Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
„ეს შენ გეხება“ ხელისუფლებას მოუწოდებს უზრუნველყოს სამართლიანი საარჩევნო გარემო
სივილ ჯორჯია, თბილისი / 13 ივნ.'12 / 17:19

კამპანიის „ეს შენ გეხება“ მონაწილე არასამთავრობო და მედია ორგანიზაციებმა 13 ივნისს განაცხადეს, რომ კონტროლის პალატის, პროკურატურისა და სასამართლოს ბოლო დროინდელი ქმედებები ოპოზიციის წინააღმდეგ „სუბიექტურობითა და არათანაბარი მიდგომით ხასიათდება“.

„მიუხედავად სამოქალაქო საზოგადოების ერთსულოვანი მოთხოვნისა, რომ საზოგადოებას ჰქონდეს წვდომა პლურალისტურ მედიაზე, ინფორმაციის გავრცელებისა და მიღების გზები დღითი დღე იზღუდება და ხშირ შემთხვევაში პოლიტიკური მოტივებით არის განპირობებული“, – განაცხადა „ეს შენ გეხებამ“ თავის განცხადებაში.

მან მოუწოდა პრეზიდენტ სააკაშვილს, რომ „ხელისუფლებამ დაუყოვნებლივ გაატაროს შესაბამისი ზომები სამართლიანი წინასაარჩევნო და მედია გარემოს უზრუნველსაყოფად“.

„წინააღმდეგ შემთხვევაში, შესაძლოა, ეჭვის ქვეშ დადგეს მომავალი საპარლამენტო არჩევნების ლეგიტიმურობა“, – ნათქვამია განცხადებაში.

კამპანიის წარმომადგენელთა თქმით, კონტროლის პალატის, პროკურატურის და სასამართლოს მიერ პარტიების წარმომადგენელთა და მხარდამჭერთა მიმართ წაყენებული „ბრალდებები და გამოყენებული სანქციები, ხშირ შემთხვევაში, ცალმხრივ და არასაკმარისად დასაბუთებულ ფაქტებს ან ვარაუდებს ეყრდნობა“.

ქუთაისის საქალაქო სასამართლომ ბიძინა ივანიშვილის კოალიცია „ქართული ოცნების“ ორ აქტივისტს გირაოს სახით 3 000 ლარის გადახდა დააკისრა 9 ივნისს მას შემდეგ, რაც წინა დღეს იმავე სასამართლომ სამ აქტივისტს ორთვიანი წინასწარი პატიმრობა შეუფარდა. ხუთივეს ბრალად ედება ამომრჩეველთა მოსყიდვა „ოცნების“ ფლაერების დარიგების დროს.

11 ივნისს კონტროლის პალატამ განაცხადა, რომ რუსთავის საკრებულოს წევრმა ნაციონალური მოძრაობიდან დაარღვია კანონი პარტიების დაფინანსების შესახებ, როდესაც აპრილში რუსთავის მაცხოვრებლებს ღვინო და ცხვარი დაურიგა და სასამართლოს მისი დაჯარიმების მოთხოვნით მიმართა. თუმცა, საერთაშორისო გამჭირვალობა – საქართველომ, რომელიც კამპანიის „ეს შენ გეხებას“ მონაწილეა, განაცხადა, რომ კონტროლის პალატის გადაწყვეტილება „არ არის თანმიმდევრული“, ვინაიდან მმართველი პარტიის წევრის ქმედება ამომრჩევლის მოსყიდვად უნდა განხილულიყო და არა ადმინისტრაციულ სამართალდარღვევად.

„ეს შენ გეხებამ“ 13 ივნისს გავრცელებულ განცხადებაში მოუწოდა კონტროლის პალატას „შეწყვიტოს არათანაბარი და სუბიექტური მიდგომა პარტიების მონიტორინგის პროცესში“ და „ერთნაირი ოპერატიულობით გამოიკვლიოს და ადეკვატური პასუხისმგებლობა მოითხოვოს არა მარტო ოპოზიციური პოლიტიკური ძალის, არამედ მმართველი პარტიის წარმომადგენელთა და მხარდამჭერთა სამართალდარღვევებზე“.

