Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მეცხრე არხის ჟურნალისტი მისი დაშანტაჟების მცდელობაზე საუბრობს
სივილ ჯორჯია, თბილისი / 28 ივლ.'12 / 12:29

ტელეკომპანია მეცხრე არხმა, რომლის მფლობელიც ოპოზიციური კოალიციის „ქართული ოცნების“ ლიდერის ბიძინა ივანიშვილის მეუღლეა, განაცხადა, რომ ის მთავარ პროკურატურას მიმართავს, რათა დაუყონებლივ იქნას გამოძიებული ტელეკომპანიის ჟურნალისტის წინააღმდეგ შანტაჟის მცდელობის საქმე.

მეცხრე არხის ჟურნალისტმა ნოდარ ჩაჩუამ განაცხადა, რომ რამდენიმე დღის წინ მას უცნობი მამაკაცი მიუახლოვდა თბილისის ცენტრში და თავის მანქანაში ჩაჯდომა სთხოვა, სადაც კიდევ ორი მამაკაცი იჯდა; ჩაჩუას თქმით, საუბრის დროს ორმა მამაკაცმა, რომლებიც სამოქალაქო ტანსაცმელში და შეირაღებულები იყვნენ, საკუთარი თავი გააცნეს იმ გაურკვეველი სამსახურის თანამშრომლებად, რომლებიც „ადამიანებს უგვარებენ პრობლემებს, მაგრამ ამასთანავე, უქმნიან ძალიან დიდ პრობლემებს“ და შესთავაზეს მას ფულის სანაცვლოდ მეცხრე არხის ყოველდღიური საქმიანობების და ასევე სხვა თანამშრომლების შესახებ პირადი  ინფორმაციები მიეწოდებინა. ჩაჩუას თქმით, სამმა მამაკაცმა ასევე უთხრა მას სქესობრივი კავშირი დაემყარებინა მეცხრე არხის ერთ–ერთ თანამშრომელ მამაკაცთან და ეს ფარულად ჩაეწერა ვიდეოზე. ჟურნალისტმა განაცხადა, რომ თავიდან სამი მამაკაცი მას ემუქრებოდა და ეუბნებოდა, რომ მას "ნარკოტიკებით გაბერავდნენ". ჩაჩუამ განაცხადა, რომ ის სამ მამაკაცს 26 ივლისს ისევ შეხვდა მას შემდეგ, რაც ისინი მას მობილური ტელეფონით დაუკავშირდნენ.

ჟურნალისტმა განაცხადა, რომ მან სამი მამაკაციდან ერთ–ერთი ამოიცნო შინაგან საქმეთა სამინისტროს ვიდეო ჩანაწერში, სადაც ეს მამაკაცი დაპატიმრებულ ეჭვმიტანილს სამართალდამცავის რანგში ახლავს. ჩაჩუამ იმ მანქანის ნომერიც დაასახელა, რომელშიც საუბარი შედგა მეორე შეხვედრის დროს, ასევე მობილური ტელეფონის ნომერიც, რომლიდანაც მას დაურეკეს მეორე შეხვედრის დასაგეგმად.

მეცხრე არხმა დაგმო ჟურნალისტის წინააღმდეგ განხორციელებული შანტაჟი და მას ტელეკომპანიის წინააღმდეგ „ბინძური მეთოდებით ბრძოლა“ უწოდა.    

საქართველოს ახალგაზრდა იურისტთა ასოციაციამ განაცხადა, რომ აღნიშნული შემთხვევა შეიცავს სისხლის სამართლის კოდექსით გათვალისწინებული დანაშაულის ნიშნებს და მოუწოდა სამართალდამცავ სტრუქტურებს, რომ ფაქტზე „დროული და მყისიერი რეაგირება“ მოხდეს.

ასევე 27 ივლისს ჟურნალისტების მცირე ჯგუფმა მთავარი პროკურატურის წინ საპროტესტო აქცია გამართა და საქმის დაუყოვნებლივ გამოძიება მოითხოვა. ჟურნალისტებს ხელში ეკავათ ბანერები წარწერით: „ნუ გვებრძვით საბჭოთა მეთოდით“ და „შანტაჟი დანაშაულია“.

2009 წლის ნოემბერში გაზეთ ”ბათუმელების” ჟურნალისტმა განაცხადა, რომ მის წინააღმდეგ დაშინების და შანტაჟის მცდელობას ჰქონდა ადგილი სამართალდამცავების მხრიდან; საქმეზე გამოძიება დაიწყო, თუმცა რაიმე წინსვლა ამ საქმეში არ ყოფილა.  ორი წლის შემდეგ გაზეთმა „ბათუმელები“ განაცხადა, რომ ორწლიანი ჟურნალისტური გამოძიების შედეგად მიაკვლია პოლიციელს, რომელიც გაზეთის ჟურნალისტური გამოძიების ჯგუფის კოორდინატორს აშანტაჟებდა, რათა მას უშიშროების სამსახურთან ეთანამშრომლა. გაზეთის თქმით, მან დაადგინა შანტაჟში ეჭვმიტანილის ვინაობა, რომელიც  შსს–ს კონტრდაზვერვის დეპარტამენტის თანამშრომელი აღმოჩნდა. საქმე კვლავ გაუხსნელია.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
10