Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ივანიშვილმა მცხეთის აქციაზე ოთხი მაჟორიტარი კანდიდატი დაასახელა
სივილ ჯორჯია, თბილისი / 2 ივლ.'12 / 11:04

ოპოზიციური კოალიციის „ქართული ოცნების“ ლიდერმა ბიძინა ივანიშვილმა 1 ივლისს მცხეთაში საარჩევნო კამპანიის ფარგლებში გამართული აქციის დროს მცხეთა–მთიანეთის რეგიონის ოთხივე ერთმანდატიან ოლქში მაჟორიტარი კანდიდატები დაასახელა.

ეს უკვე მეოთხე თავყრილობა იყო მას შემდეგ, რაც ივანიშვილის კოალიციამ საარჩევნო კამპანიის ფარგლებში აქციების გამართვა დაიწყო. მაისის ბოლოს პირველი მასშტაბური აქცია თბილისში გაიმართა, ხოლო შემდეგ ქუთაისსა და ოზურგეთში. 

ივანიშვილმა განაცხადა კვირას, რომ მომდევნო აქცია 15 ივლისს გორში შედგება.

მან თავისი დიდი ხნის მეგობარი ირაკლი ტრიპოლსკი „ქართული ოცნების“ მაჟორიტარ კანდიდატად დაასახელა დუშეთის რაიონში. ტრიპოლსკი, რომელიც რამდენიმე დოკუმენტური ფილმის პროდიუსერი და რეჟისორია, 2008 წელს რამდენიმე თვის მანძილზე საზოგადოებრივი მაუწყებლის სამეურვეო საბჭოს თავმჯდომარე იყო; თუმცა, სამ თვეში მან ეს თანამდებობა დატოვა იმ მოტივით, რომ საზოგადოებრივი მაუწყებელი ხელისუფლების სასარგებლოდ საზოგადოების „მიკერძოებულ“ ინფორმირებას ახდენდა.

ივანიშვილის პარტიის წევრი ზაქარია ქუცნაშვილი თიანეთის ერთმანდატიან ოლქში იყრის კენჭს. იურისტი ზაქარია ქუცნაშვილი 1999–2004 წლებში პარლამენტის წევრი იყო.

ყაზბეგის ოლქში მაჟორიტარ კანდიდატად ივანიშვილმა ექიმი მირიან წიკლაური დაასახელა. ასევე ექიმი დიმიტრი ხუნდაძე იყრის კენჭს მცხეთის ერთმანდატიან ოლქში "ქართული ოცნებიდან".

„ქართულმა ოცნებამ“ 73 ერთმანდატიანი ოლქიდან უკვე 14–ში დაასახელა საკუთარი კანდიდატები. 150–წევრიან პარლამენტში დანარჩენი 77 ადგილი პარტიული სიით გადანაწილდება.

მცხეთაში ათასობით მხარდამჭერის წინაშე გამოსვლისას ბიძინა ივანიშვილმა განაცხადა, რომ  „არ არსებობს წინააღმდეგობა, რომელიც მე შემაჩერებს“ და დასძინა, რომ მისი კოალიციის მიერ დაწყებული პროცესი „შეუქცევადია“ და ოქტომბრის საპარლამენტო არჩევნებში გამარჯვებით დასრულდება.

მცხეთის აქციამდე ივანიშვილი მცხეთა–მთიანეთის რეგიონის რამდენიმე სოფელს ეწვია. ის ასევე სრუმრობდა სტეფანწმინდას, რომელიც დაახლოებით ორი წლის წინ ხელახლა გახსნილ ლარსის სასაზღვრო–გამშვებ პუნქტთან ახლოს მდებარეობს. აქციაზე გამოსვლისას ივანიშვილი ამ საკითხსაც შეეხო მოკლედ და საქართველოს ხელისუფლება იმის გამო გააკრიტიკა, რომ შესაძლებელი იყო საზღვრის ხელახლა გახსნა საქართველოსთვის უკეთესი პირობებით.

ივანიშვილმა ასევე განაცხადა, რომ პრეზიდენტი ცდილობს, რომ „ქართულ ოცნებას“ ქუჩის აქციების დაწყებისკენ უბიძგოს. თუმცა, მისი თქმით, მისი კოალიციის მიერ დაწყებული "ბრძოლა აუცილებლად ბოლომდე მივა და ჩვენი გამარჯვებით დასრულდება".

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12