაქ ცხინვალში“, „ილიას ერთი წამით არ შეპარვია ეჭვი, რომ საქართველო უნდა ყოფილიყო თავისუფალი და დამოუკიდებელი“.

“მაშ რა ღმერთი გაუწყრათ დღევანდელ ქართველებს, რომელთაც აქვთ, ღმერთმა უბოძა –  თუნდაც არა მთელ ტერიტორიაზე ფაქტობრივად, მაგრამ იურიდიულად მთელ ტერიტორიაზე – თავისუფალი სახელმწიფო და დღემდე მისტირიან მონობას, დღემდე მისტირიან ბატონ–ყმობას, დღემდე მისტირიან ვასალის მდგომარეობას, დღემდე უნდათ რომ ვიღაცის ქვეშ იყოს, ვიღაცის ერთი ადგილი ლოკონ, ბოდიში, ვიღაცის დაქვემდებარებაში იყვნენ, ვიღაცისგან მიიღოს ინსტრუქციები“, – განაცხადა მან რაიმეს დაკონკრეტების გარეშე.  

წინა კვირაში საპარლამენტო დებატების დროს მმართველი პარტიის დეპუტატებმა განაცხადეს, რომ ამჟამად საქართველოში ადგილი აქვს მცდელობას, რომ „კრემლის მიერ მართული“ ბიძინა ივანიშვილის გარშემო „ახალი პრორუსული ცენტრი“ შეიქმნას.

“შეიძლება შენ გრძნობდე, რომ შენი ქვეყანა შენ არ გაფასებს და არ ყავხარ ისეთ კვარცხლბეკზე, როგორც შენ დაიმსახურე, მაგრამ ეს არ არის საკმარისი საფუძველი იმისათვის, რომ შენი ქვეყანა შეგძულდეს და გაყიდო“, – განაცხადა სააკაშვილმა 16 ნოემბერს, “იქნებ მიზეზი  – და ამ პოლიტიკოსებზე ვლაპარაკობ – საკუთარ თავშია, საკუთარ უუნარობაში, იმაშია, რომ ბევრი პოლიტიკოსი საკუთარი თავით ტკბობას ბევრად უფრო მეტ დროს ანდომებს, ვიდრე საკუთარ ხალხზე ფიქრს. უმეტესობას, სამწუხაროდ, ბევრ მათგანს, საერთოდ არ აინტერესებს ის, რითი ცხოვრობს ყოველდღიურად ჩვენი ადამიანი და ამის გამო ხდება ეს“.

„და ეს არ არის საბაბი იმისათვის, რომ შენ ქვეყნის თავისუფლებაზე თქვა უარი, ეს არ არის საბაბი იმისათვის, გაიქცე და მტერს ჩაეხუტო და მტერს ჩაეკრა, ან მტერს ასიამოვნო და კუდი უქიცინო. იმიტომ, რომ არაფერი უფრო მაღალი არ არის, ვიდრე თავისუფლება“, – დასძინა სააკაშვილმა ღია ცის ქვეშ თავის სატელევიზიო გამოსვლაში ყვარელში. 

მისი თქმით, ყველაფერი, რაც ქვეყანაში კეთდება, არის „თავისუფლების პირდაპირი შედეგი“.

მან მომავალი წელი კახეთის აღმშენებლობის წლად გამოაცხადა და იქვე დასძინა: „მე ხომ ვიცი რა არის კაპრიზიანი, შარიანი პრეზიდენტის მოთბენა, მაგრამ ამასობაში მგონი მსოფლიოში ყველაზე ჩქარა ვისწავლეთ ყველაფრის შენება – მოუთმენლობასაც და სულსწრაფობასაც აქვს თავისი დადებითი შედეგები. მთელ მსოფლიოს ამაშიც ვაძლევთ მაგალითებს“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
34