Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი: საქართველო არ დაუშვებს მეზობლის ტერიტორიაზე არსებული არასტაბილურობა გადმოედოს
სივილ ჯორჯია, თბილისი / 29 აგვ.'12 / 22:09

პრეზიდენტმა სააკაშვილმა კახეთში, რუსეთთან საზღვრის დაღესტნის მონაკვეთის ახლოს მიმდინარე სპეცოპერაციაზე საუბრისას განაცხადა, რომ საქართველო არ დაუშვებს რუსეთის ტერიტორიაზე არსებული „არეულობა, არასტაბილურობა, ძალადობა რაიმე ფორმით გადმოედოს“ და საფრთხე შეუქმნას ქვეყნის მშვიდობიან ფუნქციონირებას.

ქართველ სამართალდამცავებთან დაპირისპირებული ჯგუფის წევრების იდენტიფიცირების გარეშე მან განაცხადა, რომ „საქართველო–რუსეთის საზღვრის დაღესტან–ჩეჩნეთის მიმართულებაზე გამოჩნდა კარგად შეიარაღებული“ და „ძალიან კარგად გაწვრთნილი შეიარაღებული ჯგუფი“, რომელმაც მძევლად აიყვანა ადგილობრივი მოქალაქეები და მას შემდეგ, რაც მათ რამდენჯერმე უარი თქვეს დანებებაზე, დაიწყო შეტაკებები, რასაც „შეეწირა სამი ჩვენი მებრძოლი“. მისი თქმით, "შეიარაღებული რაზმის წევრთა აბსოლუტური უმეტესობა განადგურებულია", რაც უპილოტო თვითმფრინავების მიერ წარმოებული დაზვერვითაც დასტურდება.        

„ამ მოვლენებთან დაკავშირებით მე მინდა განვაცხადო შემდეგი რამ: 90–იან წლებში ჩვენ უკვე გვქონდა შემთხვევა, როცა ჩვენ მეზობელ ქვეყანაში იყო დიდი არეულობა სწორედ ამ რეგიონებში და ჩვენმა მეზობელმა მოახდინა თავისი არეულობის ექსპორტი საქართველოს ტერიტორიაზე და გადმოიტანა თავისი პრობლემები აქეთ. შემოიყვანა თავის შეიარაღებული რაზმები აქეთ და ამას მოყვა ცნობილი მოვლენები ცხინვალში, აფხაზეთში, პანკისის ხეობაში. ამას მოყვა დიდი არეულობა საქართველოში, ამას მოყვა უამრავი ადამიანის მსხვერპლი, ადამიანის გატაცებები და კიდევ ბევრი უარყოფითი მოვლენა, რომელიც თან ახლდა 90–იან წლებში ჩრდილოეთიდან გადმოსული ტალღის ზეგავლენას საქართველოში“, – განაცხადა მან.

„ამ მთებს იქით არის დიდი არეულობა“, – განაცხადა მან ყვარელში თავის სახლის ეზოში მთების ფონზე ჩაწერილ სატელევიზიო მიმართვაში, „ამ მთების აქეთ, თუნდაც აქ ჩვენთან – კახეთში ჩვენ გვაქვს დიდი აღმშენებლობა და დიდი განვითარება. აქედან გამომდინარე ჩვენ ვართ დღეს სულ სხვა სიტუაციაში, ვიდრე ეს იყო 90–იან წლებში“.

„ჩვენ ქართული სახელმწიფო არ დავუშვებთ, რომ ჩვენი მეზობლის ტერიტორიაზე არსებული არეულობა, არასტაბილურობა, ძალადობა რაიმე ფორმით გადმოედოს და საფრთხე შეუქმნას საქართველოს მშვიდობიან მოქალაქეებს, ჩვენი ქვეყნის მშვიდობიან ფუნქციონირებას დ ჩვენი ქვეყნის განვითარებას“, – განაცხადა მან.

შემდეგ სააკაშვილმა მიმართა „ჩრდილო კავკასიელ ძმებს“, რომ „ნუ გამოაყენებინებენ თავს პროვოკაციის ბრმა იარაღად. 

"ის არასტაბილურობა და არეულობა, რომელიც არის ამ მთების იქით, დარჩება ამ მთების იქით და ვერ გადმოვა აქეთ", – განაცხადა მან. 

„ჩვენ გვაქვს ჩვენი მწყობრი ხედვა კავკასიის, როგორც ერთიანი მშვიდობის, კულტურის, პოლიტიკის, ეკონომიკის მქონე ტერიტორიის, ერთი პოლიტიკური და ისტორიული ხვედრის მქონე ხალხის. ამიტომ ჩვენ გახსნილი ვართ ყველანაირი კონტაქტებისთვის, ყველანაირი ურთიერთობისთვის მათთან, ჩვენ მეზობლებთან. ჩვენ გვაქვს უვიზო მიმოსვლის რეჟიმი რუსეთის ფედერაციასთან და ჩვენ მივესალმებით რუსეთიდან ვიზიტორებს ტურისტებს, მაგრამ ჩვენ არ დავუშვებთ საქართველოს ტერიტორიაზე მშვიდობიანი მოსახლეობის წინააღმდეგ მიმართულ ან რაიმე სხვა ფორმით შეიარაღებული ჯგუფების გადაადგილებას, შეიარაღებული პირების თარეშს“, – განაცხადა მან.

„ჩვენ გვყავს კარგად გაწვრთნილი სამართალდამცავი სტრუქტურები, ჩვენ გვყავს არაკორუმპირებული სახელმწიფო აპარატი, რაც მთავარია, ჩვენ გვაქვს პოლიტიკური ნება დავიცვათ ჩვენი მოქალაქეები და ჩვენი მშვიდობიანი განვითარების მონაპოვრები“, – განაცხადა სააკაშვილმა.

„რა თქმა უნდა ჩემთვის განსაკუთრებულად მძიმეა საუბარი იმაზე, რომ ჩვენი სამართალდამცავი სტრუქტურების წარმომადგენლები ემსხვერპლნენ ამ ბოლო დღეების მოვლენებს, მაგრამ ისინი შეეწირენ იმას, რომ საქართველოში იყოს მშვიდობა და რომ საქართველო ვერავინ ვეღარასდროს ვეღარ არიოს“.

„ჩვენ ყველანი, მე, მთავრობის წევრები, ის ბიჭები, ვინც იცავენ საქართველოს, ჩვენ ყველანი ვართ საქართველოს ჯარისკაცები და ჩვენ შევძლებთ საქართველოში მშვიდობის შემდგომ დაცვასაც და საქართველოს განვითარების შეუფერხებელ გაგრძელებასაც. მინდა ამ მხრივ ყველა დავამშვიდო. ადგილობრივ ხალხს და ჩვენს საზოგადოებას არაფერი არ ემუქრება“, – აღნიშნა სააკაშვილმა თავის გამოსვლაში.

„რაც შეეხება იმ ხალხს, ვინც პასუხი უნდა აგოს და ვინც ჩაიდინა ჩვენი სპეცრაზმელების მკვლელობა, ისინი, მათი მოქმედებები საქართველოში ბოლომდე იქნება აღკვეთილი და ჩვენ ყველა ზომას მივიღებთ იმისათვის, რომ არასდროს ასეთი რამე საქართველოში ვინმემ არ ცადოს“, – განაგრძო მან, „მე ვფიქრობ, ეს იქნება ძალიან კარგი გაკვეთილი საქართველოში შემდგომ რაიმე მსგავსის განხორციელების ნებისმიერ მსურველთათვის“.   

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
81