Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ქართველი ძალოვანები მსხვერპლიანი შეტაკების შემდეგ რუსეთის საზღვრის სიახლოვეს რჩებიან
სივილ ჯორჯია, თბილისი / 30 აგვ.'12 / 13:15

ქართული ძალები კახეთის რეგიონში, რუსეთთან საზღვრის სიახლოვეს რჩებიან, სადაც 29 აგვისტოს მომხდარ შეიარაღებულ შეტაკებას, ოფიციალური ცნობებით, სამი ქართველი ძალოვანი და მათი 11 მოწინააღმდეგე ემსხვერპლა.

უკანასკნელი ცნობები შინაგან საქმეთა სამინისტრომ გუშინ, დაახლოებით, დღის 4 საათისკენ გაავრცელა, სადაც აღნიშნა, რომ ექვსი დივერსანტი „ალყაში“ იყო მოქცეული და მათი დაკავების ოპერაცია მიმდინარეობდა.

უშიშროების საბჭოს მდივანმა გიგა ბოკერიამ ოთხშაბათს საღამოს განაცხადა, რომ შეიარაღებული ჯგუფის დარჩენილი წევრები „ლოკალიზებულები“ იყვნენ.

პოლიციის „პიკაპები“ და სატვირთო მანქანები მთელი ღამის განმავლობაში შედიოდნენ და ტოვებდნენ ტერიტორიას.

შეტაკების ადგილიდან უახლოესი დასახლებული პუნქტი თელავის რაიონის სოფელი ლაფანყურია, რომელიც დაახლოებით, 20 კმ–მდე მანძილით არის დაშორებული საქართველო–რუსეთის საზღვრის დაღესტნის მონაკვეთიდან. სხვადასხვა მედია საშუალებების ჟურნალისტები ლაფანყურში იმყოფებიან, რადგან ხეობისკენ გადაადგილებას პოლიცია კრძალავს.

საქართველოს ხელისუფლება პირდაპირ არ ამბობს, რომ შეიარაღებული ჯგუფი საქართველოში რუსეთიდან მოხვდა, მაგრამ ხელისუფლების წარმომადგენლები, მათ შორის პრეზიდენტი სააკაშვილი, არაპირდაპირ მიანიშნებს, რომ ეს ჯგუფი სავარაუდოდ დაღესტნიდან შემოვიდა.

ისლამისტ მეამბოხეთა დაღესტნის წარმომადგენლობის ვებ–გვერდზე, vdagestan.info–ზე გამოქვეყნებულ განცხადებაში ნათქვამია: „დაღესტნის ვილაიეთის მუჯაჰიდთა ხელმძღვანელობა ადასტურებს“, რომ მისი მებრძოლები მონაწილეობდნენ შეტაკებაში. განცხადებაში ასევე აღნიშნულია, რომ მებრძოლები არ აპირებდნენ “საქართველოს ტერიტორიაზე არანაირი ოპერაციის წარმოებას“.

განცხადებაში ასევე ხაზგასმულია, რომ მებრძოლებს არავინ აუყვანიათ მძევლად. „ეს ქართული მხარის ცილისწამება და ტყუილია“, – ნათქვამია მასში.

ამავე განცხადების თანახმად, შეტაკებისას დაღუპული 11 მებრძოლი საქართველოს ხელისუფლების „მუხანათური ღალატის“ მსხვერპლია. განცხადება მოუწოდებს „მუჯაჰიდთა წინააღმდეგ სამხედრო მოქმედებების დაუყოვნებლის შეწყვეტისკენ“.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
51