Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ივანიშვილი პრეზიდენტს ორმაგი მოქალაქეობის თხოვნით არ მიმართავს
სივილ ჯორჯია, თბილისი / 10 აპრ.'12 / 15:37

ნატურალიზაციის გზით მოქალაქეობის მიღებაზე უარის თქმის შემდეგ ოპოზიციური კოალიციის „ქართული ოცნების“ ლიდერი ბიძინა ივანიშვილი არ შეეცდება ქართული პასპორტის მიღებას ორმაგი მოქალაქეობის პროცედურის გზით, განაცხადა მისმა პრესსპიკერმა მაია ფანჯიკიძემ 10 აპრილს.

სამოქალაქო რეესტრის სააგენტომ განაცხადა 4 აპრილს, რომ ოპოზიციონერ ბიძინა ივანიშვილს საქართველოს მოქალაქეობის ნატურალიზაციის გზით მიღება არ შეუძლია და რომ მან მოქალაქეობის მისაღებად ორმაგი მოქალაქეობის მინიჭების პროცედურას უნდა მიმართოს.

მაია ფანჯიკიძემ განაცხადა, რომ იუსტიციის სამინისტროს მიერ შემოთავაზებული ვარიანტი პრეზიდენტს უფლებას ანიჭებს თავად გადაწყვიტოს მიანიჭოს, თუ არა ივანიშვილს მოქალაქეობა. მისი თქმით, „ალოგიკური“ იქნებოდა მოქალაქეობისთვის მიმართო პრეზიდენტს, რომელმაც ერთხელ უკვე შეუწყვიტა  ივანიშვილს მოქალაქეობა.

„ნატურალიზაციის გზით მოქალაქეობის მინიჭებას კანონი ავალდებულებდა ამ ხელისუფლებას და როდესაც სააკაშვილი არ ასრულებს კანონით დაკისრებულ ვალდებულებას, ცოტა უცნაური იქნებოდა მიგვემართა ისეთი გზისთვის, სადაც გადაწყვეტილების მიღება პრეზიდენტის დისკრეციაა“, – განაცხადა მან. 

მან ასევე განაცხადა, რომ ხელისუფლების გადაწყვეტილება საკონსტიტუცო ცვლილების თაობაზე, რომელიც უფლებას მისცემს ივანიშვილს საქართველოს მოქალაქეობის გარეშეც მიიღოს მონაწილეობა არჩევნებში „მორგებულია“ არა ივანიშვილზე, არამედ სააკაშვილზე, რომელსაც არ სურს თავის პოლიტიკურ ოპონენტს საქართველოს მოქალაქეობა მიანიჭოს. 

„იგი [სააკაშვილი] იძულებულია, რომ დაემორჩილოს საერთაშორისო საზოგადოების მკაცრ მოთხოვნას, აღადგინოს კანონიერება და დაუბრუნოს ბიძინა ივანიშვილს არჩევნებში მონაწილეობის უკანონოდ წართმეული უფლება... მაგრამ მისი [სააკაშვილის] მმართველობის მანიაკალურ–ავტორიტარული პრინციპი, რომლის თანახმადაც იგი ყოველთვის და ყველა შემთხვევაში მართალია, სააკაშვილს აიძულებს არ დაუბრუნოს ბიძინა ივანიშვილს უკანონოდ ჩამორთმეული მოქალაქეობა“, – განაცხადა ფანჯიკიძემ. 
     
მისი თქმით, ამ ორი პირობის ერთდროულად შესრულება – ერთი მხრივ, ივანიშვილისთვის პოლიტიკური უფლებების მინიჭება და მეორე მხრივ, მისთვის მოქალაქეობის მიცემაზე უარის თქმა – „კანონის ფარგლებში შეუძლებელია“.

„სამაგიეროდ შესაძლებელია თავად კანონის შეცვლა ისე, როგორც ეს ერთ ადამიანს [სააკაშვილს] აწყობს და სჭირდება; სწორედ ამიტომ და მხოლოდ და მხოლოდ სააკაშვილის პრობლემების მოსაგვარებლად იცვლება კონსტიტუცია“, – განაცხადა ფანჯიკიძემ.  

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
36