კამპანიაში ჩართულმა ორგანიზაციებმა ასევე მოუწოდეს სასამართლო ხელისუფლებას „მოახდინოს საქმის გარემოებების სრულყოფილი, ობიექტური და ყოველმხრივი გამოკვლევა“ და “უზრუნველყოს მხარეთა თანასწორობა, მისცეს მათ სათანადო დრო სასამართლო პროცესისთვის მოსამზადებლად და მტკიცებულებათა წარსადგენად“, ასევე „განსაკუთრებული სიფრთხილით მოეკიდოს თავისუფლების აღმკვეთი ზომების გამოყენებას“. 

პროკურატურასთან მიმართებაში განცხადებაში ნათქვამია, რომ ამ უწყებამ  „ოპერატიულად“ უნდა შეისწავლოს მედიისა და არასამთავრობო ორგანიზაციების მიერ გავრცელებული „დანაშაულის ნიშნების შემცველი ფაქტები, რომლებიც  მოქალაქეთა მიმართ პოლიტიკური ნიშნით ანგარიშსწორებასა და მედიის წარმომადგენელთათვის საქმიანობის ხელის შეშლას ეხება“. 

უწყებათაშორის კომისიას თავისუფალი და სამართლიანი არჩევნებისთვის, რომელიც უშიშროების საბჭოსთან ფუნქციონირებს, კამპანიის „ეს შენ გეხება“ წარმომადგენლებმა მოუწოდეს გასცეს რეკომენდაციები იმ თანამდებობის პირთა პასუხისმგებლობის თაობაზე, რომლებიც ჩართულნი არიან ადმინისტრაციული რესურსის გამოყენების ან პოლიტიკური ნიშნით ზეწოლისა და მუქარის ფაქტებში.

უწყებათაშორიმა კომისიამ, რომელიც ოქტომბრის საპარლამენტო არჩევნების წინ საარჩევნო დარღვევებზე რეაგირების მიზნით ჩამოყალიბდა, განაცხადა 13 ივნისს, რომ იგი სწავლობს რამდენიმე შემთხვევას, რომლებიც საჯარო სკოლების და სახელმწიფო სტრუქტურების თანამშრომლების სამსახურიდან გათავისუფლებას ეხება შესაძლო პოლიტიკური მოტივებით. კომისიის თქმით, ერთი ასეთი შემთხვევის დროს ხარაგაულის საჯაროს სკოლის მასწავლებელმა განაცხადა, რომ იგი პოლიტიკური მოტივით გაათავისუფლეს სამსახურიდან ხარაგაულის რესურს-ცენტრის ხელმძღვანელის მითითების საფუძველზე. კომისიის თქმით, მართალია ხარაგაულის რესურს-ცენტრის ხელმძღვანელმა უარყო ეს ბრალდება, მაგრამ მან დაადასტურა, რომ ჰქონდა კომუნიკაცია სკოლის დირექტორებთან. მისივე განმარტებით, საუბარი შეეხებოდა მხოლოდ სასწავლო დაწესებულებებში პოლიტიკური კამპანიის წარმოების დაუშვებლობას. კომისიის თქმით, ცალკეულ პედაგოგებთან მიმართებით ამ ტიპის კომუნიკაცია უკვე წარმოადგენს „დისციპლინარულ დარღვევას“, რის გამოც ხარაგაულის რესურს–ცენტრის ხელმძღვანელმა თანამდებობა დატოვა.

13 ივნისს გავრცელებულ ცალკე განცხადებაში უწყებათაშორისმა კომისიამ განაცხადა, რომ მან ურჩია შრომის, ჯანმრთელობის და სოციალური დაცვის სამინისტროს წინასაარჩევნო პერიოდში შეაჩეროს სოციალური დახმარების ბაზაში უკვე დარეგისტრირებულ მოქალაქეთა სოციალურ-ეკონომიკური მდგომარეობის გადამოწმება. იყო შემთხვევები, როდესაც რამდენიმე ბენეფიციარმა განაცხადა, რომ მათი სოციალური დახმარებები შეაჩერეს იმის გამო, რომ ისინი ოპოზიციას უჭერდნენ მხარს. უწყებათაშორისმა კომისიამ განაცხადა, რომ მართალია ზოგიერთი ეს ბრალდება არ დადასტურდა, ხოლო რიგ შემთხვევაში დახმარების შეჩერება ლეგიტიმურად მოხდა, მაგრამ მან მაინც გადაწყვიტა ურჩიოს ჯანდაცვის სამინისტროს საარჩევნო პერიოდში შეაჩეროს ბაზაში დარეგისტრირებულ პირთა შეფასების პროცესი, რათა  გამოირიცხოს პოლიტიკური ინსინუაციები.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
45