Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
შემოსავლების სამსახური: ბრალდება ივანიშვილის სატელიტური სადგურის დაზიანების შესახებ ‘მიუღებელია’
სივილ ჯორჯია, თბილისი / 16 თებ.'12 / 11:58

საქართველოს შემოსავლების სამსახურმა განაცხადა, რომ მილიარდერი ოპოზიციონერის ბიძინა ივანიშვილის მიერ წამოყენებული ბრალდება მისი ტელეკომპანიის კუთვნილი მოძრავი სატელევიზიო სატელიტური სადგურის საბაჟო შემოწმების დროს „შეგნებულად დაზიანების“ შესახებ „გაუგებარი და მიუღებელია“.

ივანიშვილის პრესსამდივნომ განაცხადა 14 თებერვალს, რომ 450 000 ევროს ღირებულების სატელივიზიო სატელიტური სადგური „შეგნებულად დააზიანეს“ მაშინ, როცა ის ბათუმის პორტში 5 საათის განმავლობაში იყო საბაჟო კონტროლის გავლის მიზნით „დაკავებული“ და ტვირთის თანმხლებ პასუხისმგებელ პირებს და არც შპს „იგრიკას“ წარმომადგენლებს არ მიეცათ საშუალება დასწრებოდნენ საბაჟო კონტროლის გავლის პროცესს.

შემოსავლების სამსახურმა განაცხადა 15 თებერვალს გამოქვეყნებულ წერილობით განცხადებაში, რომ კომპანია „იგრიკას“ კუთვნილი Mercedes Benz-ის მარკის  მიკროავტობუსი ბათუმის პორტში 9 თებერვალს შევიდა და კანონის მოთხოვნის შესაბამისად, საბაჟო კონტროლის გავლის მიზნით ტვირთის ზედაპირული დათვალიერების პროცედურა განხორციელდა.

ამავე განცხადების თანახმად, შპს ,,იგირკას“ წარმომადგენლებს დათვალიერების პროცედურაზე დასწრება არ მოუთხოვიათ.

„მიკროავტობუსი გაიხსნა მხოლოდ მისი საბარგულის შესამოწმებლად“, – განაცხადა შემოსავლების სამსახურმა, „საბაჟო პროცედურების თანახმად,  ყველა ავტომობილი თვალიერდება ანალოგიური მეთოდით, რათა თავიდან იქნეს აცილებული არადეკლარირებული ტვირთის საქართველოში შემოტანა“. 

შემოსავლების სამსახურის განცხადებით, მიკროავტობუსი ტერმინალიდან მისმა მფლობელმა იმავე დღეს, დაახლოებით, ხუთი საათის შემდეგ გაიყვანა და  პრეტენზიები ტვირთის დაზიანების თაობაზე  მიკროავტობუსის გაყვანის დროს არ გამოთქმულა.

შემოსავლების სამსახურის თქმით, ინფორმაცია ტვირთის დაზიანების შესახებ მხოლოდ 5 დღის შემდეგ, 14 თებერვალს, შეიტყო, როდესაც შპს ,,იგრიკას“ წარმომადგენლებმა საჯაროდ განაცხადეს თავიანთი ბრალდებების შესახებ.

„9 თებერვლიდან 14 თებერვლამდე, "იგრიკას“ არც ერთ წარმომადგენელს არ მიუმართავს შემოსავლების სამსახურისთვის, ტვირთის დაზიანების პრეტენზიით“, – ნათქვამია განცხადებაში. 

„შემოსავლების სამსახური მოქმედებს კანონით დადგენილი წესებით. ამიტომ, ჩვენთვის გაუგებარი და მიუღებელია განცხადებები ბათუმის პორტში ტვირთის შესაძლო დაზიანების შესახებ“, – განაცხადა შემოსავლების სამსახურმა.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11