Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ივანიშვილის ტელევიზიამ მაუწყებლობა დაიწყო
სივილ ჯორჯია, თბილისი / 1 მაი.'12 / 12:11


კადრში ჩანს ნათია ლაზაშვილი, რომელიც 11 წლის მანძილზე, 2006 წლამდე „რუსთავი 2“–ის საინფორმაციო გამოშვების წამყვანი იყო, ამჟამად კი მეცხრე არხის 9–საათიანი საინფორმაციო გამოშვება მიყავს.

მეცხრე არხმა, რომლის თანამფლობელიც ოპოზიციური კოალიციის „ქართული ოცნება“ ლიდერის ბიძინა ივანიშვილის მეუღლეა, ორშაბათს საღამოს მაუწყებლობა საინფორმაციო გამოშვებით დაიწყო.

არხის აღმასრულებელი დირექტორის კახა ბექაურის თქმით, ამჟამად, არხი საცდელ რეჟიმში მუშაობს და მასზე დღის განმავლობაში სამი საინფორმაციო გამოშვება, ასევე პოლიტიკური თოქ–შოუ და თოჯინური პოლიტიკური სატირა გავა.

დარჩენილ საეთერო ბადეს საცდელი მაუწყებლობის პერიოდში, რომელიც, სავარაუდოდ, ივნისის ბოლომდე გაგრძელდება, დოკუმენტური და მხატვრული ფილმებით შეავსებენ. ამის შემდეგ დაგეგმილია ტელეკომპანიის მთლიანად საინფორმაციო არხად ფორმირება, განაცხადა ბექაურმა, რომელიც 2011 წლის იანვრამდე ტელეკომპანია „მაესტროს“ დირექტორი იყო.

ბიძინა ივანიშვილს ადრე უკვე ჰქონდა იგივე სახელწოდების არხი საქართველოში, რომელიც 2004 წელს მოულოდნელად დაიხურა.

მეცხრე არხს სატელიტით და საკაბელო ქსელით მაუწყებლობის ლიცენზია აქვს, თუმცა მაყურებლისთვის მისი ხელმისაწვდომობა ამ ეტაპზე შეზღუდულია.

ამჟამად, მეცხრე არხი საკაბელო კომპანიის „გლობალ TV“–ის აბონენტებისთვის და სატელიტური თეფშების მფლობელებისთვისაა ხელმისაწვდომი თურქული სატელიტური და საკაბელო ტელევიზიის ოპერატორი Turksat–ის მეშვეობით. არხი პირდაპირ ონლაინ რეჟიმშიც გადაიცემა

ამ ეტაპზე, არხის მაუწყებლობას „გლობალ TV“–ის გარდა არცერთი საკაბელო კომპანია არ უზრუნველყოფს.

„შევეცდებით, რომ ყველა საკაბელო მაუწყებლობასთან მივიდეთ და ჩაგვრთონ საკუთარ პაკეტში. მათ დიდ ნაწილს ეშინია, ნაწილი - ხელისუფლების კონტროლქვეშა და ბუნებრივია, უარს გვეუბნებიან“, – განუცხადა ბექაურმა ჟურნალ „ლიბერალის“ ელექტრონულ გამოცემას. 

ბიძინა ივანიშვილის ძმა, ალექსანდრე, კომპანია „გლობალ TV“–ის აქციების 66.8%–ის მფლობელია.

ცოტა ხნის წინ ამ საკაბელო ქსელის მეშვეობით მაუწყებლობაზე კომერციული მოტივით უარი განაცხადეს ტელეკომპანიებმა „რუსთავი 2“–მა და „იმედმა“.

თუმცა, „გლობალ TV“–ის ადმინისტრაციამ განაცხადა, რომ ორმა ნაციონალურმა მაუწყებელმა ეს იმიტომ გააკეთა, რომ აბონენტები სხვა საკაბელო კომპანიაში გადასულიყვნენ და „გლობალ TV“–ის პოტენციური კლიენტები დაეკარგა.
 
„გლობალ TV“–ის მარკეტინგის დირექტორმა ზურაბ ბაზღაძემ გასულ კვირას განუცხადა Civil.ge-ს მონაცემების დაკონკრეტების გარეშე, რომ ორი არხის გათიშვამ აბონენტების რაოდენობის მხოლოდ უმნიშვნელო შემცირება გამოიწვია.

მეცხრე არხის 9–საათიანი საინფორმაციო გამოშვების წამყვანმა, „რუსთავი 2“–ის ყოფილმა ჟურნალისტმა, ნათია ლაზაშვილმა განაცხადა, რომ მიუხედავად ხელოვნურად შექმნილი პრობლემებისა, მეცხრე არხი საცდელ მაუწყებლობას იწყებს.

მეცხრე არხის წარმომადგენლებმა განაცხადეს, რომ განბაჟების დროს შვიდ შემთხვევას ჰქონდა ადგილი, როცა არხის აპარატურა განზრახ დააზიანეს

მეცხრე არხის აღმასრულებელი დირექტორი კახა ბექაური აცხადებს, რომ ტელეკომპანია განსაკუთრებულ ყურადღებას დაუთმობს რეგიონებში მიმდინარე მოვლენებს იმ, დაახლოებით, ორმოცი „ბიუროს“ დახმარებით, რომელიც არხს ქვეყნის მასშტაბით ექნება.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
45